Taitọs 2:7 - Ibani New Testament

⁷ Nyẹ́ gonyẹ́ gonyẹ́ ḅụ, ịḅụ die ḅẹ́ ị sẹ ibiamịẹnyẹ pa tọ́ma bẹnyẹ pịrịm, ị́yẹ́ dienyẹ ḅụ, sẹ karakárá pịrị, pịghị i diearịnyẹ ma pa nyẹ́sị.

Taitọs 2:7 Iomraidhean Croise

2 Kọrịntịapụ 1:12

Wa bịpịkpọm ḅẹẹ wámịna tẹ́mẹ́bie kụ́rọ kúkúbie pa wa pịrịm ḅẹẹ wámịna duma mị tuminikiri wa pịghị ibima ó nana nyáná gboloma mịẹnyẹ ma, ọ́ Tamuno ḅara sághị ḅo karakárá, na gbụ́nụ́nụ́ na Tamuno tọ́rụ́kụrụkụ́rụ́ kụ́rọ ḅụ ḅọ́rọ́ tumḅọ nyẹ́nimi ḅụ ḅọ́rọ́gha pa.

2 Kọrịntịapụ 2:17

Wamịnị wa isi tọghaapụ fịnị ḅara fịnịgha, Tamuno oku ma pa fẹ́ dẹrị sị sọnyẹ mịẹ, kụ́ma Tamuno wa fịrịmamam gosi, ọrẹ fịrịnwangịapụ ḅara, wa karakárá ḅara pa ẹ́gẹ́rẹ́ ma kọọm Tamuno tórúku.

2 Kọrịntịapụ 4:2

Wa ḅọghu na pịghị ḅụ́gịrịrịma fịrị mamgba sịghịmam, anịmanakaragha wa karakárá mamgba dughom túminị́ tórúku anị fịnị na ibiḅara, sị túminị́ wa nimi bẹ ḅara, pịghị nimi nna tẹ́mẹ́bie ḅẹ́ wa kọọ ẹ́gẹ́rẹ́ ma karakárányẹ Tamuno tórúku.

2 Kọrịntịapụ 8:8

A ólóghó sua ọ pịrịgha, kụ́ma pa o die jẹapụ kụrọma biiarị ḅara sị n ḅárásua. A ḅụ́kọ́rọ́maarị a pa nimi ḅẹ́ ḅara ọmịna ḅẹlẹma anị karakárá fịnị ḅara.

Ẹ́fịsọsapụ 6:24

Tamuno tọ́rụ́kụrụkụ́rụ́ fịnị kunema nyanagha ḅẹlẹma pa wámịna Nyáná ḅo Jizọs Krais ḅẹlẹmaapụ pịrị.

Filipaiapụ 1:10

Sị ọmịnị ine ibiḅaa nyẹ ma sẹlẹakị bẹ ḅara. Anịsáa, anịị ọmịnị ọmịna ḅụ dụaḅọ́rọ́ma bẹnyẹ, ịlọ́lị ḅụ na pịghị bịpị ḅụ laagha ḅụ, Krais éné ma ḅụ.

2 Tẹsalonaikaapụ 3:9

Wa mịma mịẹm, ḅẹgha ḅẹẹ wa kụrọ nyanagha, ọmịna ḅara ḅárásua bi, wa mịma mịẹm sị ọmịnị sọ árị sị wa dua wa mịẹḅara mịẹ.

1 Timoti 4:12

Minima gbẹ́rẹ́ḅọ so idighialima ḅẹ́ ịrị ásátụ́wọ, kụ́ma mininiapụ ma ogbo arịị ḅẹ́ ịrị anịị nnị tọ́rụ́ saghị dighi bẹḅọ, ẹ́gẹ́rẹ́ bịpị ḅụ, ị́yẹ́ mịẹmịẹnyẹ ḅụ, ị́yẹ́ ḅẹlẹma ḅụ, ị́yẹ́ minini ḅụ na pịghị ị́yẹ́ tẹ́mẹ́bie fíafía ḅụ.

1 Timoti 5:10

túminị́ pịghị ibima a nimim árị ibiamịẹnyẹ ḅụ, ibiḅara pa árị awọ didighi págháma ḅooḅọ, igonyiapụ datéréma ḅọ a wárịbie, ḅụ sitéréma fịrịnwangị jẹ́ mininiapụ pịrị, ḅárásua ḅụ́ḅáláḅálábie fịnịapụ pịrị, pịghị a ḅụ sághị ibifịrị nwángị pịrị.

Taitọs 3:8

Mịị karakárá dughonyẹ, a bim ḅẹ́ ọmịnị anị dugho, anị dugho ḅarị, sị Tamuno ma ḅụ mininimáapụ nimi bẹ ḅara sị nnị nna sa fama ibifịrị nwángị bẹ ḅara. Mịnanyẹ ma opuma ibim, anị pịghị sọ́nyẹ sọ kị́nị́mamgba pịrịbẹm.

1 Pita 5:3

Ọ kị́nị́nyánáapụ dighi Tamuno pa ọ pịrị ánánáawọ́ ma pịrịma, kụ́ma n siḅe sị nnị ọ duma kọọ ḅara pa duma kọọ.