Romapụ 8:3 - Ibani New Testament

³ Ólóghó ma ine mịẹgha nyẹ, tegó ojumẹnị ma mịẹmam sị anị mịnị kụ́rọ nyanagha Tamuno mịẹm ori ọ Tụwọ fịrịma sa, ojumẹnị suaḅọ sị o sii sịrịsii bẹ ḅara. Anị ḅara ma ọ ḅẹ́rẹ́kọsima sii pịrịm ojumẹnị ma bie.

Romapụ 8:3 Iomraidhean Croise

Ibi Oku Ma Mak Anị Gịẹ Ḅara 15:27

Nnị pịghị jẹ́ mmẹẹ́ furuapụ na Jizọs ḅaupálịm gbẹ́rẹ́ḅọ ori ámáḅara ngaa isiḅọ ori ẹ́rẹ́ḅara angaá.

Ibi Oku Ma Jọn Anị Gịẹ Ḅara 1:14

Ẹ́gẹ́rẹ́ ma ḅo tumḅọ sọm sị wamịnị na ngaa. Wamịnị ori ipine árịmam, Daḅọ ma ḅara sághị ḅo Kpọ́kpọ́ gbẹ́rẹ́ḅọ tọ́rụ́kụrụkụ́rụ́ na karakárá ḅụ bi ḅo.

Ibi Oku Ma Jọn Anị Gịẹ Ḅara 9:24

Mmẹẹ́ kárámá sáá n yii sị tọ́rụ́pụụ́ owitụ́wọ ma sị nna ogboku bie ḅom, sị ọ ḅẹẹ, <>

Fịrị Ḅara 13:39

O nimibẹm ḅẹ́ ọ ḅụ mininiḅọ gonyẹ́ gonyẹ́ nnị n ḅo duaḅọ́rọ́mabẹm n ḅọ sii ḅụ, Mosis ologho ḅụ nnị ine nyánaḅogha dụaḅọ́rọ́ma.

Romapụ 3:20

Tamuno toruku gbẹ́rẹ́ḅọ sọ karakáragha ólóghó ma koko ḅụ, ólóghó ma mịẹarịnyẹ anịị mịẹsị túminị́ nimi ḅẹ́ nnị siinyẹ mịẹmam.

Romapụ 6:6

Wa nimim ḅẹ́ wámịna olom ojumẹnị ma nnị anị na Krais ḅaupálịm mgbẹsẹ sị́ ọ́gọ́nọ, sị n siiamịẹnyẹ ojumẹnị ma guluguluma bẹ ḅara, sị anị ḅụ ḅọ́rọ́ wamịnị jẹ́ pa siiamịẹnyẹ ómóniapụ sọbịgha ḅara

Romapụ 7:18

A nimim ḅẹ́ ibi ibiebẹ ngagha, anịị ị́yẹ́ duma bie.

Romapụ 8:32

Ori ọ Tụwọ ma ọlọ ọ ḅụ pịrịghaḅọ, kụ́ma ọ saghị pa wamịnị kị́nị́mamgba pịrịm. Ọ pịghị ọ ḅụ ḅọ́rọ́ ḅara findi nyẹ́ gonyẹ́ gonyẹ́ pa wa pịrịbịgha?

Romapụ 9:3

Ịyẹa túminị́ ma gosi, i nana gbẹ́rẹ́ pulo mịná na gbẹ́rẹ́ ojumẹnị. A bibẹm ḅẹ́ a Tamuno si fị́lā pa pịrịḅọ sọ anịị Krais ḅụ, nnị kiẹsiḅọ sọ nna sịbị gosi.

2 Kọrịntịapụ 5:21

Krais, sii ḅụ ofori ḅọ, Tamuno mịẹm o siiḅọ sọọ wa pịrị sị ọ ḅụ ḅọ́rọ́ wa ḅo Tamuno karakárá ibiamịẹnyẹ sọ́bẹm.

Galesiaapụ 3:13

Krais sifịla sọ wa pịrịmaá ḅara ma, ọ wa dụaḅọ́rọ́māmám ólóghó ma akuoo si fị́lā ḅụ; Tọ́ndiri ma dugho ḅara ḅẹ́, <>

Galesiaapụ 3:21

Mịma anị die ḅẹ́ ólóghó ma anị Tamuno mini nyẹ na kuragha? Ọkọfịnị nyẹ ofori! Ḅọ́rọ́ tuminikiriapụ duma pịrịbẹ ólóghó nyanaḅomam anị sáá, kị́nị́mamgba karakárá ibiamịẹnyẹapụ sọ́bẹm nnị anị kokoarị sáá.

Filipaiapụ 2:7

Mịma nakaragha, ori ọ ḅụ pa gbẹ́rẹ́nyẹ sọ mịẹghaa, warị omoniḅọ ḅara pa ọ ḅụ wárii. O ḅoo tumḅọ sọọm pịghị tumḅọ ḅara ḅụ ḅoo.

Hiburuapụ 10:12

Krais gbẹ́rẹ́ igwagwaá sii gonyẹ́ gonyẹ́ pịrịm, kụrọ sẹ mú ḅẹ sa ḅẹ sa la, anịsa ọ warị kpọrọfịnị Tamuno ma ámáḅara angaá.

Hiburuapụ 10:14

Gbẹ́rẹ́ igwa ma anịị o pa nnị mịẹ fiafiama mú gbámásó la nyẹ n sii sịrịsiapụ nna ḅụ.

Hiburuapụ 2:14

Awọamaapụ ma, mẹnị na ọmbịnyẹ́, sua ḅara ma, Jizọs ḅoo n fịnị ḅara fịnịm pịghị nnị ojumẹnị sua ḅo sọ, ọ go mịma mịẹnyẹ, ori ọrẹ fịị ḅụ ḅọ́rọ́, ọ fịị kụrọ ma nyánáḅọ ma guluguluma bẹ ḅara anịị, Ẹ́kpẹ́dua ma,

Hiburuapụ 2:17

Mịma dughoarị ḅẹẹ, ori ọrẹ a mịnaapụ fịnị ḅára fịnịbẹm asọ mamgba ḅụ si ori ine nna tọ́rụ́kụrụkụ́rụ́ nyáná sẹ kụrọ igwagwaá áláḅọ sọ bẹ ḅara ọ nwángị Tamuno pịrịarị fịrị, sị ori ine túminị́ ma sii sịrị si bẹ igwagwaá bẹ ḅara.

Hiburuapụ 4:15

Wamịnị igwagwaá áláḅọ nyanagha wa ḅụ fịnị ḅara ḅụ kóróghaḅọ, kụ́ma wa gbẹ́rẹ́ḅọ nyánam daádighi bie ḅọ́rọ́máaḅọ ngaa mamgba ḅụ, wamịnị sọ fịnị ḅara, kụ́ma ọ bịghịị sii pịrịgha.

1 Pita 2:24

Krais o ḅụgbọrụ wámịna sii ma dighiákịm ori oju mgbẹsẹ sị́ ma ọgọnọ, si wa fịị́ siiamịẹnyẹ pịrị, sị duma karakárányẹ ma pịrị, ori oju kii ḅụ ḅọ́rọ́ anị ọ ḅụ gwọọ nyanamaá nyẹ.