1 Samuel 3:7 - Nan Hapit Apu Dios

⁷ Mu agge innilan Samuel an hi Apu Dios nan himmapit i hiya te hidiyey hopapna hi na'atan di athidi.

1 Samuel 3:7 Iomraidhean Croise

Jeremiah 9:24

Te hay maphod hi ilattuwagyu ya nan nanginnilaanyun ha"on an Dios ya nan abalinanyun manginnilah a'at'u. Te ha"on an Dios ya ma'uleya' ya mabalin an pundinolana'. Ya ongal di homo"uh nadan tataguh tun luta te datuwey pun'amlonga'.

Apostoles 19:2

ot alyonan diday, Hidin kimmuluganyu ya on niddum nan Espiritun Apu Dios hinan nitaguwanyu? Ya alyonday, Aggemi man innilah nae te ma''id ha dingngolmih athina.

1 Kulintu 13:11

Te umat i ha''on an hidin a'ung'ungnga' ya adi mipto' di panapit'u ya dakol di adi' ma'awatan ya umat hi punnomnom di ungay punnomnom'u. Mu ad uwanin makiloga' ya bokon mo athidiy a'at'u.

1 Samuel 3:6

Mu nada'dani ya impidwan bon Apu Dios an alyon di, Samuel. Ta bimmangon bo ot umeh awadan Eli ot alyonay, Tanganu? Mu alyon Eli di, Agge da'a man inayagan. Ekaot malo'.

1 Samuel 3:8

Indani ya impitlun Apu Dios an himmapit. Ot bumangon mo boh Samuel ot umeh awadan Eli an alyonay, On tanganu? Ya na'innilaan mon Eli an hi Apu Dios nan himmapit.