Matiu 5:7 - Ibani New Testament

⁷ Karịiḅi fịnị lolomakúkúbie nyánáapụ pịrị tegó, Tamuno pịghị lolomakúkúbie pa nnị diebẹm!

Matiu 5:7 Iomraidhean Croise

Ibi Oku Ma Mak Anị Gịẹ Ḅara 11:25

Ị sẹ́fịnị sị tẹ́ghẹ́arị sáá, tumḅọ pa ị mịẹ siiamịẹnyẹ gonyẹ́ gonyẹ́ sii wáriso n ḅọ pịrị, ị́yẹ́ sobie Daḅọ so ị́yẹ́ sii wáriso i pịrịbẹ ḅara.>>

Ibi Oku Ma Luk Anị Gịẹ Ḅara 6:35

Kụ́ma ị́yẹ́ iruonaapụ ḅẹlẹma, ibinyẹ mịẹ n pịrị, igbii pa n ḅọlọ, tọ́rụ́ pa ị́ n ḅarabie nyáná ḅo ḅẹnyẹ dighigha pa. Anịsáa, anịị ọmịnị opu gbẹ́ẹnyẹ nyáná bẹnyẹ ọ pịghị sóghólóḅa Tamuno awọ ma sọọ bẹnyẹ tegó ọ ḅẹlẹma nyáná, nyẹ tọ́rụ́ sọghaapụ ma pịrịm na pịghị sii túminị́ na.

Romapụ 11:30

Ọmịnị Juughaapụ, ọ Tamuno bịpị puughugha parị sa, kụ́ma mị́sa ọ Tamuno tọ́rụ́kụrụkụ́rụ́ nyanaḅomam tegó Juuapụ ma bịpị puughugha gosi.

1 Kọrịntịapụ 7:25

Mị́sa o gịẹnyẹ ma owiḅọ nimigha anịgha ọ́rụ́ḅọ nimigha gbolomanyẹ. A Kị́nị́nyánáḅọ ḅara saghị ḅo ólóghó nyanagha, Kụ́ma a i tẹ́mẹ́ dughom Kị́nị́nyánáḅọ lolomakúkúbie ḅụ ḅọ́rọ́ túminị́ ine ḅụ tẹ́mẹ́ gbánā bẹḅọ ḅara.

2 Kọrịntịapụ 4:1

Tamuno ọrẹ lolomakúkúbie ḅụ mị fịrị ma pa wa pịrịmam ḅẹ́ wa nwángị, anịgo gbẹ́rẹ́nyẹ sọ mịẹbịgha si wámịna tẹ́mẹ́ oḅudáa.

Ẹ́fịsọsapụ 4:32

Anịmanakaragha ọmịnị ibitẹ́mẹ́ na lolomakúkúbie nyáná jụghọ jụghọ pịrị, o sii wáriso jụghọ jụghọ pịrị, Tamuno Krais ḅụ ḅọ́rọ́ sii wáriso ọ pịrị ḅara.

Kolosiapụ 3:12

Anịgosi, Tamuno sẹlẹakị ọ ḅụ pịrị túminị́, tọ́ntọ́ pịghị ori ibima ḅẹlẹmaapụ ọ ḅụ́jịrịrị pa ọmịna suabịtẹ mịẹ, ibitẹ́mẹ́ nyáná, ḅụ sitéréma, diin duma na pịghị inema nyáná.

1 Timoti 1:13

Karakárányẹ ḅẹ́ ḅọ́rọ́maa sáá a ọ ḅụ siinyẹ dughom, ọ pa tọ́rụ́siarịmam pịghị ọ wiri, kụ́ma Tamuno lolomakúkúbie nyáná i pịrịm, tegó na a minini nyanagha gosi a pịghị nimigha a mịẹarịnyẹ.

1 Timoti 1:16

Kụ́ma mịma gosi Tamuno tọ́rụ́kụrụkụ́rụ́ nyáná i pịrịm, sị ịḅụ ḅọ́rọ́ siiapụ mamgba ḅụ siiḅáapụ, Krais Jizọs ọrẹ kunema nyanagha ngịrịma ma diepághámam pa ọ ḅụ ḅoo minini bẹapụ ma die ọ ḅụ minini sị gbámásó duma nyáná.

Hiburuapụ 4:16

Wa tẹ́mẹ́kụ́rọ nyáná sị sọma Tamuno imine ma fịnị angaá ḅo, tọ́rụ́kụrụkụ́rụ́ fịnị angaá. Anị angaá wa lolomakúkúbie nyánáḅobẹm pịghị tọ́rụ́kụrụkụ́rụ́ dọghụḅọ pa ḅárásua wa pịrị wamịnị anị dọghụ sa.

Hiburuapụ 6:10

Tamuno ori anịị karakárá ḅo ma. Ori ọmịna fịrị pa bieḅáramabịgha anịgha ọ nyána ọ pịrị ḅẹlẹma, ọ pịghị nyáná, pịghị pa nyánáarị ḅárásua pa Krais asọ duaarịapụ ma pịrịarị.

Jems 2:13

Tọ́rụ́kụrụkụ́rụ́ nyána amịna jẹa ḅọ pịrịghaḅọ Tamuno so tọ́rụ́kụrụkụ́rụ́ nyáná n ḅọ pịrịbịgha ọrẹ ḅẹ́rẹ́kọ ḅụ, kụ́ma tọ́rụ́kụrụkụ́rụ́ ḅẹ́rẹ́kọọ nẹngịm.

Jems 3:17

Kụ́ma ọ́gọ́nọ saghị ḅo opu nyẹ́nimi ma parị anị kpainm, anị pịghị diin ḅẹ́lẹ́mam, sárásárám, nangwọmiẹdim, anị pịghị tọ́rụ́kụrụkụ́rụ́ nyánam, ibi ibiamịẹnyẹ nyánam, anịị anị dipiapụ sughuarị nyẹ. Anị pịghị tọ́rụ́kúkúgha pịghị mmẹẹ́ a tọ́rụ kingigha.

1 Pita 2:10

Gbẹ́rẹ́sa biri imi o túminị́ ḅụ ofori, kụ́ma mị́sa ọmịnị ori a túminị́, gbẹ́rẹ́sa biri ọ Tamuno lolomakúkúbie nimigha kụ́ma mị́sa ọmịnị ọrẹ lolomakúkúbie nyanaḅomam.