2 Samuel 7:9 - Nan Hapit Apu Dios

⁹ Ot banoddangan da'yuh nadan nanganangayanyu ta impa'abak'u i da'yun namin nadan binuhulyu. Ot ad uwani ya pumbalinon da'a hi patul ta mundingngol'a hi abobboble an umat hinadan udum an nundingngol an tataguh tun luta.

2 Samuel 7:9 Iomraidhean Croise

Hidin Hopapna 12:2

Ta idattan da'ah dakol an holagmu ta diday mundongol. Ya atbohdin wagahan da'a ta wan mundongol di ngadanmu ya he''a di lummuh awagahan di udum an tatagu.

2 Samuel 22:1

Hituwey ingkantan David an gapuh nangihwa'ihwangan Apu Dios i hiya hinadan binuhulna an ta'on on hidin e pamatayannot Saul i hiya

2 Samuel 22:30

Ya hi'on he"ay bumoddang i ha"on ya abalina' an abakon nadan mangubat i ha"on. Ya abalina' bon hogpon di bobleda an ta'on on binattuy aladda.

2 Samuel 22:43

Ta numpate' nimpe dida an paddungnay nuntultula' dida ta ingganaot mumbalindah hupu' ot pun'igatin'u ta numbalindah pito' hinan kalata.

2 Samuel 23:1

Hi David an imbabalen Jesse ya maphod di pungkantanah nadan tinanud Israel ya hiyay pinto' nan na'abbaktun Ap'apu an dayawon di tinanud Israel ot pumbalinonah nabaktun patul. Ya hay ma'udin hinapit David ya alyonay,

2 Samuel 5:10

Ta ninaynayun an nihamhamad di pumpatulan David te nan ongal di abalinanan Dios di bimmodboddang i hiya.

2 Samuel 8:13

Ta nundingngol hi David an namamah din pinatenay himpulut waluy libu (18,000) an tinanud Edom hinan nundotal an nungngadan hi Ahin.

2 Samuel 8:14

Ot ipiyammanay pungkampuwan di tindalunah nadan boblen di tinanud Edom te sinakupnay bobleda. Ta an namin di e ni'gubatan da David on nangabakon Apu Dios dida.

2 Samuel 8:6

Ot ipiyamman David nadan pungkampuwan di tindaluna hinadan boble hi ad Damaskus ot pumbayadona nadan i Syria hi buwis te sinakupna mo dida. Ya an namin di e ni'gubatan da David on nangabakon Apu Dios dida.

1 Chronicles 17:8

Ot banoddangan da'yuh nadan nanganangayanyu ta impa'abak'u i da'yun namin nadan binuhulyu. Ot ad uwani ya pumbalinon da'a hi patul ta mundingngol'a hi abobboble an umat hinadan udum an nundingngol an tataguh tun luta.

Psalm 21:6

Ot immannung an nan wagahmun ha"on ya ma''id ha pogpogna. Ya nunhiglay amlong'u te innila' an wadawada'a an mumpapto' i ha"on.

Psalm 89:23

Ta pumpate' nadan binuhulnan ma'ahihhiwon hiya.

Luke 1:52

Ya atbohdin nun'ipa'aana nadan mumbaktun ap'apuh nadan sa'adda ot ihukkatna nadan nun'ada"ul.

Joshua 6:27

Ta athidiy na'ana'at an hi Apu Dios di nanongnan bimmoddang i Joshua ta hiya nan nundingngol hi abobboble.

1 Samuel 18:14

Ya an namin nadan eda ni'gubatan ya nangabakda te hi Apu Dios di namodboddang i dida.

1 Samuel 18:30

Ya wa'e on e ginubat nadan ap'apun di i Pilistia nadan tinanud Israel ya dakdakkol di nangabakan David mu nadan udum an opisyal nadan tindalun Saul. Ta nundongol di ngadan David hi abobboble.

1 Samuel 2:8

Ya abalinam nimpe an mangipaphod hi nitaguwan nadan nun'awotwot ta pumhodda ta mibilangdah nadan tatagu an mapemanan. Te he"a nan Dios an nangiyammah nan gopnad tun luta ya an namin an wadah tun luta.

1 Samuel 31:6

Ta i diyen algo ya nateh Saul ya nadan tulun imbabalena ya nan mangmangdon hi almasna ya nadan udum an tindaluna.

1 Samuel 5:10

Ot iyeda mo bo nan Kahun hi ad Ekron an oha bon bobleh ad Pilistia. Mu hidin indatongdahdi ya ahitutukuk nadan tatagu an alyonday, Umman inyalidah tun boble ta'u nan Kahun an nittuwan nan Hapit nan Dios di tinanud Israel ot undan dita'u'e ihya ya adi ta'u mi'inya'ate?