Taitọs 2:11 - Ibani New Testament

¹¹ Ḅẹẹ Tamuno tọ́rụ́kụrụkụ́rụ́ dụaḅọ́rọ́ma akuoarị nyẹ anị ḅụ pa túminị́ mamgba diemam.

Taitọs 2:11 Iomraidhean Croise

Matiu 28:19

Anịgosi ọ sẹ gonyẹ́ gonyẹ́ muu sị nnị pa ị́yẹ́ ọḅụduaapụ mịẹ, mingi pa n saraarị Daḅọ ma ẹ́rẹẹ́ ḅụ, na pịghị Tụwọ ma ẹ́rẹ́ ḅụ na pịghị Tọ́ntọ́ Tẹ́mẹ́ ma ẹ́rẹ́ ḅụ.

Ibi Oku Ma Mak Anị Gịẹ Ḅara 16:15

Ori nnị ḅẹ́m, <

Ibi Oku Ma Luk Anị Gịẹ Ḅara 24:47

ḅẹẹ ori ẹrẹ ḅụ sii ḅụ pịghị na siiḅụḅarasipịrị oku ma n dugho pághámabẹm sẹ́kiri mamgba ḅụ, Jerusalem ḅụ saghị.

Ibi Oku Ma Luk Anị Gịẹ Ḅara 3:6

Tuminikiriapụ mamgba Tamuno dụaḅọ́rọ́ma árịbẹm.> >>

Ibi Oku Ma Jọn Anị Gịẹ Ḅara 1:14

Ẹ́gẹ́rẹ́ ma ḅo tumḅọ sọm sị wamịnị na ngaa. Wamịnị ori ipine árịmam, Daḅọ ma ḅara sághị ḅo Kpọ́kpọ́ gbẹ́rẹ́ḅọ tọ́rụ́kụrụkụ́rụ́ na karakárá ḅụ bi ḅo.

Ibi Oku Ma Jọn Anị Gịẹ Ḅara 1:9

Mịma anịị karakárá baá, tuminikiri ḅo sị túminị́ mamgba ḅụ biarị nyẹ.

Fịrị Ḅara 11:23

Ori anị ngaa láa sáá, ori arịm Tamuno ma túminị́ ma bomamáa ḅara, o bieḅẹlẹm, warị n ḅẹ́ nnị sẹ kụ́rọ pịghị karakárá ḅụ fịnị Kị́nị́nyánáḅọ ma pịrị n Tẹ́mẹ́ gbọrụ mamgba.

Fịrị Ḅara 13:43

Kobiri ma kunema, tọgha Juuapụ na tọgha Juughaapụ, Juuapụ tẹ́ghẹ̄ ḅara ogbo sọmaapụ Pọl na Banabas duam nnị na ẹ́gẹ́rẹ́apụ sị n tẹ́mẹ́ mịẹ kụ́rọ́ma ḅẹẹ nnị Tamuno tọ́rụ́kụrụkụ́rụ́ ḅụ sẹrẹrẹ toruku muu.

Fịrị Ḅara 13:47

Mịị Kị́nị́nyánáḅọ tọ́ọ wa pịrị ológhó: << >>

Fịrị Ḅara 17:30

Ḅọ́rọ́maa sáá, túminị́ Tamuno nimigha sáá ori n dighi tọ́rụ́sim, warị tọ ḅẹ ọ́rụ́ḅọ ọ́rụ́ḅọ amịna sii ḅụ pịghịị.

Fịrị Ḅara 20:24

Iyẹ duma iḅụ sọ́nyẹ sọ́gha, a binyẹ a pa ine iyẹ fịrị ma nwángị sịbị láama, si pịghị ine Wányánáḅọ Jizọs Krais pa i fịrịma fịrị ma nwángị fama, fịrịị ma anịị Tamuno tọ́rụ́kụrụkụ́rụ́ ibi oku ma dugho wásáma.

Romapụ 10:18

Kuma a gbilam: Anị tụ́manyẹ ḅẹ́ nnị oku ma naagha? Karakárányẹ dugho ḅụ n nam: Nnị gịẹ kóróma ḅara Tọ́ndiri ma bie ḅẹ: <>

Romapụ 5:15

Kụ́ma mmẹẹ́ ma gbẹ́rẹ́ ḅara fịnịgha, tegó igbii pa fẹ́ghaa Tamuno dienyẹ ma, anị Adam sii fịnị ḅára fịnịgha. Karakárányẹ ḅẹ́ tọgha túminị́ fịịm anị gbẹ́rẹ́ owitụ́wọ ma sii gosi. Kụ́ma Tamuno tọ́rụ́kụrụkụ́rụ́ ma duḅaḅam, anị ḅara ma anịị diepịrịnyẹ ma so fịnị ḅara, Tamuno pa tọghaapụ pịrịnyẹ gbẹ́rẹ́ḅọ tọ́rụ́kụrụkụ́rụ́ ḅụ ḅọ́rọ́, anịị Jizọs Krais.

Romapụ 5:2

O minini ḅụ wamịnị akuoo mịị Tamuno tọ́rụ́kụrụkụ́rụ́ ma bie suam, wa bie mị́sa duma kọarị nyẹ. Anịgosi wa bịpịkpọm wa tọ́rụ́ dighinyẹ nyánam ḅẹ́, Tamuno ma ipine ḅụ wa diekiri nyánábẹm.

