Taitọs 2:2 - Ibani New Testament

² Sẹnị owiapụ ma die ḅẹẹ, n tẹ́mẹ́ ọlọ, osigha nyáná nna ḅụ pịrị, ine ḅụ ọlọ, kụ́rọ sẹ nna minini ḅụ, nna ḅẹlẹma ḅụ na pịghị nna ngịrịma ḅụ.

Taitọs 2:2 Iomraidhean Croise

Ibi Oku Ma Mak Anị Gịẹ Ḅara 5:15

Nnị Jizọs damaḅo sáá, n ḅo mánámana sitẹ́mẹ́ parị ḅụ fịnị owitụ́wọ ma arịm ọ bịtẹ sua sị kpọrọọfịnịarị ori karakárá sịbị bie ḅu, ḅáláfa warị ḅo nnị kị́nị́mamgba oju bie sọọ.

Ibi Oku Ma Luk Anị Gịẹ Ḅara 8:35

Túminị́ pághá mú pághá maá nyẹ ma arịm, n Jizọs damaḅo sáá, nnị oju bie sitẹ́mẹ́ soo owitụ́wọ ma arịm kpọrọfịnịarị ngá Jizọs ḅụọ anga, ọ bịtẹ suam pịghị ori karakárá tẹ́mẹ́ ḅụ imi, ḅáláfa warị ḅo nnị kị́nị́mamgba bie sọọ.

Fịrị Ḅara 24:25

Kụ́ma Pọl saghị ibiamịẹnyẹ, na ine ḅụ ọlọ, na pịghị ḅoarị ḅẹ́rẹ́kọ éné ma dughoarị sáá, ḅáláfaa warị Fẹlis ḅụ sọọ, ọ warị ọ ḅẹẹ, <>

Romapụ 12:3

Tamuno ma ori tọ́rụ́kụrụkụ́rụ́ ḅụ ḅọ́rọ́ pa die i pịrịnyẹ gosi, a dugho ọmịnị kị́nị́mamgba pịrịarị ḅẹ́ gbẹ́rẹ́ḅọ sọ kóróma ma ḅẹ́ n ḅọ opuma duḅamam, n ḅọ ọkọ fịnịgha sa, anịmanakaragha ḅụsímínímá ị́yẹ́ kóróma ḅụ, pịghị ḅẹ́rẹ́kọ ịḅụ pịrị Tamuno ma pa ị pịrị minini láa ḅara ḅụ.

1 Kọrịntịapụ 15:34

Ị́yẹ́ akanyaḅo sima ịḅụ ḅoo anị ḅo na ibiḅara, siinyẹ mịẹ kunema, ḅẹ́ jẹapụ imi Tamuno nímighaapụ. A mịma dughom pa ọ ḅụ́gịrịrịma.

1 Kọrịntịapụ 9:25

Ọ ḅụ tẹ́lẹ́ma mangị ti ma pịrịarịḅọ gonyẹ́ gonyẹ́ ọ ḅụ pa opu ḅụọ dáwọ ḅụ suabẹm, ọ mịma mịẹm dii láabịgha ogunu gosi; kụ́ma wamịnị wa mịẹarị si wa ine fịnị gbámásó ogunu nyáná ḅo.

2 Kọrịntịapụ 5:13

Ḅọ́rọ́ wámịna sịbịbie karakáragha? Tamuno gosi anịị anịgo karakáragha nyẹ, anịgha ḅọ́rọ́ wámịna sịbịbie karakárá? Anị karakáram, ọmịna sịbị go.

Galesiaapụ 5:23

ḅụ sitéréma na ḅụ ọlọ. Mịma nẹ́ngị nyẹ ólóghó bịpị ḅụ ofori.

Filipaiapụ 4:8

Kunemaá, ịyẹa nángwọ́apụ ọ mịnanyẹ ma pa ọmịna tẹ́mẹ́bie sua bima, ibi nyẹ gonyẹ́ gonyẹ́ sị túminị́ túminíarị nyẹ, tụ́manyẹ gonyẹ́ gonyẹ́, osigha nyánányẹ gonyẹ́ gonyẹ́, karakárányẹ gonyẹ́ gonyẹ́, fíafía nyẹ gonyẹ́ gonyẹ́, ḅẹlẹma na ibinyẹ na pighi kuu na ibi nyẹ.

1 Tẹsalonaikaapụ 5:6

Anịgo wamịnị isiapụ múnoarị ḅara pa mụ́nobịgha; wa múno ḅụ saghịbẹm sị pịghị ḅụ ọlọ.

1 Tẹsalonaikaapụ 5:8

Kụ́ma wamịnị, éné ma nyẹ; anịgo wamịnị wa ḅụ ọlọbẹm. Wa minini na ḅẹlẹma suabẹm n gbolu daa kúkúbie gbẹ́nyẹ ḅara, na wámịna dụaḅọ́rọ́ma tọ́rụ́ dighinyẹ ma anịị wámịna ikúlélusú.

1 Timoti 1:10

ọ sua pa yáakuu ḅụ ofori nwángị kọọarịapụ, amịna jẹ́ owiapụ na munoarịapụ, kịnịfuru igbii daapụ, iruo nyẹ́dughoapụ na nyẹ́karịfị si iruonyẹ dughoapụ na pịghị Tamuno karakárá dienyẹ ma na kuraghaa nyẹ mịẹarịapụ pịrịm.

