Romapụ 1:8 - Ibani New Testament

⁸ Parị a ịmịẹḅam pa ị Tamuno ma ḅẹm, Jizọs Krais ma ẹrẹ ḅụ ọmịnị kị́nị́mamgba sịbị go, tegó tuminikiri gbọrụ ọmịna minini gbolomanyẹ naarị.

Romapụ 1:8 Iomraidhean Croise

Matiu 24:14

Ḅẹẹ mị ásẹ́mẹ́kiri ma ibi oku ma nnị anị dugho wásámabẹm tuminikiri gonyẹ́ gonyẹ́ ḅụ sị anị onyẹ́sẹ sẹ gonyẹ́ gonyẹ́ pịrị, anịsáa kunema ma ḅobẹm.

Ibi Oku Ma Luk Anị Gịẹ Ḅara 2:1

Anịsáa ma ḅụ, Siza ma, Ọgọstọs ólóghó pịrịm ḅẹẹ nnị kị́nị́mamgba ẹ́rẹ́ pa diri bie sua, anịị Rom sughubie fịnị sẹ mamgba.

Fịrị Ḅara 11:28

Nna ḅụ gbẹ́rẹ́ḅọ Agabọs pa sịḅọ saghị sẹ́m sị Tẹ́mẹ́ ma kụrọ ḅụ dugho pághámam tuminikiriapụ ḅụ kóró bẹ opu ḅuru ḅá. Mịma kiriakịm Klaudiosi sẹ táarị sáá.

Fịrị Ḅara 28:22

Kụ́ma wamịnị ị bịpị náa dọ́ghụm, ị tọ́rọ́ pa anị arịị, ḅẹ mị ogboapụ ma gbólómanyẹ, wa nimim ḅẹ́ ngaamamgba anị dughosima anịị nnị anị dughosimaarị nyẹ.>>

Romapụ 10:18

Kuma a gbilam: Anị tụ́manyẹ ḅẹ́ nnị oku ma naagha? Karakárányẹ dugho ḅụ n nam: Nnị gịẹ kóróma ḅara Tọ́ndiri ma bie ḅẹ: <>

Romapụ 16:19

Kị́nị́mamgba namam ọmịnị ibi oku ma ọlọ kụrọmamaá ḅara, anịgo a ị dighi bieḅẹlẹm. A dọ́ghụm ḅẹ́ ọmịnị akanyaḅo nyáná ibinyẹ ma ḅụ kuma ḅẹnyẹ ḅẹnyẹ nimi ma siinyẹ gboloma sa.

Romapụ 6:17

Kụ́ma wamịnị ịmịẹḅam pa Tamuno ḅẹbẹm! Tegó gbẹ́rẹ́sa biri ọmịnị omoni sọ sii pịrịm, kụ́ma mị́sa ọ nyánáḅọ karakárá dienyẹ ma ọ tẹ́mẹ́ gbọrụ pa anị dughonyẹ mịẹm.

1 Kọrịntịapụ 1:4

A ịmịẹḅam pa i Tamuno ḅẹarị sámámgba, ọ nyáná ọ́ pịrị tọ́rụ́kụrụkụ́rụ́ gosi Krais Jizọs ḅụ ḅọ́rọ́.

2 Kọrịntịapụ 2:14

Kụ́ma wa ịmịẹḅam pa Tamuno ḅẹm. Ḅẹ́, wamịnị na Krais na gbẹ́rẹ́nyẹ sọ ḅụ, Tamuno Krais ḅụ, ḅọ́rọ́ sọọḅa pa wa pịrịarị, ọ pịghị wámịna ḅụ ḅọ́rọ́ mịẹsị Krais níminyẹ ma kụ́nụ́ pulo kụ́nụ́ ḅara pa kụ́nụ́ ngámámgba saama.

Ẹ́fịsọsapụ 1:15

Mịma gosi, a ọmịna minini náa sáá éné éné Kị́nị́nyánáḅọ Jizọs ḅụ pịghị ọ nyáná ḅẹlẹma Tamuno tọ́ntọ́apụ mamgba fịnị angaá,

Ẹ́fịsọsapụ 1:16

náa a ọ ḅụdaghaa ịmịẹḅam pa Tamuno ḅẹ́ ọ sịbị gosi, a tẹ́ghẹ̄ ọ pịrịarị sámámgba pịghị

Ẹ́fịsọsapụ 3:21

ipine fịnị Tamuno pịrị, Tamuno kubiri ogbo ma bie pịghị Jizọs Krais ḅụ akị mú ḅẹsá ḅẹsá láa! Anị ọkọ fịnịị.

