Matiu 7:15 - Ibani New Testament

¹⁵ <<Ọmịnị ọ ḅụ ẹbị epele ikiakoroapụ ma gosi, nnị ọ dámáḅobẹm ánáná oju apara sua kụ́ma sughubie nnị piri obiri.

Matiu 7:15 Iomraidhean Croise

Matiu 10:17

<<Ọmịnị ọḅụ ẹbị, túminị́ imi, okuakị bẹapụ sị ọ pa ḅẹ́rẹ́kọ warị muu sị pịghị ọ fom nna kobiri yọ ma ḅụ.

Matiu 16:11

Anị tọ́rọ́fịnị ḅẹẹ, ọmịnị ine akanyaḅogha ḅẹẹ a fịtúrú gbólómanyẹ dugho ọ pịrịgha, Kụ́ma ọmịnị ọ ḅụẹbị Farisiiapụ ma na Sadusiiapụ ma yisti pịrị.>>

Matiu 16:6

Jizọs warị dugho n pịrị ḅẹẹ, <<Ọ tọ́rụ diinma, ọ ḅụẹbị Farisiiapụ ma na Sadusiiapụ ma yisti pịrị.>>

Matiu 24:11

<

Matiu 7:14

Kụ́ma túminị́ daa muu duma ḅụ súúarị opu ḅụ́pọ́ ma ịrụm asọ ma sọ kpápụ́m, boghaapụ anịị anị dọghụ pághámaḅoapụ.

Ibi Oku Ma Luk Anị Gịẹ Ḅara 12:15

Ọ warị pịghị túminị́ ma ḅẹ́, <<Ọmịnị ọ tọ́rụ findi! Ọmịnị ọ ḅụ ẹbị ngéré fị duma pịrị, tumḅọ duma ma n pa anị mịẹnyẹ tumḅọ nyáná ngọ mamgbagha.>>

Ibi Oku Ma Luk Anị Gịẹ Ḅara 6:26

Opu kụrụrụ fịnị o kuruarị ọmịnị túminị́ mị́sa túminiariapụ, tegó anịị nna tádọ́apụ ma sọ iruo na ikiakoroapụ ma túminí ḅara.>>

Ibi Oku Ma Jọn Anị Gịẹ Ḅara 10:12

Nnị ọkọḅọ ma, ori ánáná ma kúrúḅọgha, ọ pịghị ánáná ma nyánágha. Anịgo o tuú árị anị ḅoarị sa, ori ánáná ma kóróma mangisobẹm. Anịsáa tuú ma owu pa ánáná kpo ma pághámabẹm, sị n gálágáláma.

Fịrị Ḅara 13:40

Anịgo, ịḅụ kiẹma, sị ikiakoroapụ ma dughonyẹ ịḅụ pághághaa:

Fịrị Ḅara 13:6

Ogbosúányẹ ama ma ḅụ, nnị gbẹ́rẹ́ angaá ḅọ́rọ́ mú jẹ́ angaá lam ákị muu nnị ḅo Pafọs pa sị ama ma láa, anị angaá anịị nnị gbẹ́rẹ́ egberi ikiakoroḅọ na dona nyẹ Ba-Jizọs pa sịḅọ, pịghị bẹḅọ ḅẹ́ ori ikiakoro ḅoo,

Galesiaapụ 2:4

Karakárányẹ ḅẹ́ jẹ́apụ ọkọ dọ́ghụm, oḅori pa kị́nị́ sịarịapụ sọ́ḅọ́rọ́ nnị sọ mininiapụ, mịnaapụ wámịna ogbobie sọḅom ḅọghu ḅara ḅụ, sị n dọghụ pághámaḅo bẹ ḅara wa nyáná ḅụ́nyana wa ḅo Krais Jizọs na gbẹ́rẹ́nyẹ mịẹ sáá, nnị Juuapụ ólóghó ómóniapụ pa wa mịẹ dọ́ghụm.

Ẹ́fịsọsapụ 4:14

Wamịnị awọamaapụ ḅara pa nyẹ mịẹbịgha, oḅori pa kị́nị́ sịarịapụ dienyẹ ma duaarịapụ, dinọngụ nyẹ dighi ḅara pa dighiarị nyẹ na fọ́rụ nyẹ dighi ikelekelearị ḅara, pa dighi ikelekelearị nyẹ. Mịná túminị́ ma jẹ́apụ túlúma irima nyẹ bie suam n tẹ́mẹ́bie págháḅo aka na egberi na ḅụ.

Ẹ́fịsọsapụ 5:6

Minima sị gbẹ́rẹ́ḅọ sọ ofori ofori ẹ́gẹ́rẹ́ pa oḅori pa ọ sị, mịma gosi anị Tamuno igani goo ori osighaapụ ḅụụ koro bẹnyẹ.

