Taitọs 3:3 - Ibani New Testament

³ Wamịnị sọ gbẹ́rẹ́sa biri pịghị oḅorisọm, bịpị osigha, nnị wa daa asọ irima. Wa pịghị omoni sọ wámịna ojumẹnị binyẹ gonyẹ́ gonyẹ́ pịrịm. Wa pịghị wámịna duma kọarị sisịbịbie sua ḅụ, jughonyemọni, jẹapụ imi wa ḅẹ́lẹ́maghaapụ, wamịnị sọ n ḅẹlẹmagha.

Taitọs 3:3 Iomraidhean Croise

Matiu 21:29

<<Ọ pagharam ḅẹẹ, kụ́ma sáá muu sa ori ọ tẹ́mẹ́ diman sị muu.

Ibi Oku Ma Luk Anị Gịẹ Ḅara 21:8

Jizọs warị ḅẹẹ, <<Ọ tọ́rụ́ pa kiri lama, o minima kị́nị́ oḅori pa ọ sị, tọghaapụ ḅẹarịapụ ḅẹẹ nnị ẹ́gẹ́rẹ kọọ i pịrịarị, n ḅobẹm ḅo dugho ḅẹẹ, Sị pịghị dugho ḅẹẹ, Ọmịnị n dua ma.

Ibi Oku Ma Jọn Anị Gịẹ Ḅara 8:34

Jizọs pagharam, <

Romapụ 11:30

Ọmịnị Juughaapụ, ọ Tamuno bịpị puughugha parị sa, kụ́ma mị́sa ọ Tamuno tọ́rụ́kụrụkụ́rụ́ nyanaḅomam tegó Juuapụ ma bịpị puughugha gosi.

Romapụ 6:12

Anịgosi ọ minima sị sii kụ́rọ nyáná ọmịna fịị bẹ ojumẹnị ma pịrị, sị anị tarị siinyẹ gonyẹ́ gonyẹ́ mịẹ.

Romapụ 6:17

Kụ́ma wamịnị ịmịẹḅam pa Tamuno ḅẹbẹm! Tegó gbẹ́rẹ́sa biri ọmịnị omoni sọ sii pịrịm, kụ́ma mị́sa ọ nyánáḅọ karakárá dienyẹ ma ọ tẹ́mẹ́ gbọrụ pa anị dughonyẹ mịẹm.

Romapụ 6:22

Kụ́ma mị́sa n sii ḅárabie ọ duapághámaḅomam sị ọmịnị Tamuno ómóniapụ sọ. Ọmịna sọnyẹ anịị n gbẹ́rẹ́sa saghị ḅọrọma Tamuno pịrị duma, anị kunema anịị duma gbámásó.

Romapụ 6:6

Wa nimim ḅẹ́ wámịna olom ojumẹnị ma nnị anị na Krais ḅaupálịm mgbẹsẹ sị́ ọ́gọ́nọ, sị n siiamịẹnyẹ ojumẹnị ma guluguluma bẹ ḅara, sị anị ḅụ ḅọ́rọ́ wamịnị jẹ́ pa siiamịẹnyẹ ómóniapụ sọbịgha ḅara

2 Kọrịntịapụ 12:20

Ḅáláfa ịḅụ imi ḅẹẹ a aningáa láa bẹ sa a bi ḅara ọmịnị ọkọfịnịbịgha, ọmịnị sọ pịghị dọghụ ḅara a ọkọfịnịbịgha. Ḅáláfa ịḅụ imi, bẹ kam sọ, na jụghọ nyẹ mọnị, na ọfịrị kúkúbie, na ngéré fịị, jẹ́apụ dughosima, na opu ibiamịẹnyẹḅọ na nyẹ mịẹ gálágálá ma, anịị a árị bẹnyẹ.

Galesiaapụ 6:3

Ḅọ́rọ́ tumḅọ sị ḅẹ́, n ḅọ nyẹ ḅụ imi, nḅọ nyẹ ḅụ ófórigha sáá, anị tumḅọ ma oḅori pa nḅọ ḅụ sịarị.

