Daniel 2:20 - Nan Hapit Apu Dios

²⁰ an alyonay, Madayaw'a Apu Dios hi ingga'inggana te he"a ya abuh di alpuwan di la'ing ya abalinan.

Daniel 2:20 Iomraidhean Croise

Hidin Hopapna 14:20

Ot madayaw nan na'abbaktun Dios an nangihwang i he"a ta nangabakon da'ah nadan binuhulmu. Ot idat Abram i Melkisedek nan mi'apuluh (10) nadan inabakdah eda ni'gubatan.

1 Patul 8:56

Madayaw hi Apu Dios an nangdat hi linggop i dita'un tatagunan tinanud Israel ta nipa'annung an namin an ma"id ha imbahhonah nadan imbagana i handin baalnan ammod ta'un hi Moses.

1 Chronicles 29:20

Ya hidin indappuh David an nundasal ot alyonah nadan na'amung an tatagu di, Dayawon ta'uh Apu Dios an un'unudon ta'u an tinanud Israel. Ya an naminda an na'amung hidih hinangngab nan patul ya nundu"unda ot ida"omday angahdah nan luta ta dayawondah Apu Dios.

2 Chronicles 20:21

Ya hidin nalpah an ni'hapit hi Jehosapat hinadan tatagu ot pot'ona nadan mungkanta ta ikankantaday pundayawdah nan amaphod Apu Dios ta diday mangipangulu ya nitnud nadan tindalu. Ya mangmangngeda on alyonday, Munhana ta'u i Apu Dios te nan pamhodna ya minaynayun hi inggana.

Nehemiah 9:5

Ya nadan udum i dida an tinanud Libay an da Jesua ya hi Kadmiel ya hi Bani ya hi Hasabneyah ya hi Serebiah ya hi Hodiah ya hi Sebaniah ya hi Petahiah ya alyondah nadan tatagu di, Dayawon ta'uh Apu Dios an wadawadah inggana. Ot mundasaldan alyonday, Madayaw'a an na'abbaktun Dios. Te ma"id ha udum hi umat i he"a.

Job 12:13

Mu ta'on on athidi ya ma"id ha nipaddungan di la'ing ya abalinan Apu Dios.

Psalm 113:1

Madayaw hi Apu Dios. Dita'un munhilbi i hiya ya hanat hiyay daydayawon ta'u.

Psalm 113:2

Ta hiyay midaydayaw hi ingga'inggana

Psalm 115:18

Ot dita'un mataguy mundayaw i hiya hi ingga'inggana. Madayaw hi Apu Dios.

Psalm 147:5

Ta immannung an na'abbaktu ya ongal di abalinanan Dios an dayawon ta'u. Ya ma"id ha lukud di la'ingna.

Psalm 41:13

Ot hi Apu Dios an dayawonmin tinanud Israel di madayaw hi ingga'inggana.

Psalm 50:23

Mu wa'et un'unudonyu nadan tugun'u ya ihwang da'yu. Ya hay umipa'amlong i ha"on ya hi'on inaynayunyun munhana i ha"on.

Psalm 62:11

Te imbagan Apu Dios an alyonay hiya ya ammunay ongal di abalinana.

Proberbs 8:14

Te ha"on an nanomnoman ya maphod di panugun'u ya punnomnom'u ya ongal boy abalina'.

Jeremiah 32:19

Ya nala'ing'a ya maphod an namin di ninomnommu. Ya innilam an namin di pangiye"en di tatagu ya nadan at'atonda. Ya hay ipabangngadmun dida ya nan miyunnudan hinan ato'atonda.

Ezekiel 28:3

Undan hay punnomnommu ya inla'la'ingmu mu din hi Daniel. Ya undan na'ngillam an namin di nganneh diye.

Matthew 6:13

Ya adim bahan iyabulut di nunhiglan apatnaanmi ta wan adi da'mi baliyan hinan diyablu.

Juda 1:24

Hi Apu Dios di mangibaliw ya bumoddang i dita'u ta mabalin an idinong ta'u nadan pumbahulan ta wan mun'am'amlong ta'un e middum i hiya an na'abbaktun Dios.

Nipa'innila 5:12

Ya ol'oltondan mangikankanta i han alyonay, Nan nipapaten ma'alih Kalnero di madayaw te ongal di abalinana ya kinadangyana ya la'ingna ya bikahna. Ta hiya nan hiyay midayaw an gapuh anabaktuna.