Romapụ 10:2 - Ibani New Testament

² A onyẹsẹ́ n pịrịm ḅẹ́ nnị ibima dọghụarị nnị Tamuno ma tẹ́ghẹ̄, kụ́ma nna ibima Tamuno tẹ́ghẹ̄ dọghụma anị tụ́ma níminyẹ ḅụ gbánāgha.

Romapụ 10:2 Iomraidhean Croise

Ibi Oku Ma Jọn Anị Gịẹ Ḅara 16:2

Nnị ọ deesibẹm Juuapụ kobiri yọ ma ḅụ; tụ́manyẹ ḅụ, sáá ḅoarị ọ ḅa ḅo fịnịfịnị sịbẹm ḅẹ́ n ḅọ fịrịnwangị Tamuno pịrịarị.

Fịrị Ḅara 21:20

Nnị o pughu fama sáá, nnị kị́nị́mamgba warị Tamuno túminim. Nnị warị ḅẹẹ, <

Fịrị Ḅara 21:28

n warị ilúghú, <>

Fịrị Ḅara 22:22

Túminị́ ma Pọl pughu wárii o ḅo mịma dughom. Nnị warị pụghọ saghị sị ilúghum, ọmịnị ọ pa soo! <<Ọ mịnị ọ ḅá, ọ duma na ibighaa.>>

Fịrị Ḅara 22:3

<<Ịrị Juuḅọ, Tasọs, Silisiya bie fịnịnyẹ ḅụ anịị nnị ị yii angaá. Jerusalem ḅụ anịị nnị ị dighi pághámaḅo nyẹ, Gamalel ḅụọ sughu anịị a pịghị nyẹ dáwọnyẹ. Nnị ibiḅara pa wámịna tádọ́apụ ólóghó ma pa i diem, a pịghị ibiḅara pa Tamuno ma tẹ́ghẹ̄arị, ọmịnị mịnga fịnịapụ ma mịmgba ọ tẹ́ghẹ̄arị ḅara.

Romapụ 10:1

Mịnaapụ, tẹ́mẹ́bie a bii nyẹ na a tẹ́ghẹ̄ Tamuno pịrịarị tẹ́ghẹ̄ Izirẹlịawọ gosi ánị ḅẹ́, nnị ine dụaḅọ́rọ́ma nyáná.

Romapụ 10:3

Nnị Tamuno ḅara saghị ḅo karakárá ibiamịẹnyẹ ma nimigha sa warị asọ dọghụ nna nganyẹ pụ́úpágháma ḅo, anị ḅara ma nnị mịnị sịbị tughú Tamuno ma karakárá ibiamịẹnyẹ pịrịgha.

2 Kọrịntịapụ 4:4

Mịị tuminikiri tamuno ma mininighaapụ ma kóróma tọ́rụ́pụ́mamam anịgo nnị ine baá ma arịgha anịị Krais ipine gboloma sị ibi oku ma ḅụ sághị ḅoarị baá, ori ma anị gbẹ́rẹ́sa Tamuno ma na kịkaḅọ.

2 Kọrịntịapụ 4:6

Dugho Tamuno ma ḅẹẹ, <> Mịị gbẹ́rẹ́ Tamuno ma anị mịẹsị ọri baá bia wámịna tẹ́mẹ́bie sọọ nyẹ. Mịma ḅụ ḅọ́rọ́, wa Tamuno ipine nimi ḅụ sághị ḅoarị baá ma nyanam biarị nyẹ Krais tọ́rụ́ ogbo.

2 Kọrịntịapụ 8:3

A onyẹ́sẹ n pịrịm, nnị, nnị ineḅara pa pịrịm, n pịghị nna ịnyọ nẹ́ngịma ḅara pa pịrịm, kị́nị́ n sumágha pa.

Galesiaapụ 1:14

A Juuapụ tẹ́ghẹ̄ ma kọọ i bịrịapụ i jẹa Juuapụ mamgba nẹngịm, a ine ḅara, a wámịna tádọ́apụ saghị ḅọ́rọ́ma wa pịrị ámá mịẹmịẹnyẹ ma ọlọ sẹ́mam.

Galesiaapụ 4:15

Ọmịna bieḅẹlẹ parị ma, anị tẹ́ angaá imii tẹ́ pághá sị mịnanyẹ mamgba dima? Ịrị ḅụgbọrụ a ine dughobẹm ḅẹ́ ḅọ́rọ́ ọmịnị ine bẹ ọkụ́ma, ọmịnị ọmịna tọ́rụ́ sọghụ sị, anị pa i pịrịbẹm.

Filipaiapụ 1:9

Tẹ́ghẹ̄ anịị a tẹ́ghẹ̄arị nyẹ ḅẹ́ ọmịna ḅẹlẹma sẹ́nị anịị anị sẹ́nịbẹnyẹ, tụ́ma níminyẹ ḅụ na pịghị kpain akanyaḅo ḅụ.

Filipaiapụ 3:6

Wámịna daapụ tẹ́ghẹ̄ ḅara ma warị ịḅụ fị, a sọsị ma pa tọ́rụ́siarịmam. Ólóghó ma koko ḅụ saghị ḅo karakárá ibiamịẹnyẹ ma ḅụ a kpain fịnịm.

Kolosiapụ 4:13

A ine onyẹ́sẹ ọ pịrịbẹm ḅẹ́ ori ịnyọsua fịrịnwangị ọ pịrịarị na pịghị Laodisiya na Herapolis ḅụ fịnịapụ pịrịm.