Romapụ 1:4 - Ibani New Testament

⁴ Ori ḅo ḅara gbolomanyẹ Tamuno ma ḅara, na pịghị ori tọ́ntọ́, Tamuno opu kụrọ ḅụ diem bẹ ori anị Tamuno ma Tụ́wọ ma ori fịị ḅụ ọ saghịma sáá, Jizọs Krais wámịna Nyánáḅọ.

Romapụ 1:4 Iomraidhean Croise

Matiu 4:3

Ẹ́kpẹ́dua ma warị ọ damaḅo sị ḅẹẹ, <<Ịrị ḅọ́rọ́ Tamuno Tụwọ, dugho mịná dapịrị ma pịrị ḅẹ́ n pịghị fịtúrú sọọ.>>

Fịrị Ḅara 17:31

Tegó ọ sáá pẹ́lẹ́mam o tuminikiri sịbị gbọrụ ori ọ ḅara na sẹlẹakịḅọ ma pa ḅẹ́rẹ́kọ bẹnyẹ karakárá ḅụ. Ọ mịma diepágháma kị́nị́mamgba pịrịm ọ fịị ḅụ ọ saghịma ḅara.>>

Fịrị Ḅara 2:24

Kụ́ma Tamuno fịị ḅụ ọ saghịmam, sị ọ dụaḅọ́rọ́ma fịị kụrọ ḅụ, tegó anị ḅụdam ḅẹẹ fịị ọ pa ikólinaḅọ mịẹ.

Fịrị Ḅara 2:32

<

Fịrị Ḅara 3:15

Ọ duma nyánáḅọ ma ḅám, kụ́ma Tamuno ọ sị saghịm fịị ḅụ, wamịnị sọ onyẹsẹ́ mịma pịrịm.

Romapụ 1:3

Mịị oku ma Tamuno Tụ́wọ ma gbolomam, wámịna Nyánáḅọ Jizọs Krais. Ojumẹnị ḅụ ori ma anịị Deviti furotụ́wọ.

2 Kọrịntịapụ 13:4

Karakárányẹ ḅẹ́ Krais kụ́rọ ḅụ faá ḅụ nnị ọ ḅaupálịm, kụ́ma mị́sa Tamuno kụ́rọ ḅụ ḅọ́rọ́ Krais dumafịnịm. Wamịnị sọ ọ nana gbẹ́rẹ́nyẹ mịẹ ḅụ, wa ḅo kụ́rọ nyánágháapụ dighim. Kụ́ma wamịnị na ọ nana mịẹgbólóma ḅụ wa Tamuno kụ́rọ ma nyánábẹm ori duma bie.

Hiburuapụ 9:14

Mịma karakárányẹ sáá, Krais pulo mịma nẹ́ngịma nyẹ́ mịẹbịgha? Ori gbámásó Tẹ́mẹ́ ma ḅụ ḅọ́rọ́ ọrẹ oju pa kpain agbā mịẹ Tamuno pịrịm. Ọrẹ pulo wa sịrịbẹm ofori ofori mịẹmịẹnyẹ, ḅụ sị wamịnị ine dumafịnị Tamuno ma tẹ́ghẹ̄ bẹ ḅara.

1 Pita 1:11

Nnị warị ḅụ́kọ́rọ́ma dọghụ, sa ma láa bẹ sa, anị pịghị tọrọ́ pa ḅo bẹ. Mị́sa ma anị n ḅụ fịnị Krais Tẹ́mẹ́ ḅara tụ́ghụ́máarị, die pághámaarị Krais árị bẹ tọ́rụ́siarị pịghị anị dua bẹ ipine.

2 Pita 1:21

Tegó ikiakoro okú ma anị tumḅọ ḅara saghị ḅogha, kụ́ma Tọ́ntọ́ Tẹ́mẹ́ ma anịị túminị́ dighi si n Tamuno pa n pịrị oku ma fịrịmaarị nyẹ.

Puu Findi 1:18

Irịị anịị duma fịnịḅọ ma! A fịị sáá imii, kụ́ma mị́sa a duma muu ḅẹsá ḅẹsá lam. A kụ́rọ nyáná ḅo fịị pịrịm na fịịmaapụ ma tuminikiri.

Puu Findi 19:10

A ọ ḅụọ sughu sóórókórom ḅẹẹ a susi ọ pịrị, kụ́ma ori i ḅẹm, <<Ọkọ mịẹma! Irị fịrịnwangịḅọ, ịrị na jẹ́ mininiapụ ma fịnị ḅara, Jizọs diepágháma karakárá ma ọlọapụ. Susi Tamuno pịrị!>> Jizọs diepágháma karakárá ma anịị ịnyọ pa ikiakoroapụ ma pịrịarịnyẹ.