Matiu 6:1 - Ibani New Testament

¹ <<Ọmịnị ọmịna ḅụ ẹbị sị ọmịnị ọmịna ibiamịẹnyẹ fịrị nwángịgha túminị́ tórúku sị nnị ọmịnị árị bẹ ḅara. Ọmịnị ọkọ mịẹmịẹ, ọmịnị gbẹ́nyẹ nyánáḅobịgha ọmịna sobie Daḅọ ḅara.

Matiu 6:1 Iomraidhean Croise

Matiu 16:27

Ḅẹẹ, Tumḅọ yii Tụwọ ma ọ ḅobẹm ọ Daa ma ipine ḅụ na ori sookumuapụ na, anịsáa ori ọ́rụ́ḅọ ọ́rụ́ḅọ gbẹ́bẹm n ḅo nwángịmáa fịrị láa ḅara ḅụ.

Matiu 16:6

Jizọs warị dugho n pịrị ḅẹẹ, <<Ọ tọ́rụ diinma, ọ ḅụẹbị Farisiiapụ ma na Sadusiiapụ ma yisti pịrị.>>

Matiu 23:13

<

Matiu 23:5

<

Matiu 25:40

<<Ámányánáḅọ ma nnị pagharabẹm,

Matiu 5:16

Anị gbẹ́rẹ́ ḅara ma wáriso sị ị́yẹ́ baá opuma bia túminị́ toruku sị nnị ị́yẹ́ ibifịrị arịị sị ị Daá sobie fịnịḅọ ma túmíní.

Matiu 5:46

I ḅọ́rọ́ ị ḅẹlẹmaapụ ḅẹ́lẹ́mam i tẹ́ gbẹ́nyẹ nyánáḅọ ḅẹ́? Ásẹ́mẹ́kiri ósó igbii biiapụ nnị anị gbẹ́rẹ́ ḅara mịẹgha?

Matiu 5:48

Anịgosi kpain fịnị, ị́yẹ́ Daá sobie fịnịḅọ kpain fịnị ḅara.

Matiu 6:16

<<Ọ ḅurukumáarị sáá, ọ minima túminị́ nimi mmẹẹ́ a tọ́rụ́ kingiapụ ma ḅara, ḅẹ́ nnị nna tórúku pa jẹ́ ḅara warịmabẹm pa túminị́ die ḅẹ́ nnị ḅurukumáarị. A karakárányẹ ma dugho ọ pịrịm nnị bi ḅara pa nna gbẹ́nyẹ nyanaḅomam.

Matiu 6:9

Mịị ḅara ma anịị ọ tẹ́ghẹ̄ bẹ ḅara: <<

Ibi Oku Ma Mak Anị Gịẹ Ḅara 8:15

Jizọs warị n ḅẹ́, <<Ọmịnị ọ ḅụ ẹbị, ọ pịghị ọ tọ́rụ findi warị Farisiiapụ ma fịtúrú sughumaarị nyẹ na Hẹrọd fịtúrú sughumaarị nyẹ pịrị.>>

Ibi Oku Ma Luk Anị Gịẹ Ḅara 11:35

Árị ḅẹẹ ị́yẹ́ oju fịnị baá ma kánákáná sọgha.

Ibi Oku Ma Luk Anị Gịẹ Ḅara 12:1

Anịsáa ma ḅụ, tọgha túminị́ ḅó kobirịarị sị pịghị jụghọ jụghọ nángáarị anịị Jizọs parị dugho ori ọḅụduaapụ pịrị nyẹ́ ḅẹẹ, <<Ọmịnị ọ́ḅụ ẹḅịị Farisiiapụ ma fịtúrú sughumaarị mịẹnyẹ ḅụ anịị dughonyẹ kịrị mịẹnyẹ kịrị.

Ibi Oku Ma Luk Anị Gịẹ Ḅara 12:15

Ọ warị pịghị túminị́ ma ḅẹ́, <<Ọmịnị ọ tọ́rụ findi! Ọmịnị ọ ḅụ ẹbị ngéré fị duma pịrị, tumḅọ duma ma n pa anị mịẹnyẹ tumḅọ nyáná ngọ mamgbagha.>>

Ibi Oku Ma Luk Anị Gịẹ Ḅara 16:15

O warị n ḅẹẹ, <<Ọmịnị anịị ọḅụ diearịnyẹ ḅẹẹ ọmịnị karakárá ibiamịẹnyẹapụ túminị́ tórúku ḅụ, kụ́ma Tamuno ọmịna kúkúbie nimim. Túminị́ pa opuma nyẹ́sị nyẹ anị bẹnyẹ bẹnyẹ ḅụ ofori Tamuno tórúku.

Ibi Oku Ma Jọn Anị Gịẹ Ḅara 12:43

tegó mịịapụ ma nnị túminị́ ḅara ḅoo túminí ḅẹlẹma Tamuno ḅara ḅo nyẹ nẹngịm.

Ibi Oku Ma Jọn Anị Gịẹ Ḅara 5:44

Ọ tọ́rọ pa ine minini bẹ, o jụghọ jụghọ ḅara túminí biarị sáá, kụ́ma ọ ḅẹnyẹ ḅẹnyẹ mịẹgha sị Tamuno ma ngéré ḅara ḅoo túminí nyáná?

Fịrị Ḅara 3:12

Pita túminị́ ma árị sáá, ori n ḅẹẹm, <

Galesiaapụ 6:12

O sumaarịapụ ma ḅẹ́ ọ mú tọ́ngọ̄ pẹ́lẹ́ nnị dọghụarị ḅẹ́ túminị́ ibi ẹrẹ pa n si, nnị dọghụgha ḅẹ́ túminị́ n pa tọ́rụ́siarịma ḅẹ́ n diearị ḅẹ́ Krais mgbẹsẹ sị́ ma ngéré ḅụ anị dụaḅọ́rọ́ma fịnịnyẹ.

Hiburuapụ 11:26

O mininim ḅẹ́ wirinumo daa Mesaya ma ẹ́rẹ́, sọ́nyẹ so Ijipiti ḅụ fịnị ngọ mamgba nẹngịm. O tọ́rụ́ pa tórúku ḅoarị sọ́nyẹ ma dighiarị.

Hiburuapụ 2:1

Mịma go anị wa go ibiḅara pa wa namaa ẹ́gẹ́rẹ́ ma ọlọ bẹnyẹ, sị wa ḅụọ gbisiribịgha ḅara.

Hiburuapụ 6:10

Tamuno ori anịị karakárá ḅo ma. Ori ọmịna fịrị pa bieḅáramabịgha anịgha ọ nyána ọ pịrị ḅẹlẹma, ọ pịghị nyáná, pịghị pa nyánáarị ḅárásua pa Krais asọ duaarịapụ ma pịrịarị.

2 Jọn 1:8

Tọ́rụ́ findi warị, sị ị tọ́rụ́siarị gbálanyẹ i ḅara fabịgha ḅara, kụ́ma nnị bii ḅara pa ị gbẹ bẹ ḅara.