2 Samuel 11:4 - Nan Hapit Apu Dios

⁴ Ot ituda'nay e mangawit i hiya ot iyedah awadana ot ilo'na. Ya hidiye bo udot ya hiyah nalpah nan inat Batseba an a'at di punlinis te hiyah nalpah di malpuh adolna. Ta nalpah ot umanamut hi Batseba hi baleda.

2 Samuel 11:4 Iomraidhean Croise

Hidin Hopapna 34:2

Mu hidin tinigon Sekem an hi na' Hamor an tinanud Hib ya imme ot dopapona ot pilitonan ilo'. Hi Hamor ya hiyay ibilangdah ap'apu i diyen boble.

Hidin Hopapna 39:7

Ta hidin nadnadnehdi ya nawaday naminhod nan ahawan Potipar i hiya. Ta lo'tat ot ayaganah Joseph ta e mi'ilo' i hiya.

2 Samuel 12:12

Ma"id ha nanginnilah din nangatam mu ha"on ya iyabulut'un ma'at hinadan ahawam di athidi hinan mapatal ta innilaon di an namin an tinanud Israel.

Psalm 50:18

Ya wa'e ha tinigoyuh mangako on na'na'yat ayu. Ya atbohdin midmiddum ayuh nadan mumpunluktap.

Proberbs 30:20

Hay pangat nan mi'ilala'i ya iluktapna nan ahawana ya ahi mohpe e mun'amoh ya alyonay, Ma''id attog ha nibahhoh inat'u.

Lebitikus 15:18

Ya wa'e ta inilo' nan lala'i nan babai ta bimmudduh di malpuh adolna ya mahapul an eda mun'amoh an duwa mu hiya damdamah diyen mibilangdah nalugit hi ingganah mahdom.

Lebitikus 18:19

Ya adiyu ilo' nan babai an wada nan binulan an malpuh adolna te mibilang hi nalugit.

Deuteronomy 5:18

Ya adi ayu umiluktap.