Kolosiapụ 1:21

Gbẹ́rẹ́sa biri ọmịnị Tamuno bie ḅọlọanga ḅụ imi pịghị ori iruonaapụ ọmịna tẹ́mẹ́bie ọkọarị sịị duma gosi.

Kolosiapụ 3:7

Parị ọmịnị mịị asọ ma nwángịm, ọ kọọ duma ḅara gosi.

2 Timoti 3:13

Kụ́ma sị a túminị́ na oḅori pa kịnịsịapụ gbẹ́rẹ́ sii ḅụ akị muu siḅaá angaá nyẹ ḅụ sọọbẹm, oḅori pa jẹ́apụ sịarị jẹ́apụ pịghị oḅori pa nna ḅụ sịarị.

2 Timoti 3:6

Nna ḅụ jẹ́apụ epele ḅara pa túminị́ wárị sọsọm sị nna epele dienyẹ ma pa ḅẹrẹtọ amịna minini kụrọgha ẹ́rẹ́maawọ ma pụ́nụ́ma. Mịná ẹ́rẹ́ámáapụ ma anịị nna sii n tẹ́mẹ́bie ḅẹ́rẹ́si pa n pịrịapụ ofori ofori sị nyẹ pịghị pụghọ tarịarịapụ.

Taitọs 1:16

Nnị bịpị ḅụ dughoarị ḅẹ́ n Tamuno nimim, kụ́ma nna mịẹnyẹ ḅụ nnị o pighiarị. Mịị túminị́ ma nnị Tamuno ḅụ siiapụ, nnị pịghị ọ bịpị pughugha, nnị ibi pịrị gbẹ́rẹ́ fịrị sọ ofori.

Taitọs 2:12

Anị tọ́rụ́kụrụkụ́rụ́ ma diearị ḅẹ́, Tamuno bie ófórigha duma sịghị pịghị tuminikiri ma tọ́rụ ḅẹlẹ sịghị warị ḅụ ọlọ duma kọọ, tụ́ghụ́ sẹ na Tamuno dighi ḅáláfa duma kọọ mị tuminikiri ma ḅụ,

Jems 1:26

Ọmịna bie sịḅọ imi ḅẹ́ nḅọ Tamuno nimim, kụ́ma ine nḅọ ḅẹ́lẹ̄ ọlọgha, anị tumḅọ ma Tamuno nimi ọ́ papanyẹ, n ḅo oḅori pa n ḅo ḅụ siim.

1 Pita 1:14

Ọ Tamuno bịpị pughu, o minima si ọ Tamuno nimigha sa ọ kọmaá olom duma ḅara ma pa ḅẹrẹtọ ọmịna duma pịrị mị́sa.

Puu Findi 12:9

Opuma dụḅa ḅụọ nyáná ododó ma nnị anị gbi pághámam, anị olom kiri nwángị ododó ma ẹ́kpẹ́dua anịgha Satanị pa sịḅọ, oḅori pa tuminikiri mamgba sịḅọ. Nnị o gbi kórómam tuminikiri, ori na ori sookumuapụ.

Puu Findi 13:14

Anị oḅori pa tuminikiri ngáarịapụ mamgba siim anịị, nnị anị wáriso si anị nwángịarị ḅụ́gbérépuma fịrị ma gosi, parị ḅáláfama nama ma tórúku. O dugho n pịrịm ḅẹẹ nnị n tẹ́mẹ́nyẹ mịẹ sẹ maá, pa nyẹ láa ḅáláfama nama ma pa biekóróma bẹnyẹ mịẹ. Nnị áláápụ́-ágidi pa nyẹ́ pa anị lama nyẹ sị pa dumafịnị nyẹ.

Puu Findi 18:2

Ori opu pụghọ pa owu ilúghum: <<Á bịghịmam! Opu Babịlọn ma bịghịmam! Mị́sa sitẹ́mẹ́, ịlọ́lị tẹ́mẹ́ pile na pịghị túminị́ tọ́ọ tọ́ọ fíní anị mị́sa a bie ngáarịapụ.