Taitọs 3:2 - Ibani New Testament

² Dugho n pịrị ḅẹ́ nnị gbẹ́rẹ́ḅọ sọ dughosima ma, kụ́ma diin dọghụ, nangwọ mịẹ, pịghị ḅụ́sitéréma ḅara pa kị́nị́mamgba na ngaa.

Taitọs 3:2 Iomraidhean Croise

Matiu 11:29

Iyẹ kọ́ngọ sua sị ma sua, sị i ḅara nyẹ dáwọ, ḅẹẹ a diin pịghị ḅụ sitéréma tẹ́mẹ́ nyánam, ọ pịghị ịnyọ́sárá nyáná ḅo ọmịna tẹ́mẹ́ pịrịbẹm.

Fịrị Ḅara 23:5

Pọl pagharam ḅẹẹ, <>

1 Kọrịntịapụ 6:10

anịgha furuapụ anịgha oputọ́rụ́apụ anịgha iru ḅụụ tọ́rụ́ ḅámaapụ, anịgha jẹ́apụ dughosimaapụ anịgha ngarafịapụ mịnaapụ ma gbẹ́rẹ́ḅọ sọ Tamuno amadakiri ma nyánáḅobịgha.

1 Kọrịntịapụ 9:19

Irị ḅara na i sịbị nyánáḅọ; irị gbẹ́rẹ́ḅọ sọ ómóniḅọgha; kụma a ịḅụ pa kị́nị́mamgba ómóniḅọ mịẹm sị a ineapụ akuoo Krais nimii.

2 Kọrịntịapụ 10:1

Krais ḅụ fịnị diin na ḅụsímínímá, irị Pọl, anịị mị tẹ́ghẹ̄ bịpị ma pa ọ tẹ́ghẹ̄arị nyẹ, ịrị anịị túminị́ ḅẹ́ sị tọ́rụ́kụ́kụ́ḅọ a ọ nana gbẹ́rẹ́ angaá fịnị sáá, kụ́ma tọ́rụ kụ́rọ a ọ nana gbẹ́rẹ́ angaá ófórigha sáá.

2 Kọrịntịapụ 12:20

Ḅáláfa ịḅụ imi ḅẹẹ a aningáa láa bẹ sa a bi ḅara ọmịnị ọkọfịnịbịgha, ọmịnị sọ pịghị dọghụ ḅara a ọkọfịnịbịgha. Ḅáláfa ịḅụ imi, bẹ kam sọ, na jụghọ nyẹ mọnị, na ọfịrị kúkúbie, na ngéré fịị, jẹ́apụ dughosima, na opu ibiamịẹnyẹḅọ na nyẹ mịẹ gálágálá ma, anịị a árị bẹnyẹ.

Galesiaapụ 5:22

Kụ́ma Tẹ́mẹ́ ma pághámaḅoarị sịmgbọlụ anịị, ḅẹlẹma, bieḅẹlẹ, diin, ngịrịma, ibitẹ́mẹ́ nyána jụghọ jụghọ pịrị ibinyẹ, tẹ́mẹ́ gbánā,

Galesiaapụ 6:1

Ị́yẹ́ amịna owiapụ, nnị ḅọ́rọ́ kị́nị́ kuu ọkụ́ma siiamịẹnyẹ ḅụ, ọmịnị Tọ́ntọ́ Tẹ́mẹ́ ma nyánáapụ diin ḅara pa n pa karakárá asọ ma ḅụ warị. Kụ́ma ḅụ ẹbị sị ịrịsọ daádighi bie sọbịgha ḅara.

Galesiaapụ 6:10

Anịgosi wa asọ nyáná sa gonyẹ́ gonyẹ́ wa ibinyẹ mịẹ kị́nị́mamgba pịrị, ẹ́rẹ́soma Krais ḅụ mininiapụ ma.

Ẹ́fịsọsapụ 4:2

Sámámgba ḅụ sitéréma, ḅụ diin tẹ́mẹ́ nyáná, inema nyáná, ọmịnị inema nyáná jụghọ jụghọ pịrị ḅẹlẹma ḅụ.

Ẹ́fịsọsapụ 4:31

Tẹ́mẹ́ ákụ mamgba na, owi tẹ́mẹ́ na igani gonyẹ́ gonyẹ́ ḅụ ọmịnị ọmịna ḅụ fófóoma anị ḅụ, ọmịnị ilúghú wirinumo wirima, ọ pịghị jụghọ jụghọ tarịgha duma gonyẹ́ gonyẹ́ wáriso.

Filipaiapụ 4:5

Diin ḅara pa kị́nị́mamgba na ngaa Kị́nị́nyánáḅọ ma ḅọlọgha sáá ḅụ ḅoarị.

1 Tẹsalonaikaapụ 2:7

Krais fịrịmaapụ ḅara, wamịnị ine ọ ḅara nyẹ́bibẹm. Kụ́ma wa diin ḅara pa ọ nana mịẹm wamịnị ọ nana fịnị sáá, nyingiḅọ árị awọ siḅearị ḅara.

