Taitọs 1:16 - Ibani New Testament

¹⁶ Nnị bịpị ḅụ dughoarị ḅẹ́ n Tamuno nimim, kụ́ma nna mịẹnyẹ ḅụ nnị o pighiarị. Mịị túminị́ ma nnị Tamuno ḅụ siiapụ, nnị pịghị ọ bịpị pughugha, nnị ibi pịrị gbẹ́rẹ́ fịrị sọ ofori.

Taitọs 1:16 Iomraidhean Croise

Romapụ 1:28

Mịná túminị́ ma Tamuno gboloma sị tumḅọ ine nimibẹnyẹ, nnị anị sịghịm gosi nna kóróma ḅụ, Tamuno nna ḅụ ḅárási mịnị tụghụgha kóróma pịrịmam, na nnị mịẹna ibighaa nyẹ ma mịẹ.

Ẹ́fịsọsapụ 5:6

Minima sị gbẹ́rẹ́ḅọ sọ ofori ofori ẹ́gẹ́rẹ́ pa oḅori pa ọ sị, mịma gosi anị Tamuno igani goo ori osighaapụ ḅụụ koro bẹnyẹ.

1 Timoti 1:9

Wa pịghị nimim ḅẹẹ, Tamuno mịná ólóghó ma suagha karakárá ibiamịẹnyẹapụ gosi, kụ́ma ólóghó kaapụ na kụrọsịbịbẹapụ gosi, ọ sua pa Tamunonimighaapụ na siiamịẹnyẹapụ pịrịm, ọ sua pa tọ́ntọ́ ḅụ fịnịghaapụ na Tamuno gbolomanyẹ dighisimaarịapụ pịrịm, ọ sua pa nyingiapụ na daapụ ḅáapụ pịrịm, ọ pịghị sua pa kị́nị́ ḅa ḅáapụ mamgba pịrịm,

1 Timoti 5:8

Ine amịna mịnaapụ siḅegha ḅọ, anịị taa na awọ pa tórúku tarị, anị tumḅọ ma ọḅụ pa minini ma gbimam, mininighaḅọ ibi anị tumḅọ ma nẹngịm.

2 Timoti 3:17

Mịị ḅárá ma fịrịnwangị Tamuno pịrịarịḅọ gonyẹ́ gonyẹ́ nyẹ́dáwọ ḅụ karakárámabẹm sị ori ine ibifịrị gonyẹ́ gonyẹ́ nwángị bẹ ḅara.

Taitọs 3:1

Pa mininiapụ biekóróma ḅẹ́ nnị ḅụ sitéréma táarịapụ na sịbịdaapụ pịrị, ḅẹ́ nnị n bịpị pughu, n pịghị tẹ́lẹ́ma sị ibifịrị nwángị asọ kịrịkị́rị́ ḅụ.

Taitọs 3:3

Wamịnị sọ gbẹ́rẹ́sa biri pịghị oḅorisọm, bịpị osigha, nnị wa daa asọ irima. Wa pịghị omoni sọ wámịna ojumẹnị binyẹ gonyẹ́ gonyẹ́ pịrịm. Wa pịghị wámịna duma kọarị sisịbịbie sua ḅụ, jughonyemọni, jẹapụ imi wa ḅẹ́lẹ́maghaapụ, wamịnị sọ n ḅẹlẹmagha.

1 Jọn 2:4

Wa ḅọ́rọ́ ḅẹ́ wa o nimim, kụ́ma wa ọrị ologho ma kokogha, wamịnị epeletiapụ, karakárá ma sọ wámịna biebẹ ofori.

Judu 1:4

Jẹa túminị́ Tamuno nímighaapụ ḅọghu ḅara pa ikirisọḅomam ọ mịnị ogboku bie sị Tamuno tọ́rụ́kụrụkụ́rụ́ oku ma dima, nnị pa nna yáakuu ḅụ ofori nwángị ma kọ, pịghị Jizọs Krais wámịna kpọ́kpọ́ Daḅọ na wámịna Nyánáḅọ sịghị. Ḅọlọmaa sáá Tọ́ndiri ma dugho kórómamam nnị nyanamaá ḅẹ́rẹ́kọ.

Puu Findi 21:27

Kụ́ma gbẹ́rẹ́ ịlọ́lị nyẹ sọ anị bie sọbịgha anịgha ḅụ́gịrịrịma nyẹ mịẹarịḅọ anịgha iruonyẹ dughoarịḅo, kụ́ma nnị nna ẹ́rẹ́ gịẹapụ gonyẹ́ gonyẹ́ Ánáná Tụwọ ma duma diri bie anịị opu ámá ma sọ bẹnyẹ.

Puu Findi 21:8

Kụ́ma ḅáláfaapụ, mininighaapụ, pilemaapụ, kị́nị́ ḅáapụ, yáakuu ḅụ ofori nwángị kọọarịapụ, tọ́rụ́kịrịkị́rị́ dirikọ́rịapụ, susi n kárányẹ pịrịrịarịapụ, na iruonyẹ dughoapụ mamgba nna fịnị yọ anịị ọpọlịḅuruma pa dọghụarị kọrịfịnị ésiḅe ma, anịị mmẹẹ́ kárámá fịị ma.>>