Ibi Oku Ma Mak Anị Gịẹ Ḅara 9:2 - Ibani New Testament

² Suene a dii ḅo ḅọ́rọ́ sáá, Jizọs Pita na Jems na pịghị Jọn sịakịm, warị nnị pa sóghóló tụ́ndụ ọ́gọ́nọ tándịm, nnị ngéré fịnịngaa. Nnị pa ọ dighiarị sáá anị Jizọs dimakoro nyẹ.

Ibi Oku Ma Mak Anị Gịẹ Ḅara 9:2 Iomraidhean Croise

Matiu 14:13

Jizọs pághá nyẹ ma náa sáá, ori árụ́ ḅụlọm sị muu túminị́ ngaagha angaá ḅụ fịnị ori ma ngéré. Túminị́ kpo ma mịma náa sáá, n warị ámá ma ḅụ saghị ḅụọ pa o dua.

Ibi Oku Ma Mak Anị Gịẹ Ḅara 14:33

Ọ warị Pita, Jems na Jọn sị ọ ḅụ sua tẹ́mẹ́ si na opu tọ́rụ́siarị ḅoo ọ ḅụ kóróm.

Ibi Oku Ma Mak Anị Gịẹ Ḅara 16:12

Mịma ḅọ́rọ́fáma sáá, Jizọs jẹ́ ḅara pa ọ ḅụ pa mmẹapụ ma diem asọogbo nnị nwángị sẹ ma soarị sáá.

Ibi Oku Ma Mak Anị Gịẹ Ḅara 5:37

O minigha gbẹ́rẹ́ḅọ sọ o dua, tụ́ma Pita na Jems na pịghị o numboru owitụ́wọ Jọn ngéré.

Ibi Oku Ma Luk Anị Gịẹ Ḅara 6:12

Anịsáa ma ḅụ Jizọs gbẹ́rẹ́ kálá tụ́ndụ tándịm warị dii gbọrụ fámá tẹ́ghẹ̄ Tamuno pịrịarị.

Ibi Oku Ma Jọn Anị Gịẹ Ḅara 1:14

Ẹ́gẹ́rẹ́ ma ḅo tumḅọ sọm sị wamịnị na ngaa. Wamịnị ori ipine árịmam, Daḅọ ma ḅara sághị ḅo Kpọ́kpọ́ gbẹ́rẹ́ḅọ tọ́rụ́kụrụkụ́rụ́ na karakárá ḅụ bi ḅo.

Romapụ 12:2

Mịnị tuminikiriapụ dua nnị nyẹ mịẹmịẹ ḅara pa nyẹ mịẹma, kụ́ma wárịso Tamuno biebẹ ọ dima, anịị káara ḅara pa ọmịna kúkúbie dima. Anịsa, o nimibẹm Tamuno ma tọ́nyẹ, ibi nyẹẹ, ọḅụ ḅẹ́lẹ́nyẹ pịghị kpain nyẹ.

2 Kọrịntịapụ 13:1

Mịị ị́yẹ́ tẹ́rẹ́ kárámá sa, a ḅo o dighinyẹ. Tọ́ndiri ma bie n gịẹ kórómam ḅẹẹ, <<Ḅẹ́rẹ́ pa jụghọ sịbị sẹarịḅọ gonyẹ́ gonyẹ́ mmẹẹ́ anịgha tẹ́rẹ́ onyésẹ̄ḅọ nyánábẹm, anịsa, anịị anị kundu nyáná bẹnyẹ.>>

Filipaiapụ 3:21

Ori wámịna ịnyọ ḅụ faámaa ojumẹnị ma dimabẹm sị anị pa ori angaá ipine ojumẹnị ma kịka, sị pịghị nyẹ gonyẹ́ gonyẹ́ pa ori ḅẹrẹtọ ḅụ sua bẹ kụrọ ma pa fịrịnwangịị.

Puu Findi 20:11

Anịsáa a ḅoo opuma dụḅa pị́na imine arịm na pịghị anị ọ́gọ́nọ kpọrọfị́nị́ḅọ. Tuminikiri na so na mangịm ọ fịnị angaá n pịghị mịnị jẹ́ pa fịnịngaa nyanagha.