Romapụ 2:4 - Ibani New Testament

⁴ Anịgha ị Tamuno opu ibi na ori inema tẹ́mẹ́ na ori ngịrịma pa papanyẹ mịẹbẹ, Tamuno ori ibim, ori ibi ma ọ daa mú sii ḅụ pịghị ḅụ súúarị.

Romapụ 2:4 Iomraidhean Croise

Romapụ 10:12

Ḅẹẹ kịrịnyẹ ofori Juuapụ na Juughaapụ bie Tamuno ori anịị kị́nị́mamgba Nyánáḅọ ọ pịghị ibiḅara pa ọ sịapụ mamgba boma bomam.

Romapụ 11:22

Mịnga wamịnị arịm Tamuno ma ibi láa ḅara na pịghị ori ḅẹ́rẹ́kọ kụ́rọ ḅara. Ori ḅẹ́rẹ́kọ kụrọm bịghịmaapụ ma ḅụ, kụ́ma ibim ọ fịnị angaá, ḅọ́rọ́ ọmịnị ori ibi ma ḅụ sẹ toruku muu. Kụ́ma ọmịnị ọkọ mịẹgha mịẹgha, ọmịnị sọ nnị ọmịnị ányịmásibẹm.

Romapụ 11:33

Gbẹ́rẹ́ḅọ so ine Tamuno ngọ dụḅa láa ḅara nimiḅobịgha, Ori opu níminyẹ na ori níminyẹ pịghị opuma dụḅam! Tụọ ine nimi bẹ Tamuno kóróma fịnị ḅara? Tụọ ine ori nyẹ́ mịẹ ḅara nimiḅọ bẹ?

Romapụ 3:25

Tamuno ọ saghị pịrịm, ḅẹ́ ori ọ sụụ ọmbịnyẹ́ ma ḅụ ḅọ́rọ́, na pịghị túminị́ ọ ḅụ nyáná minini ḅụ ḅọ́rọ́, n siiḅụḅarasi nyáná bẹ ḅara. Tamuno mịma mịẹm pa die ḅẹ́ ori karakárá ibiamịẹnyẹḅọ. Ḅọ́rọ́maa sa ori inema nyánam sị nna sii dighi tọ́rụ́si; kụ́ma mị́sa ma ḅụ mịnị nna sii dighi tọ́rụ́sigha sị ori karakárá ibiamịẹnyẹ ma diepágháma.

Romapụ 6:1

Anịsa, wa tẹ́ dugho bẹ? Wa siinyẹ mịẹ bịpịmú bẹ si Tamuno ma tọ́rụ́kụrụkụ́rụ́ sẹnị?

Romapụ 6:15

Anịsa, wa tẹ́ dugho bẹ? Wa pa siinyẹ mịẹbẹ, wa ólóghó sughubie ofori gosi kụ́ma Tamuno tọ́rụ́kụrụkụ́rụ́ ḅụ? Ọkọfịnị nyẹ ofori!

2 Kọrịntịapụ 8:2

Nnị tụ́ma daádighi arịm, nnị n pa tulu ḅọ́rọ́ ḅụḅáláḅálá gosi, kụ́ma nna bieḅẹlẹ nna ḅụ nẹngịm mịẹsị nnị nna nyánányẹ pịrịm balagha ḅara ḅụ, karakárányẹ ḅẹẹ nnị siminiapụ.

Ẹ́fịsọsapụ 1:18

A tẹ́ghẹ̄arị ḅẹẹ ọmịna tẹ́mẹ́ findi sị ọmịnị ori baá ma arịị, o nimi bẹ ḅara o go ọ sị tọ́rụ́ dighinyẹ, ọ pịghị mini ori tọ́ntọ́apụ pịrị karịibima anị dụḅa na anị ḅụ́gbérépuma láa ḅara,

Ẹ́fịsọsapụ 1:7

Krais ọmbịnyẹ́ ḅụ ḅọ́rọ́ wa dụaḅọ́rọ́ma nyánam, n wámịna siiḅụḅarasi wa pịrịm ori opu tọ́rụ́kụrụkụ́rụ́ gosi.

Ẹ́fịsọsapụ 2:4

Kụ́ma Tamuno lolomakúkúbie dụḅam ọ pịghị opuma ḅẹlẹma nyáná wa pịrịm,

Ẹ́fịsọsapụ 2:7

Ọ mịma mịẹm pa die ḅẹẹ ḅoarị tuminikiri ma ori ọ nyáná wa pịrị tọ́rụ́kụrụkụ́rụ́ opuma dụḅa láa ḅara ọ pa wa die ḅẹlẹma Krais Jizọs ḅụ ḅọ́rọ́.

Ẹ́fịsọsapụ 3:16

A tẹ́ghẹ̄arị ḅẹ́ Tamuno opu ngọ nyánáḅọ ori ipine ḅụ, kụ́rọ pa ọ pịrị, ọ Tẹ́mẹ́ ḅụ ḅọ́rọ́ ọmịnị ịnyọsua bẹ ḅara ọmịna tẹ́mẹ́bie.

