Romapụ 1:11 - Ibani New Testament

¹¹ Ọmịnị arịị ma opuma i pụghọ tárịm, sị a ine Tamuno Tẹ́mẹ́ ma ḅara sághị ḅo karịibima die ọ pịrị, mịẹbẹnyẹ sị ọ kurosẹ tẹ́mẹ́ju ọ kụrọma bẹnyẹ.

Romapụ 1:11 Iomraidhean Croise

Fịrị Ḅara 16:5

Mịị ḅara ma sọsị ma minini ḅụ ḅo sẹ kụrọm pịghị saghị sẹ́nị kịẹbịpị ḅụ éné gonyẹ́ gonyẹ́ ḅụ.

Fịrị Ḅara 19:21

Mịnanyẹ ma kiriakịfama sáá, Pọl warị ọ tẹ́mẹ́bie tọ́ọ pẹ́lẹ́ ḅẹ́ ọ Masidoniya na Akaya ḅụ ḅọ́rọ́ muu Jerusalem láabẹm. O warị ḅẹẹ, <>

Fịrị Ḅara 19:6

Pọl ọ ḅara pa nna ọgọnọ gbánam, Tọ́ntọ́ Tẹ́mẹ́ ma warị n koro; sị nnị warị kịrị ḅẹ́lẹ̄ pa ẹ́gẹ́rẹ́kọọ sị pịghị ikiakoro.

Romapụ 1:12

A dughoarị nyẹ anịị, wa dona sa, ọmịna minini mịẹbẹm sị a kurosẹ, ị́yẹ́ minini pịghị mịẹbẹm sị ọ kụrọ sẹ.

Romapụ 15:23

Kụ́ma mị́sa a ị́yẹ́ fịrị nwangisómaá ḅara ma mịị párángáa, a pịghị ḅọ́rọ́maa tọgha kụ́rá ḅụ dọghụmam ḅẹ́ a ḅo ọmịna arịị

Romapụ 15:29

A nimim ḅẹ́ a ḅo ọ fịnịnga láa sa a bifụfụ Krais karịibima na ḅobẹm.

Romapụ 15:32

Mịma gosi, a opu bieḅẹlẹ ḅụ ọ dámáḅobẹm, ḅọ́rọ́ anị Tamuno ma ḅụ ḅẹlẹḅẹlẹ, i bieḅẹlẹ bẹ ḅara sị ịnyọ́sárá.

Romapụ 16:25

O ḅo wa Tamuno ma saghị sóghólóma, ori ine ọ mịẹ bẹḅọ sị ọ kụrọ sẹ ọmịna minini ḅụ, Jizọs Krais gboloma sị a dugho wásáma ibi oku ḅụ ḅọ́rọ́, na pịghị nnị ḅọghuma karakáráma nnị ḅọghuma nyẹ ḅọlọ sáá ene ene, mị́sa nnị anị diepághámamam.

2 Kọrịntịapụ 1:15

I tẹ́mẹ́kụ́rọ mịnanyẹ mamgba pịrịm anị a go ọrụtọ nyẹ parị ma ḅụ sị á ọ fịnịanga ḅo sị mmẹẹ́ karịiḅi ọmịna nyẹ sọọ bẹ ḅara.

2 Kọrịntịapụ 1:21

Wamịnị na ọ́ nana miẹgbolomaarịḅọ anịị Tamuno ori ma anị pịghị pulo pa wa sịbị saramaá ḅọ.

2 Kọrịntịapụ 11:4

A mịma dughoarị tegó a arịḅom bẹ ḅọ́rọ́ kị́nị́ ọdámáḅom warị jẹ́ Jizọs dugho wásámáa, wamịnị na dugho wásámagha ḅọ, anịgha ọ jẹ́ tẹ́mẹ́ daákịm kịrịnyẹ parị ọ daakị nyẹ ma ḅụ, anịgha kịrị ibi oku na ọ daákịgha nyẹ, ọ ḅụ tẹ́lẹ́ma nnị daákịbẹm.

2 Kọrịntịapụ 9:14

Anịgo opuma póghóló ḅẹlẹma ḅụ, nnị tẹ́ghẹ̄ ọ pịrịbẹm Tamuno diepághámamaá kịrị tọ́rụ́kụrụkụ́rụ́ ọmịna ḅụ.