Filipaiapụ 3:2

Siiamịẹnyẹ mịẹarịapụ ma dọghụ pághámá ḅo, anị obiri ma kụ́rọ́ma dughoarịapụ ḅẹ tumḅọ tọ́ngọ̄ pẹ́lẹ́bẹm.

Kolosiapụ 2:8

O minima gbẹ́rẹ́ḅọ sọ ofori ofori na oḅori pa kị́nị́ sinyẹ nụná ḅụ ḅọ́rọ́ o kuu pa ịkóli bie sua, anịị tuminikiriapụ nyẹ mịẹmịẹ ḅara ḅụ saghị ḅoarị nyẹ, tuminikiri táarị sitẹ́mẹ́ ḅụ ḅọ́rọ́ kụ́ma Krais ḅara ḅụ saghị ḅogha.

2 Timoti 3:13

Kụ́ma sị a túminị́ na oḅori pa kịnịsịapụ gbẹ́rẹ́ sii ḅụ akị muu siḅaá angaá nyẹ ḅụ sọọbẹm, oḅori pa jẹ́apụ sịarị jẹ́apụ pịghị oḅori pa nna ḅụ sịarị.

2 Timoti 4:3

Sáá ma ḅoarị túminị́ mịnị birifama karakárá dienyẹ ma pịrịbịgha sáá, nnị nna ḅụ tarị nyẹ duabẹm, sị nyẹ́dieapụ táa tụndụrụma nna ḅụ pịrị, nna biri náa dọghụnyẹ pa n die bẹapụ.

2 Pita 3:17

Kụ́ma ọmịnị ị́yẹ́ ibi nángwọ́apụ ọ tarị mịma nimimáa sáá, ọmịnị ọ tọ́rụ́ findi si ólóghó kokoghaapụ ma ọ daa irimagha, si o sóórókoro ọ sẹ ibi ngaa ḅụ.

1 Jọn 4:1

Ị́yẹ́ ibi nangwọapụ, ọ tẹ́mẹ́ gonyẹ́ gonyẹ́ minini ma, kụ́ma tẹ́mẹ́ mamgba daádighi pa nimi ḅọ́rọ́ nnị Tamuno ḅara saghị ḅo, tegó tọgha tọgha epele ikiakoroapụ tuminikiri ma sọmam.

Judu 1:4

Jẹa túminị́ Tamuno nímighaapụ ḅọghu ḅara pa ikirisọḅomam ọ mịnị ogboku bie sị Tamuno tọ́rụ́kụrụkụ́rụ́ oku ma dima, nnị pa nna yáakuu ḅụ ofori nwángị ma kọ, pịghị Jizọs Krais wámịna kpọ́kpọ́ Daḅọ na wámịna Nyánáḅọ sịghị. Ḅọlọmaa sáá Tọ́ndiri ma dugho kórómamam nnị nyanamaá ḅẹ́rẹ́kọ.

Puu Findi 16:13

Anịsáa a tẹ́rẹ́ a sitẹ́mẹ́ arịm ngụngụ kịkanyẹ. Nnị ḅụọ nyáná ododó ma bịpịbie na ḅáláfama nama ma bịpịbie na iruo ikiakoroapụ ma bịpịbie sághị págháḅoarị.

Puu Findi 17:6

A pịghị arịm ḅẹẹ ọ́rụ́ḅọ ma a Tamuno túminị́ ma ọmbịnyẹ́ ḅuu tọ́rụ́ḅámam na pịghị n ḅáapụ ma ọmbịnyẹ́ tegó n sẹ́kụrọ Jizọs pịrịm gosi. A árị arịị sáá, anị opuma i tọ́rụ́ bulubulumam.

Puu Findi 19:20

Ḅáláfáma nama ma nnị ikólinaḅọ ḅara ḅụ okuakịm ori na iruo ikiakoroḅọ, ḅụ́gbérépuma fịrị nwangimaaḅọ ọ tórúku. (Mịná ḅụ́gbérépuma fịrị ma anịị ọ pa ḅáláfáma nama ma ilíghíma nyánáapụ ma oḅori pa n sịị nyẹ, na pịghị susi n tẹ́mẹ́ sị anị pa biekóróma bẹnyẹ pịrịmáapụ) Ḅáláfáma nama ma na iruo ikiakoroapụ ma duma ḅụ anịị nnị n pa kọrịfịnị ésiḅe ma bie gbi suanyẹ ọpọlịḅuruma pa kọrịarị nyẹ.

Puu Findi 20:10

Anịsáa oḅori pa n sị ẹ́kpẹ́dua ma nnị ọ pa ọpọlịḅuruma pa dọghụarị kọrịfịnị ésiḅe bie gbi suam, n ḅáláfama nama ma na iruo ikiakoroapụ ma gbi suamaa ngaa, nnị n pa tọ́rụ́siarịmabẹm dii na ḅáa na ákị muu ḅẹsá ḅẹsá láa.