Ibi Oku Ma Mak Anị Gịẹ Ḅara 4:19 - Ibani New Testament

¹⁹ kụ́ma tuminikiri ḅụḅáláḅálá na ngọ ḅẹlẹma na pịghị pụghọ tarịarị tọ́rụ́kịrịkị́rị́ nyẹ ḅo oku ma pụ́nụ́mam anịgosi anị mgbọ́lụ suagha.

Ibi Oku Ma Mak Anị Gịẹ Ḅara 4:19 Iomraidhean Croise

Matiu 13:22

Nangi ḅụ sóórókoro sịmgbọ́lụ ma anịị oku ma naapụ, kụ́ma mịị tuminikiri ma ḅụḅáláḅálá ma pịghị ngọ oḅori pa kị́nị́ sị, anị kpepumam, mịẹsị anị ine sịmgbọ́lụ suagha.

Matiu 19:23

Anịsáa Jizọs warị ori ọḅụduaapụ ḅẹẹ, <

Matiu 3:10

Ḅẹẹ mị́sa kumḅu ma nnị pá sị ma kune ḅụ wárịmam, ibi sịmgbọ́lụ suagha sịmgbọ́lụ gonyẹ́ gonyẹ́ nnị anị pẹlẹgbibẹm si anị gbi kọrịfịnị bie sua.

Ibi Oku Ma Mak Anị Gịẹ Ḅara 4:18

Jẹ́apụ kịkanyẹ anịị nangi bie nnị dipi sịmgbọlụ. Mịnaapụ ma anịị oku ma naapụ;

Ibi Oku Ma Luk Anị Gịẹ Ḅara 10:41

Kị́nị́nyánáḅọ ma warị a págháraa ḅẹẹ, <

Ibi Oku Ma Luk Anị Gịẹ Ḅara 21:34

<<Ọmịnị ọ ḅụ ẹbị sị minima opu fị na ḅụ na ọ dighi akị so, ọ pịghị minima sị tuminikiri ḅụḅáláḅálá opuma ọmịna tẹ́mẹ́bie bii sí ọ ḅáláḅálá ma anịgha éné ma ḅo ọ ḅụ koro tọ́rụ́ pa dighigha sáá, sọ́ḅọ́rọ́ n tughu dia.

Ibi Oku Ma Jọn Anị Gịẹ Ḅara 15:2

Ịḅụ fịnị sịịmgbọ́lụ suagha sị ḅara gonyẹ́ gonyẹ́ ori anị pẹlẹsibẹm, sịịmgbọlụ sua sị ḅara gonyẹ́ gonyẹ́ ori anị pẹlẹ gbulumabẹm sị anị jẹ́ jẹ́ mgbọ́lụ sua bẹ ḅara.

Romapụ 12:2

Mịnị tuminikiriapụ dua nnị nyẹ mịẹmịẹ ḅara pa nyẹ mịẹma, kụ́ma wárịso Tamuno biebẹ ọ dima, anịị káara ḅara pa ọmịna kúkúbie dima. Anịsa, o nimibẹm Tamuno ma tọ́nyẹ, ibi nyẹẹ, ọḅụ ḅẹ́lẹ́nyẹ pịghị kpain nyẹ.

Ẹ́fịsọsapụ 2:2

Anịsáa ma ọ tuminikiri sii asọ nwángịm, ọmịnị ọgọnọ bie fịnị kụ́rọ sitẹ́mẹ́ táarịḅọ ma bịpị pughum, mị́sa ḅẹrẹtọ mini Tamuno osighaapụ ma pịrịarị Tẹ́mẹ́.

Ẹ́fịsọsapụ 6:12

Tegó wámịna ọ́mụ́gbi ma, wa tuminikiriapụ na anị gbighaa, kụ́ma, sobie ju fịnịị sitẹ́mẹ́, táarịapụ, kụrọnyanáapụ na pịghị kánákáná tuminikiri ma bie fịnị opu kụrọ nyáná sitẹ́mẹ́.

Filipaiapụ 4:6

Ḅụḅáláḅálá pa ịḅụ pịrịma ḅẹnyẹ ḅẹnyẹ ḅụ kụ́ma ị́yẹ́ tẹ́ghẹ̄ ḅụ, Tamuno ḅara ị dọghụnyẹ bi, ịmịẹḅam tẹ́mẹ́ pa ọ ḅara i bi dọghụnyẹ bii.

1 Timoti 6:17

Kụrọ ḅara pa dugho mị tuminikiri ngọ ma nyánáapụ pịrịị ḅẹ́ nnị opuamịẹnyẹ mịẹma, anịgha tẹ́mẹ́ gbánā dima dima koroarị nyẹ ḅụ, anịị tuminikiri ngọ kụma Tamuno ḅụ, nyẹ gonyẹ́ gonyẹ́ pa wásáma wa pịrịḅọ sị wamịnị anị pa wa ḅụ tii.

2 Timoti 4:10

Demas mị tuminikiri ma ḅẹ́lẹ́mam gosi ori i kọ́rọ́ma soó Tẹ́salonaika múm. Kresensi soó Galesia múm, Taitọs warị Dalimasia muu.

2 Pita 1:8

Mịnanyẹ ma anịị o binyẹ ọmịna duma bie, ọ ḅọ́rọ́ nyáná bima ọmịna duma bie, anị mịẹbẹm ọ gárágárá pịghị sọọ nyẹ ḅụ sọ, ọmịna níminyẹ Jizọs Krais wámịna Nyánáḅọ ḅụ.

Judu 1:12

Mịnaapụ ma fịnị ḅara sọ́ḅọ́rọ́ kpọ koro sị ọ pilemaarị ịlọ́lị ọ sọsị kubiri ogbo fị́nyẹ ma fịị gbólomaarị sáá. Nna ḅụ ngéré siḅearị ánáná siḅeapụ. Nnị anịị fọ́rụ dighiákị nwángịarị oḅuto kụ́ma iti kórómagha. Nnị fịnị ḅara anịị anịsáa ḅụ sọ ine sịmgbọlụ suagha sị, n kune ḅụ saghị sughu pághámaḅo sịmgbọlụ fịịfamamaa nyẹ fịnị ḅara anịị n fịnị ḅara.