1 Timoti 3:11

Nna taapụ sọ anịị túminị́ osigha pa pịrị na ḅụ́gbẹ́ ẹ́rẹ́, nnị jẹ́apụ pa ẹ́gẹ́rẹ́bịgha; tọ́rụ́ diinapụ, túminị́ pịghị nna ḅụ biegbana nyánam nyẹ gonyẹ́ gonyẹ́ ḅụ.

1 Timoti 3:3

N ḅo iru ḅuu tọ́rụ́ ḅámábịgha, owitẹ́mẹ́bie pa nyẹ́ mịẹgha, kụ́ma tẹ́mẹ́ ọfịrịgha tumḅọ, kamsọsọghaḅọ; ori igbii ḅẹ́lẹ́mabịgha;

Jems 3:17

Kụ́ma ọ́gọ́nọ saghị ḅo opu nyẹ́nimi ma parị anị kpainm, anị pịghị diin ḅẹ́lẹ́mam, sárásárám, nangwọmiẹdim, anị pịghị tọ́rụ́kụrụkụ́rụ́ nyánam, ibi ibiamịẹnyẹ nyánam, anịị anị dipiapụ sughuarị nyẹ. Anị pịghị tọ́rụ́kúkúgha pịghị mmẹẹ́ a tọ́rụ kingigha.

Jems 4:11

O jụghọ jụghọ dughosima ma, ịyẹa mịnaapụ, ḅọ́rọ́ o jụghọ jụghọ dughosima anịgha ḅẹ́rẹ́kọ jẹ́ Krais duaarị mị́naḅọ pịrị, ọmịnị ólóghó ma dughosimaarị pịghị ḅẹ́rẹ́kọ ólóghó ma pịrịarị. Ịrị mịnị ólóghó ma koko ḅogha, kụ́ma ḅẹ́rẹ́kọ ólóghó ma pịrịarịḅọ.

1 Pita 2:1

Tọ́rụ́kịrịkị́rị́ siiamịẹnyẹ gonyẹ́ gonyẹ́ pa angaá ḅọ́rọ́, mịnị epele ti ma anịgha mmẹẹ́ tọ́rụ agidi duma kọọ anịgha jughonyẹ mọnị anịgha wirinumo ẹ́gẹ́rẹ́kọọ.

1 Pita 3:10

Tọ́ndiri ma dugho ḅara bẹ: Duma ḅẹ́lẹ árị dọghụḅọ gonyẹ́ gonyẹ́ sị pịghị tuminikiri ibi sa arị́, nḅọ ḅẹlẹ ọlọ sị ẹ́gẹ́rẹ́ ḅụ pịghị epele ti ḅụ.

1 Pita 3:8

A kunemaarị: ọmịnị kị́nị́mamgba gbẹ́rẹ́ tẹ́mẹ́ nyáná, ḅụnjịrị nyáná, jụghọ jụghọ ḅẹlẹma mịnaapụ ḅara, ọmịnị ibiamịẹnyẹ nyáná pịghị ḅụ siterema jụghọ jụghọ pịrị.

1 Pita 4:4

Mị́sa ma ḅụ Tamuno nímighaapụ ma anị n tọ́rụ́ bulubulumaarị o go mịnị n dua ḅara la ḅara la ḅara duma ma kọgha nyẹ, anịma go n warị o dugho simam.

2 Pita 2:10

Mịnaapụ anị ịlọ́lị si ojumẹnị tarị nyẹ gonyẹ́ gonyẹ́ mịẹarịapụ si Tamuno kụrọ pa nyẹ́sịghaa. Mị iruo nyẹ́dieapụ ma nnị kụrọ tọ́rụ́ nyánam, pịghị kị́nị́ osigha opuamịẹnyẹ nyáná nnị pịghị ḅáláfagha sị sobie opu sịbịdaapụ ma dughosima.

Judu 1:10

Kụ́ma mịnaapụ ma nnị akanyaḅogha nyẹ gonyẹ́ gonyẹ́ dughosimaarị, nnị fịnị ḅara so ḅọ́rọ́ pirinama, nnị ine sịbịbie kiẹgha tẹrẹmẹ n ḅẹnyẹ ḅẹnyẹ mịẹ. Samangba ḅụ n tẹ́mẹ́bie sọọ nyẹ gonyẹ́ gonyẹ́ anịị n mịẹarịnyẹ. Nnị kọarị mịẹnyẹ mamgba sịarị ḅẹẹ n nimim n mịẹarịnyẹ, anịị n ḅaarị nyẹ.

Judu 1:8

Pịghị anị gbẹ́rẹ́ ḅara ma mịị túminị́ ma kịrị dáwọkọm mịẹsị n siinyẹ mịẹ nna oju pilemaarị nyẹ, nnị Tamuno kụ́rọ dighisimam warị pịghị ọgọnọ fịnị ipineapụ ma dughosima.