1 Samuel 1:7 - Nan Hapit Apu Dios

⁷ Ta athi'athidih atawotawon hi'on immedah nan balen Apu Dios hi ad Siloh ta hi Hannah ya namaaggon limmuwaluwa an adi mangan.

1 Samuel 1:7 Iomraidhean Croise

Psalm 102:4

Ta pamaag tee ya umata' hinadan holo' an naba'gut ta mun'akling. Namama bo udot te humigaa' teen mangan.

Psalm 102:5

Ya nunhigla tayyan midgohana' ta ona' pumalapalak. Ya nunhigla mahan mo teey e' napigutan an matigoy tungal'u.

Jeremiah 41:5

ya wadaday nawalun (80) linala'in nalpuh ad Sekem ya hi ad Siloh ya hi ad Samaria an nun'aanday balbasda ya nunhethetday lubungda ya nunhugatanday adolda ta pangipatigodah eda umukayungan hi nadadagan di ad Judah. Ya inodnanday nalpuh nan binto'da ya insenso an eda idawat hidih nan Templo.

1 Samuel 1:6

Ya gapu attog ta ma"id ha imbabalena ya amod on e danildilaon Peninah ta ona pabohboholon.

1 Samuel 1:8

Ya lo'tat ya alyon Elkanah i Hannah di, Tanganu on'a umukayungan on limmuwaluwa'a? Ya tanganu on'a adi mangan? Undan ahan nabalbalol i he"a an waday himpulu (10) an imbabalem an linala'i mu ha"on an ahawam?

1 Samuel 2:1

Ot mundasal hi Hannah an alyonay, Ongal di pun'amlonga' i he"a Apu Dios te binoddangana' ta waday panipol'uh nadan mamihul i ha"on. Ya madinola' te innila' an he"ay mangipappapto' i ha"on.

1 Samuel 2:19

Ya atawotawon on nangiyamma hi inana hi lubung an miyoddah ta wa'e ta immedah ad Siloh an himbale an mangiyeh i'nongda i Apu Dios on indatna i Samuel.