Biblia Todo Logo
Bìoball air-loidhne

- Sanasan -




Taitọs 3:7 - Ibani New Testament

7 sị ori tọ́rụ́kụrụkụ́rụ́ ḅụ ḅọ́rọ́ wa karakárá ibiamịẹnyẹapụ sọ́bẹm Tamuno ma fịnị angaá, sị ḅo wa tọ́rụ́dighi gbámásó duma ma nyáná.

Faic an caibideil Dèan lethbhreac




Taitọs 3:7
25 Iomraidhean Croise  

Jizọs saghị jẹ́ pa nwángị sáá gbẹ́rẹ́ owitụ́wọ mangị ọ damaḅom, warị o tọ́rụ́kuu ẹkpẹrẹkị sị o gbíla ḅẹẹ, <>


Tamuno túminị́ sẹlẹakiarị ori tọ́rụ́kụrụkụ́rụ́ ḅụ ḅọ́rọ́, nnị nwángị fịrị ḅụ ofori, anị ḅọ́rọ́ nna fịrị ḅụ ḅọ́rọ́, tọ́rụ́kụrụkụ́rụ́ mịnị tọ́rụ́kụrụkụ́rụ́bịgha.


Tamuno ọ ḅụ na wa mịẹ karakárámamam Krais ḅụ ḅọ́rọ́ wámịna dụapághámaḅo, ọ papa die wa pịrịnyẹ. Túminị́ karakárá ibiamịẹnyẹapụ sọm Krais Jizọs ḅụ ḅọ́rọ́, nna duapághámaarịḅọ.


Wa dughoarị bẹ tumḅọ karakárá ibiamịẹnyẹḅọ sọm minini ḅụ ḅọ́rọ́, ólóghó bịpị ma warịgha ḅụ.


Mịma go mini pịrịnyẹ́ ma minini ḅụ saghịḅom, túminị́ árị bẹ ḅara ḅẹ́ mini pịrịnyẹ́ ma anịị Tamuno ḅara saghị ḅo diepịrịnyẹ, ọmịnị pa Ebraham furobie págháḅoapụ mamgba pịrịm, ólóghó ma kokoapụ ngéréghaa, kụ́ma Ebraham minini ḅara pa mininiapụ. Tegó Ebraham anịị wamịnị kị́nị́mamgba daa.


Fịrịnwangịapụ nnị n nwángị fịrị igbii pa n gbẹm, tumḅọ dughobịgha ḅẹ́ ọ́ n die nnị pịrịnyẹ; nnị fịrịnwangị anị pịrịm.


Wa Tamuno ma awọ sọmaá ḅara ma, wa pịghị o kóróma ori a túminị́ pịrị karịibima ma nyánábẹm, wa pịghị Krais na nyánábẹm Tamuno kóróma ọ pịrịnyẹ; wa ḅọ́rọ́ Krais ma tọ́rụ́siarị ḅụ diekiri nyánam, wa pịghị ori ipine ḅụ diekiri nyánábẹm.


Ọmịna ḅụ jẹ́apụ anịị ọ fịnị ḅara; kụ́ma nnị ọ mịẹ fiáfiámamám sii ḅụ; nnị o fóofóo ma Tamuno pịrịmam; Kị́nị́nyánáḅọ Jizọs Krais ma ẹ́rẹ ḅụ nnị o mịẹ karakárámamam; na pịghị wamịna Tamuno ma Tẹ́mẹ́ pa.


Anịsọ wa nimim ḅẹ́ tumḅọ ḅo Tamuno na karakárá ḅụ fịnịm, anị tumḅọ ma Krais ḅụ nyáná minini ḅụ ḅọ́rọ́, ólóghó ma dughonyẹ mịẹgha ḅụ. Wamịnị sọ Krais Jizọs ḅụ mininimam sị nnị wa pa Tamuno na karakárá ḅụ warị, Krais Jizọs ḅụ wa nyáná minini ḅụ ḅọ́rọ́, ólóghó ma dughonyẹ mịẹgha ḅụ. Ḅẹ́ nnị ólóghó ma ngéré dughonyẹ mịẹarịḅọ pa Tamuno na karakárá ḅụ warịbịgha.