1 Timoti 1:14

Wámịna Nyáná ḅo pịghị opuma ori tọ́rụ́kụrụkụ́rụ́ pa opuma ịḅụ sara wásámam. Ọ Krais Jizọs ḅara saghị ḅo minini na ḅẹlẹma pa i pịrị bimam.

1 Timoti 1:2

A gịẹ pa ị fịrịmam Timoti, minini ma ḅụ ị́yẹ́ karakárá tụwọ: Tamuno Daḅọ ma na Krais Jizọs wámịna Nyánáḅọ, tọ́rụ́kụrụkụ́rụ́, lolomakúkúbie na diin pa ị pịrị.

1 Timoti 1:5

A mị bịpị ma pịrịm túminị́ ine karakárá kúkúbie ḅụ sághị ḅo ḅẹlẹma pa jụghọ jụghọ ḅẹlẹma bẹ ḅara, fíafía tẹ́mẹ́bie na pịghị karakárá minini ḅụ.

1 Timoti 3:11

Nna taapụ sọ anịị túminị́ osigha pa pịrị na ḅụ́gbẹ́ ẹ́rẹ́, nnị jẹ́apụ pa ẹ́gẹ́rẹ́bịgha; tọ́rụ́ diinapụ, túminị́ pịghị nna ḅụ biegbana nyánam nyẹ gonyẹ́ gonyẹ́ ḅụ.

1 Timoti 3:2

Tamuno kubiri ogbo sịbịdaḅọ ori fiesima nẹ́ngị na fiam; gbẹ́rẹ́ táaḅọ ngéré nyáná, ori álála bieoḅughaa, ine ḅụ ọlọ ḅo, kị́nị́ osigha nyáná pịrịḅọ, ine igoniapụ datéréma n ḅo wárị; ine nyẹ́die bẹḅọ;

1 Timoti 3:4

Ori ine ibima ọ wárị tákúbiri na fiam mịẹsị ori awọ osigha ḅụ ọ bịpị púghú.

1 Timoti 3:8

Tamuno kubiri ogbo ḅárásúapụ anịị túminị́ osigha nyáná pịrị na fịaapụ, oḅori pa kị́nị́ sịịghaapụ; nnị opuma iru ḅuubịgha anịgha ngara ḅụ ḅo igbii ḅẹlẹma;

1 Timoti 5:1

Kụrọ pụghọ pa ẹ́gẹ́rẹ́kọọ dii pa i nẹ́ngị owitụ́wọ pịrịma, kụ́ma ẹ́gẹ́rẹ́kọọ ọ pịrị sọ́ḅọ́rọ́ ori anịị ị daá. Ị dii pa nẹ́ngị owiapụ awọ ma akịị ị́yẹ́ owiapụ mịnaapụ ḅara.

Taitọs 1:13

Mịị dugho págháma nyẹ ma tụ́manyẹ, anịgo kụrọma igani n pịrị sị nna minini kpain fịnị bẹ ḅara

Taitọs 1:8

Tụ́ma igoniapụ datérémadi, ibinyẹ ḅẹlẹma ḅọ, ine ḅụ ọlọḅọ, karakárányẹ mịẹarịḅọ, oju pa tọ́ntọ́ ḅụ warịḅọ, ḅụ ọlọ karakárányẹ pịrịḅọ.

Taitọs 2:7

Nyẹ́ gonyẹ́ gonyẹ́ ḅụ, ịḅụ die ḅẹ́ ị sẹ ibiamịẹnyẹ pa tọ́ma bẹnyẹ pịrịm, ị́yẹ́ dienyẹ ḅụ, sẹ karakárá pịrị, pịghị i diearịnyẹ ma pa nyẹ́sị.

Fịlẹmọn 1:9

Kụ́ma, a nyáná ị pịrị ḅẹlẹma go, tẹ́ghẹ̄ anị a ị tẹ́ghẹ̄arị nyẹ. Á mịma mịẹarị irị Pọl mḅẹ́sọ, olom owitụ́wọ pịghị mị́sa ma ḅụ Jizọs Krais ikólinaḅọ.

1 Pita 1:13

Ọmịnị ọmịna kúkúbie karakáráma warị fịrị pịrị, ọ tẹ́lẹ́ma, pịghị ọmịna tọ́rụ́ dighinyẹ pa n pa ọ pịrịbẹ boma ma ḅụ gbánā, n Jizọs Krais diepágháma bẹ sa.

1 Pita 4:7

Nyẹ́ gonyẹ́ gonyẹ́ kunema kikiamam, anịgosi ọmịnị ọmịna ḅụ ọlọbẹm, ọ pịghị tọ́rụ́ findiwarịbẹm sị ọmịnị ine tẹ́ghẹ̄ bẹ ḅara.

1 Pita 5:8

Tẹ́lẹ́ma, ọ tọ́rụ́ findi warị! Ọmịna iruonaḅọ Ẹ́kpẹ́dua ma, ikelekelema ḅọ́rọ́arị o kuu kaa pẹẹ́ bẹḅọ dọghụarị.

2 Pita 1:6

Ọmịna níminyẹ ḅụ, ḅụ ọlọ pa anị ḅụ sua, ḅụ ọlọ ḅụ ingịrịma pa anị ḅụ sua, ingịrịma ḅụ Tamuno dighi ḅáláfaa pa anị ḅụ sua.