1 Samuel 18:7 - Nan Hapit Apu Dios

⁷ Ya hay itayottayoda ya ikankantada ya alyonday, Hi Saul ya pinatenay linibuh nadan binuhul ta'u mu hi David ya napulu on napuluy libuy pinatena.

1 Samuel 18:7 Iomraidhean Croise

2 Samuel 18:3

Mu alyon nadan tindalun hiyay, Adi'a mi'yalin da'mi te immannung an he"ay nabalol hinadan binuhul an ta'on on ma'abak ami ta bumtik ami ya ma"id ha hilbina i dida. Ya ta'on hi godwa i da'miy mate ya ma"id damdama ha hilbina i dida. Te hay balolmu i dida ya paddungnay himpuluy libun (10,000) tindalu. Udu'dul di namaag ya immohnong'ah boble ta wada'ey mahapulmi ya impiyalim.

2 Samuel 23:1

Hi David an imbabalen Jesse ya maphod di pungkantanah nadan tinanud Israel ya hiyay pinto' nan na'abbaktun Ap'apu an dayawon di tinanud Israel ot pumbalinonah nabaktun patul. Ya hay ma'udin hinapit David ya alyonay,

2 Samuel 6:5

ot mitmitnud da David ya nadan ibbada an tinanud Israel an nunhiglay amlongda an ip'iphoddan manayo hi pundayawda i Apu Dios on mungkankantada. Ya pun'ipagangohday harp ya lira ya tamburin ya kastanet ya simbal.

Hay Nakakan 15:21

Ot mungkantadan namin ot inayun Miriam an ikanta an alyonay, Ikantaan ta'uh Apu Dios te hiya ya na'abbaktu. Ta nun'ipakbonah nan baybay nadan kabayu ya nadan nilugan an titindalu.

1 Samuel 21:11

Mu alyon nadan ap'apuhdi i Akis di, Undan bokon hituwe nan hi David an patul nadan tinanud Israel. Ot ten hiya nan ikankantaanda on nannannayoda an alyonday, Pinaten Saul di linibu mu hi David ya napulu on napuluy libu.

1 Samuel 21:12

Ya hidin dingngol David hidiye ya nunhiglay takutnah nan patul an hi Akis.

1 Samuel 29:5

Undan bokon hituwe nan hi David an ikankantaanda on tinaytayyawan nadan binabain alyonday, Pinaten Saul di linibu mu hi David ya napulu on napuluy libuy pinatena?