Taitọs 3:1 - Ibani New Testament

¹ Pa mininiapụ biekóróma ḅẹ́ nnị ḅụ sitéréma táarịapụ na sịbịdaapụ pịrị, ḅẹ́ nnị n bịpị pughu, n pịghị tẹ́lẹ́ma sị ibifịrị nwángị asọ kịrịkị́rị́ ḅụ.

Taitọs 3:1 Iomraidhean Croise

Matiu 22:21

Nnị warị págháraa, <> Anịsáa ọ warị dugho nnị pịrị, <>

1 Kọrịntịapụ 15:58

Anịgosi, ibi ijẹa mịnaapụ, ọ sẹ kụrọ, minima gbẹ́rẹ́nyẹ sọ ọ jighema ma. Sámamgba ọ mịnị ọmịna ḅụgbọrụ pa Kị́nị́nyánáḅọ fịrị ma pịrị, tegó o nimim ḅẹ́ ọmịna tọ́rụ́siarị Tamuno fịrị ma ḅụ papa faghaa.

Ẹ́fịsọsapụ 2:10

Wamịnị anịị Tamuno ḅárafịrị, Krais Jizọs bie n tẹ́mẹ́apụ ibifịrị gosi, Tamuno tẹ́lẹ́ma maá nyẹ ḅẹ́ wamịnị anị mịẹ.

Filipaiapụ 1:11

Anịsáa Jizọs Krais ngéré ine pághámaḅoarị karakárá ibiamịẹnyẹ ma anịị ọmịna duma bie bii fụ́fụ́ ḅẹnyẹ, mịma ọ́ pa Tamuno boma pịghị o túminị́.

Kolosiapụ 1:10

Wa mịị tẹ́ghẹ̄ ma kọọarị sị ọmịnị ine Kị́nị́nyánáḅọ bii ḅara pa duma kọọ, pịghị o bieḅẹlẹma asọ mamgba ḅụ: ọmịna duma pịghị mgbọ́lụ suarị ibifịrị gonyẹ́ gonyẹ́ ḅụ, pịghị sẹnịarị ọmịna Tamuno nimi ḅụ.

1 Timoti 2:2

ámányánáapụ na pịghị sịbịdaapụ mamgba sịbị, si wamịnị ine yaghúu na diin duma kọọ bẹ ḅara osigha nyáná Tamuno pịrị na pịghị karakárá mịẹnyẹ ḅụ.

1 Timoti 4:6

Ị ḅọ́rọ́ mịnanyẹ ma pa mininiapụ ma biekóróma kóróma, anịị a dugho kórómanyẹ ma, ịrị Krais Jizọs ibi fịrịnwangịḅọ sọ́bẹm, minini ma karakárá ḅụ n dighi pághámaḅoḅọ na pịghị ị́ duamaa karakárá dienyẹ ma.

1 Timoti 5:10

túminị́ pịghị ibima a nimim árị ibiamịẹnyẹ ḅụ, ibiḅara pa árị awọ didighi págháma ḅooḅọ, igonyiapụ datéréma ḅọ a wárịbie, ḅụ sitéréma fịrịnwangị jẹ́ mininiapụ pịrị, ḅárásua ḅụ́ḅáláḅálábie fịnịapụ pịrị, pịghị a ḅụ sághị ibifịrị nwángị pịrị.

2 Timoti 1:6

Mị ẹrẹ́sị a pa ị biekórómáarị ḅẹ́ Tamuno pa ị pịrị dienyẹ ma a ḅara pa ị sịbị gbánā sa, mịẹsị anị duma.

2 Timoti 2:14

Pa mịnanyẹ ma pa nna biekóróma; Tamuno tórúku ibiḅara pa n birinụ́nụ́ ḅẹ́ nnị ẹ́gẹ́rẹ́ goo owusọma. Anị gbẹ́rẹ́ ibinyẹ sọ mịẹgha, kụ́ma anị púghúarịapụ ma gulugulumaarị.

2 Timoti 2:21

Ọ ḅụ sịrịpághámaḅo ḅọ mịnanyẹ mamgbabie, anịḅọ ma nnị nḅọ pa sosighima fịrị nwángịbẹm, tegó anịḅọ ma nḅọ fịrị pa nyẹ́sim pịghị sọnyẹ sọọ nḅọ Nyánáḅọ pịrịm, pịghị tẹ́lẹ́ma ibifịrị gonyẹ́ gonyẹ́ kúruarị.

Taitọs 1:16

Nnị bịpị ḅụ dughoarị ḅẹ́ n Tamuno nimim, kụ́ma nna mịẹnyẹ ḅụ nnị o pighiarị. Mịị túminị́ ma nnị Tamuno ḅụ siiapụ, nnị pịghị ọ bịpị pughugha, nnị ibi pịrị gbẹ́rẹ́ fịrị sọ ofori.

Taitọs 2:14

Ori ọḅụ pa wa pịrịm sị ori wa duapághámaḅoo bẹ ḅara siiamịẹnyẹ gonyẹ́ gonyẹ́ ḅụ sị mịẹsị wa fíafía, fịnị ori ngéré pịrị túminị́, sị sámámgba dọghụarị ḅẹ́ wa ibifịrị nwángị.

Taitọs 3:14

Wámịna mịnaapụ Krete ḅụ fịnị mininiapụ ma ibifịrị nwángị ma pa nna mịẹmịẹnyẹ mịẹ, nnị ine éné éné ḅụ npalịma nyẹ nyáná nna ḅụ pịrịbẹ ḅara. Nnị sọ́nyẹ bie ofori duma kọọma.

Taitọs 3:8

Mịị karakárá dughonyẹ, a bim ḅẹ́ ọmịnị anị dugho, anị dugho ḅarị, sị Tamuno ma ḅụ mininimáapụ nimi bẹ ḅara sị nnị nna sa fama ibifịrị nwángị bẹ ḅara. Mịnanyẹ ma opuma ibim, anị pịghị sọ́nyẹ sọ kị́nị́mamgba pịrịbẹm.

Hiburuapụ 13:21

ibi gonyẹ́ gonyẹ́ ḅụ ḅárásua ọ pịrị, ọmịnị o binyẹ mịẹarị sáá ọ pịghị wámịna duma bie o tẹ́mẹ́ ḅẹlẹma nyẹ mịẹ Jizọs Krais ḅụ ḅọ́rọ́, Boma fịnị pịrịḅọ akị mú ḅẹ́ sa láa. Anị ọkọ fịnịị.

2 Pita 1:12

Anịgo a sámámgba mịnanyẹ ma pa o biekórómabẹm, karakárányẹ ḅẹ́ ọmịnị ibiḅara pa anị nimim, ọ nyanaḅo maá karakárá ma ḅụ ọ pịghị sẹ kụrọm.

Judu 1:5

Karakárányẹ ḅẹẹ ọ mị mamgba nimim, a papa ọ biekóróma ḅẹ́ Kị́nị́nyánáḅọ Izirẹlịapụ dụapághámaḅo ḅara Ijipitiapụ ḅarabie kụ́ma anịma ḅọ́rọ́fáma sa, mininighaapụ ma gulugulumam.