Romapụ 7:4 - Ibani New Testament

⁴ Anịị anị pịghị ọ nana fịnị ḅara ị́yẹ́ amịnáapụ, anị ólóghó ma gboloma ḅara ḅụ ọmịnị so ọ fịịmam tegó ọmịnị ma anịị Krais ma oju bẹ gbẹ́rẹ́apụ; ọmịnị anị mị́sa n fịị ḅụ saghịma ḅọ ma nyẹẹ wa sọnyẹ sọ bẹ ḅara Tamuno ma fịrịkiri.

Romapụ 7:4 Iomraidhean Croise

Matiu 26:26

Nnị nyẹ́fịarị sáá, Jizọs fịtúrú akịm, imiẹḅa pa Tamuno ḅẹẹ sị anị puu sị pa ori ọḅụduaapụ pịrị dughoarị ḅẹẹ, <<Ọmịnị akị fị; mịị ị́yẹ́ ojumẹnị ma.>>

Ibi Oku Ma Mak Anị Gịẹ Ḅara 4:20

Kụ́ma jẹapụ fịnị ḅara anịị nnị ibikiri ḅụ dipi sịmgbọlụ. Nnị oku ma naam, anị daákịm warị mgbọ́lụ sua jẹa nyẹ sue, jẹa nyẹ tẹ́si, jẹa nyẹ sọ́nọ́ a si.>>

Ibi Oku Ma Jọn Anị Gịẹ Ḅara 15:8

Mịị ḅara anịị boma ḅọ́rọ́ ḅo Daḅọ ma pịrịarị ḅara ḅẹ́ ọmịnị opuma sịịmgbọlụ suam, pịghị ọ ḅụ die ḅẹẹ ọmịnị ị́yẹ́ ọḅụduaapụ.

Ibi Oku Ma Jọn Anị Gịẹ Ḅara 3:29

Ọ́rụ́ḅọ ma fịnị ọrụḅọyaḅọ ma pịrịm kụ́ma ọrụḅọyaḅọ ma nángwọ fịrịnwangị ọ pịrịarịḅọ ma ngása sẹ sị o pughu pughum, sị bieḅẹlẹ ori ọrụḅọyaḅọ ma pụghọ náa sáá. Mịị ị́yẹ́ bieḅẹlẹ ma ḅo furo bi ḅara.

Ibi Oku Ma Jọn Anị Gịẹ Ḅara 6:51

Irị anị sobie sághị kóróḅo dúmafịnị fịtúrú ma. Mịị fịtúrú ma fị ḅọ gonyẹ́ gonyẹ́, duma gbámásóbẹm. Mịị fịtúrú ma anịị ị́yẹ́ ojumẹnị, a pịrị sị tuminikiri gbọrụ duma bẹnyẹ.>>

Romapụ 6:11

Anị gbẹ́rẹ́ ḅara ma anị sii gboloma sa ọmịnị ọḅụ arịị ḅẹ́ ọ fịịmam, kụ́ma dumafịnị sị Tamuno na mịẹgbólóma nyáná Krais Jizọs ḅụ ḅọ́rọ́.

Romapụ 6:14

Sii mịnị ọmịna nyánáḅọ sọbịgha, tegó ọmịnị ólóghó ma sughubie ofori kụ́ma tọ́rụ́kụrụkụ́rụ́ bie.

Romapụ 6:2

Ọkọfịnị nyẹ ofori! Wa fịị sii pịrịmam, wa tegósi pa anị bie duma kọ bẹ?

Romapụ 6:22

Kụ́ma mị́sa n sii ḅárabie ọ duapághámaḅomam sị ọmịnị Tamuno ómóniapụ sọ. Ọmịna sọnyẹ anịị n gbẹ́rẹ́sa saghị ḅọrọma Tamuno pịrị duma, anị kunema anịị duma gbámásó.

Romapụ 7:3

Anịsáa a mú jẹ́ owiḅọ na fịnịfịnị, deḅọ ma pa dumafịnị sa, nnị amadọghụḅọ pa a sịbẹm; kụ́ma ḅọ́rọ́ deeḅọ fịị nḅẹḅẹ́ a kpọwarị ólóghó ma ḅụ a fiimamam árị mịnị amadọghụḅọgha a ḅọ́rọ́ jẹ́ owiḅọ yaa yaa.

Romapụ 7:6

Mị́sa, anị fịnị ḅara, ólóghó ma ḅárabie wa pághámaḅomam, tegó wa fịị parị ịkóli pa wa suanyẹ ma pịrịmam. Anịgosi wamịnị olom asọ ma duagha n gịẹ kóróma ólóghó ma bịpịsụ́ụ́ angaá, kụ́ma wamịnị ịwọ asọ ma duam Tẹ́mẹ́ ma bịpịsụ́ụ́ angaá.

Romapụ 8:2

Tegó, Krais Jizọs ḅụ ḅọ́rọ́, Tẹ́mẹ́ ólóghó ma duma pịrịarịḅọ, i dụaḅọ́rọ́māmám, sii na fịị ólóghó ma ḅárabie.

1 Kọrịntịapụ 10:16

Wamịnị iru ḅụ sá, n pa Tọ́ntọ́ fị́nyẹ pịrịarị ọmọngọ ma bie, warị imiẹḅa pa Tamuno ḅẹ́, wa diekiri nyánáarị Krais ọmbịnyẹ́ ma ḅụ. Wa pịghị fịtúrú ma puu fị sá, wa pịghị diekiri nyánáarị Krais oju ma ḅụ.