Filipaiapụ 1:8

Tamuno anịị ị́yẹ́ onyésẹ̄ḅọ ḅẹẹ a karakárányẹ ma dughoarị ḅẹ́ tẹ́mẹ́bie a nyáná ọ pịrị opu ḅẹlẹma ma Krais Jizọs ọḅụ gbọrụ tẹ́mẹ́bie anịị anị saghị ḅo nyẹ́ẹ́.

Filipaiapụ 2:26

Anị opuma ọ pụghọ tárịarị ḅẹ́ ori ọmịnị kị́nị́mamgba arịị anị pịghị ọ ḅụ ḅáláḅálámam ọ náa sáá ḅẹ́ ori obii fịịfịị ḅára fịnịm.

Filipaiapụ 4:1

Anịma gosi, ịyẹa nángwọ́apụ, ọmịnị a ḅẹlẹma sị anị dọghụapụ, ị́yẹ́ bieḅẹlẹ na ị́yẹ́ ogunu. Mị ḅara ma anịị ọ pa sẹ́kụrọ bẹnyẹ Kị́nị́nyánáḅọ ma bie, ịyẹa nángwọ́apụ.

1 Tẹsalonaikaapụ 3:13

Mịị ḅara ma ori ịnyọ pa ọ ḅụ suabẹm sị mịẹsị ọ kpain pịghị tọ́ntọ́ ḅụ fịnị wámịna Tamuno na Daḅọ ma toruku, wámịna Nyánáḅọ Jizọs ḅo bẹ sa ori na ori tọ́ntọ́apụ.

1 Tẹsalonaikaapụ 3:2

Wa wámịna numboru owitụ́wọ Timoti fịrịmam, wamịnị na Tamunofịrị ma nwangịarịḅọ Krais ibi oku ma dugho wásáma ḅụ. Wamịnị ọ fịrịmam ḅẹ́ ọ ḅo ịnyọ pa ọ ḅụ sua pịghị ḅárásua ọ pịrị ọmịna minini ḅụ,

2 Tẹsalonaikaapụ 2:17

Ọmịna kúkúbie mịẹ kụ́rọ́ma sị pịghị ịnyọ pa ọ pịrịị ọ mịẹarị ibifịrị gonyẹ́ gonyẹ́ ḅụ na pịghị ọmịna ibi ẹ́gẹ́rẹ gonyẹ́ gonyẹ́ ḅụ.

2 Tẹsalonaikaapụ 3:3

Kụ́ma Kị́nị́nyánáḅọ ma ọmịnị ọ ḅụ tẹ́mẹ́ gbánā ọ pịghị ọ ḅụ ịnyọ suabẹm, sị pịghị o koko sii tumḅọ ma ḅarabie.

Hiburuapụ 13:9

O minima tọ́rụ́kịrịkị́rị́ dienyẹ ọ daa irima karakárá asọ ma ḅụ. Anị ibim ḅẹẹ tumḅọ biebẹ ịnyọ nyáná ḅo Tamuno tọ́rụ́kụrụkụ́rụ́ ḅụ, mịnị saghị fị́nyẹ ólóghó kokogha, ọmịna bie mị ólóghó ma kokoapụ, mị ólóghó ma so ḅárásua n pịrịgha.

1 Pita 5:10

Ọ kẹ́lẹ́ tọ́rụ́siarị so sáá, tọ́rụ́kụrụkụ́rụ́ mamgba nyáná Tamuno ma, ọ sị ḅo bẹ ọ ḅo diekiri nyáná ọrẹ gbámásó ipine ma ḅụ Krais bie, ori ma pịghị ọ mịẹ kpaimabẹm, pịghị ọ sẹ kụ́rọ́mabẹm pịghị ịnyọ, na pịghị karakárá súghúise pa ọ pịrị.

1 Pita 5:12

Sailas a minini akị ḅo ḅẹ́ ori karakáráma Krais asọduaḅọ, ori anị ḅárásua si a mị kálá ábálálá ma gịẹ ọ fịrịma ḅọ. A ọmịna tẹ́mẹ́ kụrọma dọ́ghụm sị ị́yẹ́ dugho págháma nyẹ ma dugho ḅẹ́, mị anị Tamuno karakárá tọ́rụ́kụrụkụ́rụ́ ma anị ḅụ sẹ kụrọ.

2 Pita 1:12

Anịgo a sámámgba mịnanyẹ ma pa o biekórómabẹm, karakárányẹ ḅẹ́ ọmịnị ibiḅara pa anị nimim, ọ nyanaḅo maá karakárá ma ḅụ ọ pịghị sẹ kụrọm.