Taitọs 2:5 - Ibani New Testament

⁵ nnị ine ḅụ ọlọ, bie fíafía ḅụ fịnị, ibima nna wárị tákubiri, ibitẹ́mẹ́ nyáná, ḅụ sitéréma nna dee pịrịapụ, sị túminị́ sii ẹ́gẹ́rẹ́kọọ Tamuno ḅara saghị ḅo oku ma pịrịbịgha ḅara.

Taitọs 2:5 Iomraidhean Croise

Fịrị Ḅara 9:36

Jọpa ḅụ gbẹ́rẹ́ ọ́rụ́ḅọ imi, Tabita anịị árị ẹ́rẹ́, árị ọ́ mininiḅọ, árị ẹrẹ Giriki ḅụ anịị Dọkas (mịma dughoarị, tụ́ḅara kịka nama). A sáá ngúmá sámámgba ḅárásua igonyinapụ pịrịarị pịghị ibinyẹ mịẹarị.

Fịrị Ḅara 9:39

Pita warị anị kirikiri tẹ́lẹ́ma sị nnị na muu, ori anị ngaa láa sáá, nnị ọ pa ọgọnọ fịnịbie ma múm, dee fịịmáa ẹ́rẹ́ámáapụ ma o gbiriikélékélé sị owuarị, pa ọ diearị Dọkas dumafịnị sáá, a gbi bịtẹ mamgbaa.

Romapụ 14:16

Minima ịrị ibi go mịẹnyẹ, n si ẹ́rẹ́ pa anị sịị.

Romapụ 2:24

Nnị gịẹ kóróma ḅara Tọ́ndiri ma bie ḅẹẹ, <<Ọmịnị Juuapụ ma gosi, Juughaapụ ma Tamuno dughosimaarị.>>

1 Kọrịntịapụ 11:3

Kụ́ma a biim ḅẹẹ sị ọmịnị akanyaḅo ḅẹẹ Krais ma, ori ma sịbịdá owitụ́wọ gonyẹ́ gonyẹ́ pịrịm, deeḅọ ma sịbịdá ọ taá pịrịm, Tamun ma ori ma pịghị sịbịdá Krais pịrịm.

1 Kọrịntịapụ 14:34

Ẹ́rẹ́ámáapụ ma bịpị gbẹ́ẹ̄ sọsị sọsị bie. Nnị kụ́rọ pa n pịrịgha ḅẹẹ nnị ẹ́gẹ́rẹ́ẹ́, kụ́ma sughubie fịnị, ólóghó ma dugho ḅara.

Ẹ́fịsọsapụ 5:33

Kụ́ma anị pịghị o gbolomam: deeḅọ gonyẹ́ gonyẹ́ amịna táaḅọ ḅẹ́lẹ́mabẹm ori ọ ḅụ ḅẹlẹma ḅara, táaḅọ gonyẹ́ gonyẹ́ pịghị osigha pa amịna deeḅọ pịrịbẹm.

Kolosiapụ 3:18

Taapụ ọ sịbị pa ọmịna deeapụ sughubie sua mịị ḅara ma anịị anị karakárá ḅara Kịnịyánáḅọ ma tórúku.

1 Timoti 5:10

túminị́ pịghị ibima a nimim árị ibiamịẹnyẹ ḅụ, ibiḅara pa árị awọ didighi págháma ḅooḅọ, igonyiapụ datéréma ḅọ a wárịbie, ḅụ sitéréma fịrịnwangị jẹ́ mininiapụ pịrị, ḅárásua ḅụ́ḅáláḅálábie fịnịapụ pịrị, pịghị a ḅụ sághị ibifịrị nwángị pịrị.

1 Timoti 6:1

Ómóniapụ gonyẹ́ gonyẹ́ ḅụ́gbẹ́ osigha pa nna nyánáapụ pịrịị, gbẹ́rẹ́ḅọ sọ Tamuno ẹrẹ ma anịgha wámịna dienyẹ ma dughosimabịgha ḅara.

Taitọs 2:4

Anịsa nnị ine ẹ́rẹ́awọ ma dighipághámaḅobẹm ḅẹ nnị nna deeapụ na nna awọ ḅẹlẹma,