1 Samuel 1:8 - Nan Hapit Apu Dios

⁸ Ya lo'tat ya alyon Elkanah i Hannah di, Tanganu on'a umukayungan on limmuwaluwa'a? Ya tanganu on'a adi mangan? Undan ahan nabalbalol i he"a an waday himpulu (10) an imbabalem an linala'i mu ha"on an ahawam?

1 Samuel 1:8 Iomraidhean Croise

2 Patul 8:12

Ot alyon Hasael di, Apu Elisa, tanganu on'a kumga? Ya alyon Elisa di, O te innila' an udum hi algo ya nunhiglay pangatmun da'min i Israel. Te pu'ulam nadan binattun alad di boblemi ya numpatem hinan ispada nadan mumpangpangngilog an linala'in imbabalemi ya hanada'e attog an u"unga ya pun'igatinmu dida ta mun'a'ateda ya ta'on on hanadan numpumbutyug ya pumbughim di putuda.

Job 6:14

Te nan tagun nunhiglay punligatana ya mahapulnay boddang nadan ibbana an ta'on on inwalongnay pangulugnah nan ongal di abalinanan Dios.

Psalm 43:4

Ta ikankanta' hidiy pundayaw'un he"a ya ipagangoh'u nan harp te he''ay nangipa'amlong i ha"on.

Isaiah 54:1

Ya innayun bon Apu Dios an alyon di, He"a an ma"id ha imbabalenan babai ya hanat itkukmun mungkantah amlongmu. Te ta'on hi aggem lini'nay a'at di mun'ayyam ya dakdakkol di holagmu an tinaynan ni' di ahawana mu nan babain agge tinaynan di ahawana.

Isaiah 54:6

Ta bangngadon da'a ta umat'ah nan mangilog an babain nalahin ot taynan nan ahawana ta nunhiglan umukayungan. Ha"on an Dios an dayawonyun tinanud Israel di mangalin tuwe.

John 20:13

Ya alyondan Mary di, Nganun'a kumkumga? Ya alyonay, O te inye''eday adol nan Ap'apu ya aggemi innilah on idanay nangiyayanda.

John 20:15

Ya alyon Jesus i hiyay, Tanganun'a kumkumga? Undan nganney hama'om? Ya hay wah nomnom Mary ya alyona on hiya nan mumpapto' i diyen natanoman hi bungbunga"an ta alyonay, Ibba' ibagam bahan hi'on he''ay nangaan hituh nan adol Jesus ya intuddum di nangiyayam ta e' alan.

1 Tesalonika 5:14

Ya ibagami bon da'yun i'iba an hanat tugunonyu nadan ma'higga ya patulidonyu nadan ma'attakut ya boddanganyu nadan nakapuy di pangulugda ya hanat munhin'a'awat ayu ya mun'u'ullayan ayu.

Ruth 4:15

Te hiya ya imbabalen tun inapum an babai an ongal di pamhodnan he''a an nahamad di nangipapto'na i he''a mu hay pangat di pitun linala'i an i'imbabale. Ya teen ad uwani ya nun'imbabale ta apapum ta waha mangipapto' nimpe i he"ah tun a'in'innaam.

1 Samuel 1:7

Ta athi'athidih atawotawon hi'on immedah nan balen Apu Dios hi ad Siloh ta hi Hannah ya namaaggon limmuwaluwa an adi mangan.