Matiu 5:14 - Ibani New Testament

¹⁴ <<Ọmịnị anịị tuminikiri baá ma, kálá tụ́ndụ́ ọ́gọ́nọ fịnị opu ama ine ḅọghubịgha.

Matiu 5:14 Iomraidhean Croise

Ibi Oku Ma Jọn Anị Gịẹ Ḅara 12:36

Baá ma ḅụ minini ịrị anị nyáná sáá, ọmịnị baá ma awọ sọ bẹ ḅara.>> Ori ẹ́gẹ́rẹ́ ma kọfáma sa, ori aningáa ma warịsom sị muu ọ ḅụ ḅọghu n fịnị angaá.

Ibi Oku Ma Jọn Anị Gịẹ Ḅara 5:35

Jọn ori anịị kọrị sị pịghị biarị tọndọ ma, ọ pịghị dọghụarị ḅẹ́ kálá sáá tụwọ ḅụ ọmịnị tọndọ ma ḅẹlẹ fị́ị.

Ibi Oku Ma Jọn Anị Gịẹ Ḅara 8:12

Jizọs sima ẹ́gẹ́rẹ́kọọ túminị́ ma pịrị sáá, o dughom ḅẹẹ, <>

Ibi Oku Ma Jọn Anị Gịẹ Ḅara 9:5

A tuminikiri fịnị sáá ma gonyẹ́ gonyẹ́, irị anịị tuminikiri ma baá.>>

2 Kọrịntịapụ 6:14

Mini mininighaapụ na fịrịnwangị gboloma ma bẹ ọmịnị nnị na gbasịm, anị ine ọkọfịnịbịgha. Karakárányẹ na irima nyẹ na tọrọ́ pa gbẹ́rẹ́nyẹ mịẹbẹ. Baá na kánákáná na n tọrọ́ pa gbẹ́rẹ́ angaá ngaa bẹ?

Filipaiapụ 2:15

Si fu ọ ḅụ labịgha ḅara pịghị fíafía Tamuno kpain awọ, n dama n dama na siiamịẹnyẹapụ tuminikiri bie ngaapụ. Nna bie o lolia sobie bia ḅara pa biabẹm.

1 Tẹsalonaikaapụ 5:5

Ọmịnị kị́nị́mamgba ọmịnị baá ma owiapụ awọ na pịghị éné ma awọ; wamịnị dii bie awọgha anịgha kánákáná awọ.

Puu Findi 1:20

Mịị ḅọghu sị túminị́ nimigha nyẹ, ị́yẹ́ amaḅara bie fịnị sị ọmịnị árị sọ́nọ́ma ḅálōló ma sẹ́pịrịnyẹ, na pịghị odoḅala pa tẹ́mẹ́ tọndọ gbananyẹ ma sẹ́pịrịnyẹ: Sọ́nọ́ma ḅálōló ma anịị sọ́nọ́ma sọsị ma sookumuapụ, Sọ́nọ́ma tọndọ gbananyẹ ma anịị Sọ́nọ́ma sọsị ma.

Puu Findi 2:5

Biekóróma ọ bịghị kóró lama ḅara! Ọmịnị ọmịna sii ḅụ pịghị sị parị ọ mịẹmịẹnyẹ ma mịẹ. Ọ sii ḅụ pịghịgha pịghịgha, a ọ dámáḅobẹm sị ọmịna tọndọ gbananyẹ ma ákị anị fịnịkiri.