Romapụ 1:12 - Ibani New Testament

¹² A dughoarị nyẹ anịị, wa dona sa, ọmịna minini mịẹbẹm sị a kurosẹ, ị́yẹ́ minini pịghị mịẹbẹm sị ọ kụrọ sẹ.

Romapụ 1:12 Iomraidhean Croise

Fịrị Ḅara 11:23

Ori anị ngaa láa sáá, ori arịm Tamuno ma túminị́ ma bomamáa ḅara, o bieḅẹlẹm, warị n ḅẹ́ nnị sẹ kụ́rọ pịghị karakárá ḅụ fịnị Kị́nị́nyánáḅọ ma pịrị n Tẹ́mẹ́ gbọrụ mamgba.

Romapụ 1:11

Ọmịnị arịị ma opuma i pụghọ tárịm, sị a ine Tamuno Tẹ́mẹ́ ma ḅara sághị ḅo karịibima die ọ pịrị, mịẹbẹnyẹ sị ọ kurosẹ tẹ́mẹ́ju ọ kụrọma bẹnyẹ.

Romapụ 1:13

A dọ́ghụm ḅẹ́ sị o nimi ị́yẹ́ amịnáapụ, ḅẹẹ, tọgha sa a tọmam ḅẹ́ a ḅo ọmịnị arịị, kụ́ma nyẹ sámamgba ị́kíkímam. A dọ́ghụm ḅẹ́ ọmịna ogbobie a mininiapụ nyáná ḅo bẹ ḅara, a nyáná ḅara jẹ́ Juughaapụ ma ogbobie.

Romapụ 15:24

mị́sa a ọkọ mịẹbẹm. A dọghụbẹm a ọmịnị arịị a ḅọ́rọ́ ḅọ́rọ́ Spaini múuarị sa, a pịghị dọghụbẹm ọ ḅárásua ị pịrị sị a ine mú anị ngá ma láa, mịma anịị a kálá sa pa ọmịnị na fịnị fama sa.

Romapụ 15:32

Mịma gosi, a opu bieḅẹlẹ ḅụ ọ dámáḅobẹm, ḅọ́rọ́ anị Tamuno ma ḅụ ḅẹlẹḅẹlẹ, i bieḅẹlẹ bẹ ḅara sị ịnyọ́sárá.

2 Kọrịntịapụ 7:13

Mịnanyẹ mamgba mịẹm wa tẹ́mẹ́kụ́rọ nyáná. Wa ḅụbie saghị ḅo tẹ́mẹ́kụ́rọ ḅụ sua, anị opuma wa tọ́rụ́ ḅẹ́lẹ́mam, wamịnị árị sa Taitọs bieḅẹlẹ láa ḅara, ọmịnị kị́nị́mamgba ḅárásua sị ọ tẹ́mẹ́ mịẹ sághịma ḅara.

Ẹ́fịsọsapụ 4:5

Gbẹ́rẹ́ Kị́nị́nyánáḅọ, gbẹ́rẹ́ minini, gbẹ́rẹ́ mingi sára;

2 Timoti 1:4

A ị́yẹ́ owu mingi pa biekóróma sáá, anị opuma i pụghọ tárịm ḅẹ́ a ị́yẹ́ arịị, sị a bieḅẹlẹ bẹ ḅara.

Taitọs 1:4

Mị diri ma a gịẹ pa Taitọs fịrịmaarị ị́yẹ́ karakárá tụ́wọ wamịnị mamgba nyáná minima ma ḅụ. Tamuno Daḅọ na Jizọs Krais wámịna Ḅọ́rọ́maḅọ ori tọ́rụ́kụrụkụ́rụ́ na diin pa ọ pịrịị.

2 Pita 1:1

Irị Saimọn Pita, Jizọs Krais fịrịnwangịḅọ pịghị Jizọs Krais fịrịmaḅọ anịị mị dii ma gịẹ ọ fịrịmaarịḅọ. A gịẹ pa ọ fịrịmam wamịnị na gbẹ́rẹ́ nyẹ́la minini nyánáapụ, wámịna Tamuno na wámịna dụaḅọ́rọ́maḅọ Jizọs Krais karakárá ibiamịẹnyẹ ḅụ ḅọ́rọ́.

2 Jọn 1:4

Anị opu bieḅẹlẹ pa i pịrịm a dọghụpágháma ḅọ sa ḅẹ́ ị́yẹ́ awọ ma ḅụ jẹ́apụ karakárá ma ḅụ asọ nwángịarị, Daḅọ ma tọ́ọ wa pịrị ḅara.

Judu 1:3

A opuma kórómaarị a diri gịẹ ọ fịrịma wamịnị kị́nị́mamgba nyáná dụaḅọ́rọ́ma gbólómanyẹ ḅụ. Kụ́ma anị ḅoo ịḅụ korom ḅẹ, a ábálálá gịẹ pa ọmịna tẹ́mẹ́ kụrọma, ḅẹẹ ọmịnị owusọọ tórúku mú Tamuno gbẹ́rẹ́sa pa ori a túminị́ pịrị sị pịrị fama minini.