Matiu 5:8 - Ibani New Testament

⁸ Karịiḅi fịnị aka na egberi na duma nyánágháapụ pịrị, tegó nnị Tamuno árịbẹm!

Matiu 5:8 Iomraidhean Croise

Fịrị Ḅara 15:9

Ọ kịrịnyẹ mịẹghaa wamịnị na nna ogbobie; ori nna siiḅụḅarasi n pịrịm, nnị mininim gosi.

1 Kọrịntịapụ 13:12

kụ́ma mị́sa wa tẹ́mẹ́ dighinyẹ ḅụ ḅuruḅuru ma árịarị, anịsáa, wa ḅo árịbẹm tọ́rụ́ na tọ́rụ́ na. Mị́sa a níminyẹ mpara mpara ḅụ imi; anịsáa anị ḅo karabẹm, Tamuno káara ḅara pa ị nimiḅara.

2 Kọrịntịapụ 7:1

Ị́yẹ́ ibi nángwọ́apụ mịnanyẹ mamgba n minini pa wa pịrịm, anịgo wa wámịna ḅụ mịẹ fiafiama, wámịna oju anịgha wámịna tẹ́mẹ́ ịlọlịma bẹnyẹ gonyẹ́ gonyẹ́ ḅụ, wa pịghị káara ḅara ḅụ tọ́ntọ́ duma kọọ Tamuno ḅụ.

Taitọs 1:15

Siiamịẹnyẹ kóróma nyánágháapụ nna tẹ́mẹ́bie nyẹ gonyẹ́ gonyẹ́ ibima fiafiam. Kụ́ma ịlọ́lị kóróma nyánáapụ pịghị Krais ḅụ mininighaapụ, nna tẹ́mẹ́bie na nna kóróma gbẹ́rẹ́sa pilemam.

Hiburuapụ 10:22

Anịgo wa ibi kúkúbie na karakárá minini pa sọma Tamuno fịnị angaá ḅo, pịghị nnị ibima sịrị maá ḅẹ́rẹ́ḅarasi kúkúbie na pịghị n fíafía mingi pa sịrịmaa oju.

Hiburuapụ 12:14

Ḅụ́kọ́rọ́ma diin pa kị́nị́mamgba na fịnị pịghị ḅụ́kọ́rọ́ma tọ́ntọ́ duma kọọ mịma ofori, gbẹ́rẹ́ḅọ sọ ine Kị́nị́nyánáḅọ arịbịgha.

Hiburuapụ 9:14

Mịma karakárányẹ sáá, Krais pulo mịma nẹ́ngịma nyẹ́ mịẹbịgha? Ori gbámásó Tẹ́mẹ́ ma ḅụ ḅọ́rọ́ ọrẹ oju pa kpain agbā mịẹ Tamuno pịrịm. Ọrẹ pulo wa sịrịbẹm ofori ofori mịẹmịẹnyẹ, ḅụ sị wamịnị ine dumafịnị Tamuno ma tẹ́ghẹ̄ bẹ ḅara.

Jems 3:17

Kụ́ma ọ́gọ́nọ saghị ḅo opu nyẹ́nimi ma parị anị kpainm, anị pịghị diin ḅẹ́lẹ́mam, sárásárám, nangwọmiẹdim, anị pịghị tọ́rụ́kụrụkụ́rụ́ nyánam, ibi ibiamịẹnyẹ nyánam, anịị anị dipiapụ sughuarị nyẹ. Anị pịghị tọ́rụ́kúkúgha pịghị mmẹẹ́ a tọ́rụ kingigha.

Jems 4:8

Kikia Tamuno damaḅo, ori sọ kikia ọ dámáḅobẹm. Ọmịnị ọmịna ḅara sịrị si siinyẹ bie, ọ pịghị ọmịna tẹ́mẹ́bie mịẹ fiafiama ọmịnị mmẹẹ́ a tọ́rụ́ kingi.

1 Pita 1:22

Ḅẹ́ mị́sa ọmịnị ọmịna ḅụ mịẹ yóriyórimamáa ḅara ma karakárányẹ ma mịẹ ḅụ, ọ pịghị mị́sa karakárá ḅẹlẹma nyáná jẹ́ mininiapụ ma pịrịmam, ọmịnị ọmịna tẹ́mẹ́bie gbọrụ pa ibiḅara pa jụghọ jụghọ ḅẹlẹma.

Puu Findi 22:4

Nnị ọ tórúku árịbẹm, n pịghị ori ẹrẹ gịẹbẹm nna fụ́ḅára ogbo.