2 Kọrịntịapụ 6:1

Wamịnị na Tamuno na nwángị gbólomaarị fịrị ma, wamịnị ọ tẹ́ghẹ̄m, ọmịnị Tamuno tọ́rụ́kụrụkụ́rụ́ nyánámaapụ ḅẹẹ ọmịnị anị guluguluma ma.

Galesiaapụ 2:21

A Tamuno tọ́rụ́kụrụkụ́rụ́ sịghịghaa, ḅọ́rọ́ tumḅọ ḅo Tamuno na karakárá ḅụ fịnị ólóghó ma ḅụ ḅọ́rọ́, mịma dughoarị ḅẹ́ Krais papa fịịm!

Ẹ́fịsọsapụ 2:5

wa fịịfama sáá wámịna siiamịẹnyẹ gosi ọ duma pa wa pịrịm ọ Krais saghịma sáá fịị ḅụ. Tamuno tọ́rụ́kụrụkụ́rụ́ ḅụ ngéré anịị wa mịị ḅọ́rọ́ma ma nyánáḅo nyẹẹ.

Ẹ́fịsọsapụ 2:8

Tegó Tamuno tọ́rụ́kụrụkụ́rụ́ gosi anịị ọ ḅọ́rọ́ma nyána nyẹ minini ḅụ ḅọ́rọ́ mịma Tamuno ḅara anịị anị sághị ḅo nyẹ ọmịna ḅárabiegha anịị Tamuno dienyẹ,

Kolosiapụ 1:23

Ọ ḅọ́rọ́ ọmịna minini ḅụ sẹ́kụrọ toruku mú, o gbisirigha ibi oku ma nyáná ọ pịrị tọ́rụ́ dighinyẹ ḅụ. Mịma anịị ọ náa ibi oku ma n dugho wásáma tuminikiri Tamuno tẹ́mẹ́apụ mamgba pịrịnyẹ anị ḅụ ḅọ́rọ́ ịrị, Pọl, ḅoo Tamuno fịrịnwangịḅọ sọm.

Kolosiapụ 1:6

ọ pịrịmaá ma nyẹ. Tuminikiri gbọrụ ḅụ mịị ibi oku ma anị mgbọ́lụ suarị pịghị sẹnịarị, anị pịghị mịẹarị ḅara ma ọmịna ogboku bie ọ sághị anị náa sa éné éné pịghị Tamuno tọ́rụ́kụrụkụ́rụ́ ma akanyaḅo anị karakárá mamgba ḅụ.

2 Tẹsalonaikaapụ 2:16

Wámịna Nyánáḅọ Jizọs Krais ọ ḅụgbọrụ na Tamuno wámịna Daa, wa ḅẹlẹma ḅo sị ọrẹ tọ́rụ́kụrụkụ́rụ́ ḅụ gbámásó biedịịnma na ibi tọ́rụ́ dighi pa wa pịrịm.

1 Timoti 1:14

Wámịna Nyáná ḅo pịghị opuma ori tọ́rụ́kụrụkụ́rụ́ pa opuma ịḅụ sara wásámam. Ọ Krais Jizọs ḅara saghị ḅo minini na ḅẹlẹma pa i pịrị bimam.

1 Timoti 2:4

biḅọ ḅẹ́ kị́nị́mamgba dụaḅọ́rọ́ma nyáná sị n ḅoo pịghị karakárá ma nimii.

2 Timoti 1:10

Kụ́ma mị́sa nnị anị diepágháma wa pịrịmam wámịna Dụaḅọ́rọ́maḅọ Krais Jizọs ḅoo ḅụ ḅọ́rọ́. O fịị kụrọ ma kunemamam sị ibi oku ma ḅụ ḅọ́rọ́ duma gbámásó diepághámamam.

2 Timoti 4:17

Kụ́ma Kị́nị́nyánáḅọ ma ịrị na fịnịm sị pighi ịnyọ pa i pịrịm, anịgosi a ine bifụfụụ́ oku ma dugho wásáma juughaapụ gonyẹ́ gonyẹ́ pịrịm ḅẹ́ n náa; n pịghị i duapághámaḅom ọkụ nama ma bịpịbie.

Hiburuapụ 12:15

Ọmịnị árị ḅẹẹ, ọ Tamuno tọ́rụ́kụrụkụ́rụ́ pa ọḅụgbigha. Gbẹ́rẹ́ḅọ sọ si lakpo nyánáma sị anị wáriso anị sẹnị ḅo opuma ḅẹ́rẹ́ dighi kị́nị́mamgba pịrị.

Hiburuapụ 2:9

Kụ́ma wa Jizọs arịm ori gbẹ́rẹ́ kálá sa tụ́wọ ḅụ, nnị ọ tẹ́mẹ́ terema sookumuapụ ma nẹngịm, ori ine Tamuno ma tọ́rụ́kụrụkụ́rụ́ ḅụ ḅọ́rọ́ fịị kị́nị́mamgba pịrịbẹ ḅara. Mị́sa wamịnị ori arịm, n kuu na ipine pa obirimamam ọrẹ tọ́rụ́siarị na ọrẹ fịị ma gosi.