Matiu 6:4 - Ibani New Testament

⁴ si ị́yẹ́ nyẹ pa kị́nị́ pịrị ma ḅọghu ḅara ḅụ fịnị bẹ ḅara. Anịsáa ị́yẹ́ Daá ḅọghu angaá ḅụ mịẹnyẹ árịarị ḅo ị́yẹ́ gbẹ́nyẹ pa ị gbẹ́bẹm.

Matiu 6:4 Iomraidhean Croise

Matiu 10:42

Gbẹ́rẹ́ oḅuu mingi ọmọngọ pa mịná káláapụ ma pịrịbẹḅọ gonyẹ́ gonyẹ́ ḅẹ́ n ḅọ ị́yẹ́ ọḅụduaḅọ gosi, a karakárányẹ ma dugho ọ pịrịm, n ḅọ gbẹ́nyẹ n ḅọ gbarịbịgha.>>

Matiu 6:18

Anị túminị́ diebịgha ḅara ḅẹẹ ị ḅurukumáarị, kụ́ma ị́yẹ́ Daḅọ ngéré, túminị́ arịgha ḅọ ma; anịsáa ị́yẹ́ Daḅọ ma ḅọghu angaá mịẹnyẹ árịarịḅọ ma, gbẹ́nyẹ pa ị gbẹ́bẹm.

Matiu 6:3

Kụ́ma ọ nyẹ pa nyẹ ḅụ kụrọapụ pịrịarị sáá minima sị ị́yẹ́ ẹ́rẹ́ḅara nimi ị́yẹ́ ámáḅara mịẹarịnyẹ,

Matiu 6:6

Kụ́ma ọ tẹ́ghẹ̄ bẹ sáá, ọmịnị ọmịna wárịbie sọọ, ḅụ́pọ́ ma gbẹ́ẹ̄ sị ọmịna Daá tọ́rụ́arịghaḅọ ma tẹ́ghẹ̄. Anịsáa ọmịna Daá, ḅọghu angaá mịẹnyẹ árịarị ḅo, ma ọ gbẹ́bẹm.

Ibi Oku Ma Luk Anị Gịẹ Ḅara 14:14

mịma ḅụ ḅọ́rọ́ nnị ị karịibimabẹm, tegó mịnaapụ ma nnị ine sima igbẹbịgha. Tamuno sima igbẹbẹm ibiapụ ma fịị ḅụ saghị bẹ éné ma.>>

Ibi Oku Ma Luk Anị Gịẹ Ḅara 8:17

Ḅọghunyẹ gonyẹ́ gonyẹ́ nnị anị mịẹ findibẹm sị kị́nị́mamgba anị árị, n gbẹ́ẹ̄ wárịnyẹ gonyẹ́ gonyẹ́ nnị anị akuo baá bẹ kọ́rọ́mabẹm,

1 Kọrịntịapụ 4:5

Anịgosi gbẹ́rẹ́ḅọ sịbị sọ ḅẹ́rẹ́kọ ma sáá ma na laagha sáá. Kúruu, ákị múu Kị́nị́nyánáḅọ ma ḅoo sáá láa, ọ kánákánábie ḅọghunyẹ ma pa baá bie pághámaḅobẹm, túminị́ kúkúbie fịnị ḅọghunyẹ ma. Anịsáa anị túminị́ nna ḅụ gbẹ́ẹ̄ túminí nyánáḅọ bẹnyẹ Tamuno ḅara.

Hiburuapụ 4:13

Nnị pa Tamuno ḅọghuma ḅẹnyẹ ofori nyẹ gonyẹ́ gonyẹ́ tuminikiri, anị findi gbẹ́ẹ́rẹ́m ọ tórúku. Ori ma anị ọ́rụ́ḅọ ọ́rụ́ḅọ pịghị amịna duma kịẹnyẹ go pịrịbẹḅọ.

Judu 1:24

Ori ma, ine ọ warịị sị ọ bịghịbịgha ḅọ ma, pịghị ọmịnị akuoo sii ḅụ ófórigha ḅụ, na pịghị opu bieḅẹlẹ ḅụ ọ tọ́rụ́kuu, ipine bii yọ,

Puu Findi 2:23

A pịghị árị awọ ḅaabẹm, anịsáa sọsị mamgba minibẹm ḅẹẹ ịrị anịị kị́nị́mamgba kóróma na n biiarị nyẹ nimiḅọ. A pịghị ọ́rụ́ḅọ ọ́rụ́ḅọ gbẹ́bẹm n ḅo fịrị ḅara láa ḅara.