Taitọs 3:15 - Ibani New Testament

¹⁵ I nana mịnga fịnịapụ mamgba fịrịmam ḅẹ́ a o bii, pịghị wámịna nángwọ́apụ minini ma ḅụ fịnịapụ ma bii. Tamuno tọ́rụ́kụrụkụ́rụ́ ọmịnị kị́nị́mamgba na fịnịị.

Taitọs 3:15 Iomraidhean Croise

Matiu 5:47

I ḅọ́rọ́ sịbịpị pa ị́yẹ́ amịna owiapụ ngéré sị, ị tẹ́ mịẹ jẹ́apụ nẹ́ngị? Tamuno nímighaapụ ma nnị anị gbẹ́rẹ́nyẹ mịẹgha?

Fịrị Ḅara 20:34

Ọmịnị kọkọ ibima nimii ḅẹ́ a mị ḅara ma pa fịrịnwangịmam sị pa a binyẹ gonyẹ́ gonyẹ́ na i duaapụ binyẹ gonyẹ́ gonyẹ́ pịrịm.

1 Kọrịntịapụ 16:23

Kị́nị́nyánáḅọ Jizọs tọ́rụ́kụrụkụ́rụ́ ọmịnị na fịnị.

Galesiaapụ 5:6

Wa ḅo Krais Jizọs na gbẹ́rẹ́nyẹ mịẹ sáá, tumḅọ tọ́ngọ̄ pẹ́lẹ́ na tumḅọ tọ́ngọ̄ pẹ́lẹ́gha na mịẹnyẹ ofori. Nyẹ ḅụ sọnyẹ anịị minini ḅẹlẹma ḅụ ḅọ́rọ́ anị ḅụ die pághámaarị nyẹ.

Kolosiapụ 4:18

Ịrị, Pọl, i ḅara na mịị sịbịpị ma gịẹ pa ọ fịrịmam. O biekóróma ḅẹẹ a ịkóli bie imii. Tọ́rụ́kụrụkụ́rụ́ ọmịnị na fịnịị.

1 Timoti 1:2

A gịẹ pa ị fịrịmam Timoti, minini ma ḅụ ị́yẹ́ karakárá tụwọ: Tamuno Daḅọ ma na Krais Jizọs wámịna Nyánáḅọ, tọ́rụ́kụrụkụ́rụ́, lolomakúkúbie na diin pa ị pịrị.

1 Timoti 1:5

A mị bịpị ma pịrịm túminị́ ine karakárá kúkúbie ḅụ sághị ḅo ḅẹlẹma pa jụghọ jụghọ ḅẹlẹma bẹ ḅara, fíafía tẹ́mẹ́bie na pịghị karakárá minini ḅụ.

2 Timoti 4:22

Kị́nị́nyánáḅọ ị tẹ́mẹ́ na fịnịị. Tamuno tọ́rụ́kụrụkụ́rụ́ ọmịnị kị́nị́mamgba na fịnịị.

Fịlẹmọn 1:5

a náa sị, ị́ nyána Tamuno túminị́ mamgba pịrị ḅẹlẹma gosi, na pịghị ị́yẹ́ míníni wámịna Nyánáḅọ Jizọs ḅụ.

Hiburuapụ 13:25

Tamuno tọ́rụ́kụrụkụ́rụ́ ọmịnị mamgba na fịnị.

3 Jọn 1:1

Irị Jọn sẹnịḅọ ma anịị mị diri ma gịẹ ọ fịrịmaḅọ. A gịẹ pa ị́yẹ́ ibi nangwọ Gayọs, a karakárá ḅara pa ḅẹlẹma ḅọ fịrịmam.