2 Samuel 3:1 - Nan Hapit Apu Dios

¹ Nadan tatagun nan imbabalen din hi Saul ya nadan tatagun nan patul an hi David ya minaynayun an wa'e damdama on nunggugubatda. Ya hay mangaba'abak ya da David ta umoh'ohhada an umoh'ohha nadan mangita'dog hinan imbabalen din hi Saul.

2 Samuel 3:1 Iomraidhean Croise

Hidin Hopapna 3:15

Ya pumbuhhulon da'yun duwah nan babai. Ya atbohdin mumbuhulda nan holagmu ya nan holagna. Ta nan holagna ya gumi'onay ulum an ta'on onmu hugatan di hukina.

2 Samuel 2:17

Ta nalpah an na'at hidiye ot munggugubat nadan tindalun Isboset an impangulun Abner ya nadan tindalun David. Ya way ohaon inlaputnan mi'gubat mu inabak nadan tindalun David da Abner ya nadan tindaluna.

2 Samuel 2:28

Ot ipagangoh Joab nan tangguyubna ot idinong mohpen nadan tindaluna an e mamudupudug hinadan ibbadan tinanud Israel. Ot idinongda mon munggugubat.

2 Samuel 22:44

Ta inihwanga' i he"a Apu Dios hinadan mumpungngohe an tinanud Israel. Ot pumbalinona' hi ap'apun di dakol an tatagu an ta'on on hanadan agge nangin'innila i ha"on an wah udum hi boble ya munhilbidan ha"on.

2 Samuel 3:6

Hidin gumubagubat nadan tatagun din hi Saul ya nadan tatagun David ya hay madmadngol hi mangipangpanguluh nadan tatagun din hi Saul ya hi Abner.

2 Samuel 5:10

Ta ninaynayun an nihamhamad di pumpatulan David te nan ongal di abalinanan Dios di bimmodboddang i hiya.

1 Patul 14:30

Ya ninaynayun an aggeda nunhayyup da Rehoboam i Jeroboam.

1 Patul 15:16

Ya ninaynayun di agge nunhayyupan da Asa hinan patul hi ad Israel an hi Baasa.

1 Patul 15:32

Ya ninaynayun di numbuhhulan da Asa hinan patul hi ad Israel.

1 Chronicles 11:9

Ta ninaynayun an nihamhamad di pumpatulan David te nan ongal di abalinanan Dios di bimmodboddang i hiya.

1 Chronicles 3:1

Datuwe nadan linala'i an imbabalen nan patul an hi David an niyayyam hi awadandah ad Hebron. Hay panguluwana ya hi Amnon an imbabaledah nan i Jesreel an hi Ahinoam. Ya hay mi'adwa ya hi Daniel an imbabaledah nan i Karmel an hi Abigail.

Esther 6:13

Ot pun'ibaganah nan ahawana an hi Seres ya nadan gagayyumna nan na'at i hiya. Ya inalidan hiyay, Manu'e hi nipada"ul'a ya oha an Judyu hi Mordekay ot hiya nan ma"id ha abalinam an mangabak i hiya ya umannung an hiyay gumapuh adadagam.

Esther 9:4

Te na'abbaktuy sa'adna ya nundongol hi an namin an probinsya an ongal di abalinana.

Job 17:9

Mu ta'on on athidi ya hanan tagun mangun'unud i he"a Apu Dios ya iyal'alanan mundinol i he"a.

Job 8:7

Ya hanan kinadangyanmu handi ya adi mipaddung hinan kinadangyan an idatna.

Psalm 18:43

Ta inihwanga' i he"a Apu Dios hinadan mumpungngohen tatagu. Ot pumbalinona' hi ap'apun di dakol an tatagu an ta'on on hanadan agge nangin'innila i ha"on an wah udum hi boble ya munhilbidan ha"on.

Psalm 46:9

Te impadinongnay gubat ya numpa''ihna nadan pana ya pahul ya pinu'ulana nadan hapiyo.

Psalm 84:7

Ya mun'a'udman di bikahda an ta'on on dumanallananda te nunhiglay naminhoddan manamu i he"ahdih ad Zion.

Galasya 5:17

Te nan pohdon di adol ya bokon hidiyey pohdon nan Espiritun Apu Dios hi aton ta'u. Ya atbohdih nan pohdon nan Espiritu an hiya boy adi pohdon tun adol. Ta danaen duwa ya ayda mumbuhhulan an nanongnan pumanulpullohda.

Epesus 6:12

Te hay nahamad hi binuhul ta'u ya bokon nadan tatagu te nadan adi matigon a'ap'apun di dimunyu ya nadan ibbada an wah ad lagud ya hitun luta an dida nadan mummanmandal hinadan tataguh tun luta an paddungnay nahilngan di punnomnomda.

Nipa'innila 6:2

Ya anakkaya han pulaw an kabayu an wahdi han nitakke an nangdon i han pana. Ya tinigo' an nidat i hiya han koronan di patul. Hiya ya nangaba'abak hi gubat ya dee bon umen e mi'gubat hinadan mi'buhul i hiya.