Ẹ́fịsọsapụ 5:20

Sámámgba ịmịẹḅam pa Tamuno Daḅọ ma ḅẹẹ nyẹ gonyẹ́ gonyẹ́ ḅụ Wányánáḅọ Jizọs Krais ma ẹrẹ ḅụ.

Filipaiapụ 1:11

Anịsáa Jizọs Krais ngéré ine pághámaḅoarị karakárá ibiamịẹnyẹ ma anịị ọmịna duma bie bii fụ́fụ́ ḅẹnyẹ, mịma ọ́ pa Tamuno boma pịghị o túminị́.

Filipaiapụ 1:3

A ọ́ pa biekóróma sa gonyẹ́ gonyẹ́ a ịmịẹḅam pa i Tamuno ḅẹarị.

Kolosiapụ 1:3

Sámamgba wa ịmịẹḅam pa Tamuno ḅẹarị, wámịna Nyánáḅọ Jizọs Krais Daa wa tẹ́ghẹ̄ ọ pịrị sáá gonyẹ́ gonyẹ́.

1 Tẹsalonaikaapụ 1:2

Sámámgba wa ịmịẹḅam pa Tamuno ḅẹarị ọmịna sịbị goo pịghị ọ pa biekórómáarị wámịna tẹ́ghẹ̄ mamgba ḅụ.

1 Tẹsalonaikaapụ 2:13

Jẹ́nyẹ imi wa go sámámgba ịmịẹḅam pa Tamuno ḅẹ́arịnyẹ, wa Tamuno oku ma akuoo ọ pịrị sáá, ọmịnị anị naam pịghị anị daakị, o tumḅọ ḅara ḅo oku pa anị daákịgha kụ́ma Tamuno ḅara saghị ḅo oku, anịị pịghị anịị, ḅẹ́ Tamuno ọmịnị mininiapụ ma duma bie fịrịnwangịarị.

2 Tẹsalonaikaapụ 1:3

Wámịna Daa awọ, sámámgba wamịnị ịmịẹḅam pa Tamuno ḅẹbẹm ọmịna sịbị goo tegó mịma anị karakáram ḅẹẹ wamịnị ọkọọ mịẹ ọmịna minini opuma sẹnịarị gosi ọ nyáná jụghọ jụghọ pịrị ḅẹlẹma sọ pịghị opuma duḅaarị.

2 Timoti 1:3

A ịmịẹḅam pa Tamuno ḅẹ́m a fíafía tẹ́mẹ́bie pa fịrịnwangị pịrịarịḅọ ị́yẹ́ tádọ́apụ ọ tẹ́ghẹ̄ ḅara. A ịmịẹḅam pa Tamuno ḅẹ́m dii na ḅá na ḅụ a ọ pa biekórómáarị ḅara ị́yẹ́ tẹ́ghẹ̄ ḅụ.

Fịlẹmọn 1:4

Mị́naḅọ owitụ́wọ Fịlẹmọn, a tẹ́ghẹ̄ sa gonyẹ́ gonyẹ́ a i goarị sị ịmịẹḅam pa i Tamuno ḅẹarị,

Hiburuapụ 13:15

Anịgo wa sámámgba túminí igwagwaá pa Tamuno pịrị Jizọs ẹrẹ ḅụ. Mịma anịị wa dugho págháma igwaa ḅẹẹ Jizọs anịị Kị́nị́nyánáḅọ.

1 Pita 2:5

Mị́sa ọ fịnị ḅara sọ́ḅọ́rọ́ dumafịnị dapịrị nnị pa tẹ́mẹ́ju warị námáarị nyẹ. Ọmịnị sọ pịghị tọ́ntọ́ igwagwaapụ, Jizọs Krais ḅárásua ḅụ ḅọ́rọ́ ọ Tamuno ḅẹ́lẹ́maarị igwaa gwaabẹm.

1 Pita 4:11

Ẹ́gẹ́rẹ́ dugho wásaámaarịḅọ gonyẹ́ gonyẹ́ Tamuno ẹ́gẹ́rẹ́ ma dugho wásámáa, fịrịnwangịapụ Tamuno pa n pịrị ịnyọ mamgba pa fịrịnwangị, sị nyẹ́ gonyẹ́ gonyẹ́ ḅụ túmíní fịnị Tamuno pịrịbẹ ḅara Jizọs Krais ḅụ ḅọ́rọ́. Ipine na kụ́rọ na fịnị pịrịḅọ mú ḅẹsá ḅẹsá la. Anị ọkọ fịnị.