Ọmịnị ḅọ́rọ́ Krais nyẹ nḅẹḅẹ́, ọmịnị Ebraham awọ. Ọ Tamuno mini karịibima ma nyánáḅobẹm.


Mị́sa ịrị mịnị omoniḅọgha, kụ́ma Tamuno tụ́wọ, ịrị ọ tụwọ gosi ọ nyánányẹ mamgba ịnyee.


Wámịna Nyánáḅọ Jizọs Krais ọ ḅụgbọrụ na Tamuno wámịna Daa, wa ḅẹlẹma ḅo sị ọrẹ tọ́rụ́kụrụkụ́rụ́ ḅụ gbámásó biedịịnma na ibi tọ́rụ́ dighi pa wa pịrịm.


mịị karakárá ma ḅụ ḅọ́rọ́ túminị́ tọ́rụ́ dighinyẹ nyánam gbámásó duma nyáná ḅụ, Tamuno ine epeletibịghaḅọ ma mị duma minini wa pịrịm tuminikiri na saghịgha sa,


Ḅẹẹ Tamuno tọ́rụ́kụrụkụ́rụ́ dụaḅọ́rọ́ma akuoarị nyẹ anị ḅụ pa túminị́ mamgba diemam.


wa boma éné ma kúruarị sa, wámịna tọ́rụ́ dighinyẹ nyáná éné ma anịị wámịna opu Tamuno na wámịna Dụaḅọ́rọ́maḅọ Jizọs Krais ipine na ḅo bẹ sa.


Anịsa sookumuapụ ma, nnị ọ tẹ́apụ? Sookumuapụ ma nnị anịị fịrịnwangị Tamuno pịrịarị tẹ́mẹ́, ọ fịrịma sị nnị ḅo fịrịnwangị dụaḅọ́rọ́ma nyánábeapụ pịrị.


Minini anị Nuwa mịẹsị ọ Tamuno birinụ́nụ́ náanyẹ, tórúku ju fịnịnyẹ gbolomanyẹ, ori arịgha nyẹ ọ Tamuno bịpị pughum si mú árụ́ nama, ori na ọ wárị gbọrụ ḅọ́rọ́ ḅọ́rọ́ma nyána ḅara. Anị ḅụ ḅọ́rọ́ tuminikiri gbọrụ gulugulumam, minini ḅụ ḅọ́rọ́ Nuwa karakárá ibiamịẹnyẹ nyánaḅom Tamuno ḅara.


Minini ḅụ ọ Tamuno minini ọ pịrị ámá ma ḅụ ngam igoniḅọ ḅara. O dii laagha warị ḅụ ngáarị, Aizik na Jekọpụ ngá ḅara, mị gbẹ́rẹ́ mini nyẹ ma nyánáḅoapụ Tamuno ḅara.


Tamuno ọrẹ dima dimagha duma diepágháma ọrẹ awọ o minini nyẹ nyánáakị bẹapụ pịrị dọ́ghụm gosi o minini n pịrịnyẹ ori ọḅọọ fị pa anị mịẹ kụ́rọ́mam.


O pughu, ị́yẹ́ ibi mịnaapụ, Tamuno mị tuminikiri siminiapụ ma sẹ́lẹ́akịm sị nnị opuma minini nyánáapụ sọ sị nnị ma pịghị amadakiri ma nyáná bẹapụ sọ, Tamuno minini ọ ḅẹlẹmaapụ ma pịrịnyẹ.


Anị gbẹ́rẹ́ ḅara ma, ọmịnị deeapụ akanyaḅo pa ọmịna taapụ na ngaa, nimi ḅẹ́ nnị kụrọ ọ́ nana gbasịgha, osigha pa n pịrị, tegó nnị sọ pịghị ọ́ nana Tamuno ḅara ọ nyánáḅọ duma ma nyáná bẹ ḅara. Ọ mịma mịẹsị bẹnyẹ bẹnyẹ ọmịna tẹ́ghẹ̄ mgbesẹbịgha ḅara.


Lean sinn:

Sanasan


Sanasan