Ẹ́fịsọsapụ 3:8

Tamuno tọ́ntọ́apụ mamgba ḅụ irịị ịrụ́ḅam, anịsọ Tamuno pa mị opuma nyẹ́la fịrị ma pa i pịrịm ḅẹ́ a muu dugho wásáma Juughaapụ ma pịrị Krais ḅụ fịnị sị tumḅọ ine dọghụpágháma ḅofámábịghaa ngọ,

Filipaiapụ 4:19

I Tamuno Krais Jizọs ḅụ ḅọ́rọ́, ori mánámāná ngọ ma ḅụ ọ pali nyẹ gonyẹ́ gonyẹ́ pa ọ pịrịbẹm.

Kolosiapụ 1:27

Nna ḅụ anịị Tamuno bii nyẹ ḅẹ́ o diepágháma Juughaapụ ma ogboku ḅọghunyẹ ma. Mịị ḅọghunyẹ ma anịị, ipine dụḅa láa ḅara na anị ḅụ́gbérépuma láa ḅara, anịị ọmịna bie fịnị Krais ma, anị ọmịna tọ́rụ́ dighinyẹ ḅẹẹ ori ipine ḅụ ọ diekiri nyánábẹm.

Kolosiapụ 2:2

A mịma mịẹm sị nnị tẹ́mẹ́kụ́rọ nyáná sị gbẹ́rẹ́ ḅẹlẹma ḅụ fịnị sị nnị ine bii fụ́fụ́ sị káara akanyaḅo nyáná, mị ḅara ma nnị Tamuno ḅọghunyẹ ma nimibẹm, anịị Krais ma ḅụgbọrụ.

1 Timoti 1:16

Kụ́ma mịma gosi Tamuno tọ́rụ́kụrụkụ́rụ́ nyáná i pịrịm, sị ịḅụ ḅọ́rọ́ siiapụ mamgba ḅụ siiḅáapụ, Krais Jizọs ọrẹ kunema nyanagha ngịrịma ma diepághámam pa ọ ḅụ ḅoo minini bẹapụ ma die ọ ḅụ minini sị gbámásó duma nyáná.

1 Timoti 6:17

Kụrọ ḅara pa dugho mị tuminikiri ngọ ma nyánáapụ pịrịị ḅẹ́ nnị opuamịẹnyẹ mịẹma, anịgha tẹ́mẹ́ gbánā dima dima koroarị nyẹ ḅụ, anịị tuminikiri ngọ kụma Tamuno ḅụ, nyẹ gonyẹ́ gonyẹ́ pa wásáma wa pịrịḅọ sị wamịnị anị pa wa ḅụ tii.

1 Pita 3:20

Mịị anịị Tamuno ẹ́gẹ́rẹ́ ma osigha túminị́ tẹ́mẹ́ ma ḅọlọ sa énéné, Tamuno ọ sa ngúmá kúrúapụ, Nuwa ọrẹ árụ́ ma námáarị sa. Árụ́ ma bie fịnịapụ duḅaghaa, inineapụ ngéré. Mịnaapụ ma ngéré anịị Tamuno mingi ma pa duaḅọ́rọ́maapụ.

2 Pita 1:11

Mị ḅara ma, nnị kụrọ gonyẹ́ gonyẹ́ pa ọ pịrịbẹm sị ọmịnị ine wámịna Nyánáḅọ na wámịna Ḅọ́rọ́máḅọ Jizọs Krais gbámásó amadakiri ma sọ.

2 Pita 3:15

Kị́nị́nyánáḅọ ingịrịma ma ákị, sọ́ḅọ́rọ́ o findi ị pịrị ḅụ́pọ́ ọ pa ḅọ́rọ́ dụaḅọ́rọ́ma nyáná, wámịna ibi mị́naḅọ Pọl, Tamuno pa ọ pịrị níminyẹ pa ábálálá gịẹ ọ fịrịma ḅara.

2 Pita 3:3

Parị nyẹ, a bim ọ kanyaḅo ḅẹ́ kunema sa ma ḅụ, jẹ́apụ págháḅobẹm nna duma bie n dighi nwangịarịnyẹ anịị nna ojumẹnị tárịnyẹ gonyẹ́ gonyẹ́ n pịghị ọ kombobẹm.

2 Pita 3:9

Kị́nị́nyánáḅọ ma o sa ngumabịgha o minini nyẹ mịẹ, jẹ́apụ si ḅara. Tụ́ma ori ngịrịma nyáná ọ pịrịm, dọghụgha gbẹ́rẹ́ḅọ sọ papa fịịfaa, o bim ḅẹ́ kị́nị́mamgba nna sii ḅụ pịghịị.

Puu Findi 2:21

A sáá pa a pịrịmam ḅẹ́ árị arị sii ḅụ pịghị, kụ́ma a pịghị dọghụgha árị yáakuu ḅụ ofori nwángị duma ḅụ.

Puu Findi 3:20

Dighi! A ḅụ́pọ́ ḅụ sẹ sị gbólom, i pụghọ náa sị ḅụ́pọ́ findi i pịrịḅọ fịnịfịnị, a n ḅọ warị sọḅobẹm sị n ḅọ na nyẹ́fịị, nḅọ sọ irị na nyẹ́fịbẹm.