2 Kọrịntịapụ 11:2

A ọmịna ibi dọ́ghụm Tamuno sọ ọmịna ibi dọghụ ḅara, ọ́ fịnị ḅara sọ́ḅọ́rọ́ na deeyagha pịghị owitụ́wọ nimighaḅọ, a pịghị ọ minini pa gbẹ́rẹ́ deḅọ ngéré pịrịmam, ori ma anịị Krais.

Galesiaapụ 3:13

Krais sifịla sọ wa pịrịmaá ḅara ma, ọ wa dụaḅọ́rọ́māmám ólóghó ma akuoo si fị́lā ḅụ; Tọ́ndiri ma dugho ḅara ḅẹ́, <>

Galesiaapụ 5:18

Kụ́ma ḅọ́rọ́ Tẹ́mẹ́ ma ị daa múuarị sa ị mịnị ólóghó sughubie oforii.

Ẹ́fịsọsapụ 2:15

O Juuapụ ologho ma kúnémam na pịghị anị dighi túminị́ mịẹbẹnyẹ na n mịẹbịgha nyẹ, sị ori mmẹẹ́ túminị́ ọrụ ma ḅụ ọ gbẹ́rẹ́ ịwọ túminị́ mịẹ ọ nana gbẹ́rẹ́nyẹ mịẹapụ, mị ḅara ma diin mịẹ.

Filipaiapụ 1:11

Anịsáa Jizọs Krais ngéré ine pághámaḅoarị karakárá ibiamịẹnyẹ ma anịị ọmịna duma bie bii fụ́fụ́ ḅẹnyẹ, mịma ọ́ pa Tamuno boma pịghị o túminị́.

Filipaiapụ 4:17

Ḅẹgha ḅẹ́ a diepịrịnyẹ daakị dọ́ghụm, tụ́ma túminị́ árị sị sọnyẹ sọ ọ pịrịbẹnyẹ.

Kolosiapụ 1:10

Wa mịị tẹ́ghẹ̄ ma kọọarị sị ọmịnị ine Kị́nị́nyánáḅọ bii ḅara pa duma kọọ, pịghị o bieḅẹlẹma asọ mamgba ḅụ: ọmịna duma pịghị mgbọ́lụ suarị ibifịrị gonyẹ́ gonyẹ́ ḅụ, pịghị sẹnịarị ọmịna Tamuno nimi ḅụ.

Kolosiapụ 1:22

Kụ́ma mị́sa Krais ojumẹnị fịị ma ḅụ ḅọ́rọ́ ọ nangwọapụ pa omiẹmam sị ọ tọ́ntọ́ ḅara pa ọmịnị akuoo ọ tórúku fu na túminị́ bịpị oju laagha ḅụ.

Kolosiapụ 1:6

ọ pịrịmaá ma nyẹ. Tuminikiri gbọrụ ḅụ mịị ibi oku ma anị mgbọ́lụ suarị pịghị sẹnịarị, anị pịghị mịẹarị ḅara ma ọmịna ogboku bie ọ sághị anị náa sa éné éné pịghị Tamuno tọ́rụ́kụrụkụ́rụ́ ma akanyaḅo anị karakárá mamgba ḅụ.

Kolosiapụ 2:14

Diri bie n gịẹ wámịna sịbị gbánā ologho ma na ologho ma bii nyẹ káakọsima wamịnị na fiagha nyẹ, pịghị asọ mgbẹsẹ wa pịrịnyẹ, ori anị saghị siim, anị ḅaupálị mgbẹsẹ sị́ ọgọnọ.

Kolosiapụ 2:20

Ḅọ́rọ́ ọmịnị Krais na fịịm, si dụapaghama nyáná tuminikiri táarị tẹ́mẹ́ ma ḅụ, o tegósi duma kọarị sọ́ḅọ́rọ́ ọmịnị pa tuminikiri bẹapụ, o tegó mini si mịná ologho ma ọ ḅụ kụ́rọ nyáná?

Hiburuapụ 10:10

Jizọs Krais Tamuno o ḅara binyẹ mịẹm gosi wámịna sii ḅụ, n wa sịrị simam, ori ọḅụ pa gwaa igwaa gbẹ́rẹ́sa, sámámgba pịrị.

1 Pita 2:24

Krais o ḅụgbọrụ wámịna sii ma dighiákịm ori oju mgbẹsẹ sị́ ma ọgọnọ, si wa fịị́ siiamịẹnyẹ pịrị, sị duma karakárányẹ ma pịrị, ori oju kii ḅụ ḅọ́rọ́ anị ọ ḅụ gwọọ nyanamaá nyẹ.

Puu Findi 19:7

Ḅoo wa dụrụkụ́ bieḅẹlẹ, wamịnị ori opuẹ́rẹ́ túmíní! Ḅẹẹ Ánáná Tụwọ ma ọ́rụ́ḅọ yaa sa láamam, ọ yaa dọghụ ọ́rụ́ḅọ ma sọ a ḅụ tẹ́lẹ́ma wárịmam.

Puu Findi 21:9

Sọ́nọ́ma sookumuapụ ma bie, sọ́nọ́ma bọlị ma dighiarịapụ, kunema sọ́nọ́ma tọ́rụ́siarị dighiarị ḅụḅáláḅálá bie bii nyẹ, nna ḅụ́gbẹrẹḅọ damaḅom sị ḅẹ́, <<Ḅoo, a pịghị dee yaaḅọ ma pa ị diebẹm, Ánáná Tụwọ ma taa.>>