1 Samuel 2:6 - Nan Hapit Apu Dios

⁶ He"a Apu Dios ya abalinam an pogpogon di itaguwan ya atbohdi an abalinam an mahuwan di nate.

1 Samuel 2:6 Iomraidhean Croise

1 Patul 17:22

Ya dingngol Apu Dios nan dasal Elijah ot taguwonah diyen unga.

2 Patul 5:7

Ta hidin binahan nan patul hi ad Israel hidiyen tudo' ya nunhethetnay lubungna an alyonay, Undan ha"on hi Apu Dios ta waday abalina' an mamate onu managuh tagu. Tanganuna udot ituda' ha nunhiglay gulidna ta ipa'agahnan ha"on. Umman nin mahan nee alyonaon ta waha pangigadulanan mangubat i ha"on.

Job 5:18

Te ta'on on paddungnay hugatan dita mu hiya damdama boy mangipaphod hinan hugat.

Psalm 116:3

Te wada han alyo' on mateya' ta nunhiglay takut'u ya minomnomana'

Psalm 30:4

Ot dita'un mangun'unud i Apu Dios ya hanat ikankanta ta'uy pundayaw ta'un hiya ya nan amaphodna an Dios.

Psalm 68:20

Te hiya an na'abbaktun Dios ya abalinanan mangipapto' ya mangihwang i dita'un tataguh ate.

Psalm 71:20

Ot ta'on hi inyabulutmuy dakol an nunligata' mu madinola' damdama an paphodom di nitaguwa' ta ta'on ona' mun'atte'atte ni' mu aggem inyabulut an mateya'.

Ecclesiastes 3:3

Ya waday timpun di pumatayan ya waday timpun di pumhodan. Ya waday timpun di pama"ihan hi niphod ya waday timpun bon di pangipaphodan.

Isaiah 26:19

Mu innilami an abalinam an mangihwang i da'mi ya abalinam an ibangon bo tun boblemi an paddungnay mahuwam. Ya ahi ikankantan nadan tataguy amlongda. Te nan em panaguwan i da'mi ya mi'alig hinan dulnuh nan mawi"it.

Ezekiel 37:12

Ta hiya nan ibagam i dadiyen tatagu' tun ibaga' an na'abbaktun Dios ta nomnomnomondan paddungnay e' bukatan nadan nun'ilubu'andah udum hi boble ta ilah'un'u dida ta taguwo' dida ya inyanamut'u didah nan bobleyun tinanud Israel.

Ezekiel 37:3

Ya alyon Apu Dios di, He"a Ezekiel, on mabalin an tumagu datuwen tungal? Ot alyo' di, He"a an na'abbaktun Dios di nanginnilan nae.

Matthew 12:40

Te hi Jonah ya inaminul han pating hinan baybay ta nihaha''ad hi putun nan pating hi tuluy algo. Ya atbohdiy ma'at i ha''on an Nitulang Hitun Tatagu an milubu'a' hi tuluy algo.

John 11:25

Ya alyon Jesus di, Ha''on nan mummahuh nate ya ha''on boy mangdat hi itaguwan. Ot hanan kumulug i ha''on ya ta'on on mateh ad uwani ya mi'tagu i Apu Dios hi munnananong.

Deuteronomy 32:39

Ot alyon bon Apu Dios di, Ibaga' i da'yu an ha"on ya abuh di Dios an ma"id ha udum. Ya ha"on di waday abalinanan mamateh tagu ya ha"on boy alpuwan di itaguwan. Ya abalina' bon humugat ya mangipaphod hi hugat. Ya ma"id ha mabalin hi manangga i ha"on hinan ato'.

Nipa'innila 1:18

Ya mataguwa' te ta'on hi pinateya' mu tigom an mataguwa' hi inggana. Ta hiya nan ha"on di ukod hi itaguwan di tatagu ya ha"on boy ukod hi umayan di linnawadah atayanda.

1 Samuel 20:3

Mu alyon David di, Hi amam ya innilana an nahamad di nunggayyumanta ya adina pohdon an mahakitan'ah nan atona. Ot ibaga' tee i he"a ya hi Apu Dios an wadawadah inggana an na'omtang ya abuh han pi'taguwa'.