11 <
I sịbị go nnị ọmịnị akuoo ḅẹ́rẹ́kọ ḅobẹm, ḅẹ́rẹ́tọapụ na ámányánáapụ tórúku. Mị ḅara ọmịnị asọ árịbẹm ibi oku ma dugho wásámáa nnị na Juughapụ pịrịị.
Túminị́ mamgba tarịgha ḅụ ọmịnị na fịnịbẹm i sịbị go, kụ́ma sẹ kụ́rọ muu kunema láa ḅo dụaḅọ́rọ́ma nyánábẹm.
Anị ḅụ́gbẹm ḅẹẹ diriwarị ḅụ nyẹ́dáwọ́arị tụ́wọ amịna nyẹ́dieḅọ fịnị ḅara fịnị, sị fịrịnwangịḅọ sọ amịna nyánáḅọ fịnị ḅara fịnị. Nnị ḅọ́rọ́ warị ma sịbịdáḅọ sịmam Bẹlizibọl tẹ́ nkiki sị nnị ọkọfịnị ẹ́rẹ́ pa wárị ma bieapụ sịbịgha!
Amịna duma warị dọghụapụ anị famabẹm kụ́ma amịna duma famapụ i sịbị go anị dọghụ pághámaḅobẹm.
Pịghị warị warịsomáaḅọ gonyẹ́ gonyẹ́ anịgha mịná owiapụ anịgha ẹ́rẹ́mịnaapụ anịgha daapụ anịgha nyingiapụ anịgha awọ anịgha duakiri i sịbị gosi, sọ́nọ́a si kiri pa anị nẹ́ngị nyẹ nyánábẹm sị pịghị gbámásó duma nyánáḅobẹm.
< Faic an caibideil
Ḅọ́rọ́arịapụ, sịbị jighem sị wiri núme pa ọ wiri.
Kị́nị́mamgba o dighi ḅụ akụbẹm i sịbị gosi. Kụ́ma inema nyána mú kunema láa ḅo anịị dụaḅọ́rọ́ma nyána bẹḅọ.>>
<<Ọmịnị sọ, ọmịnị ọ ḅụ ẹbị. Nnị okubẹm sị ọ pa ḅẹ́rẹ́kọ sịrị mubẹm. Nnị o fombẹm nna kobiri yọ ḅụ, nnị o mịẹbẹm sị ọ sẹ táarịapụ na ámányánáapụ tórúku i sịbị go, sị ọmịnị ibi oku ma dugho wásáma bẹ ḅara.
Kụ́ma anị nna bie kune nyanagha gosi anị pịghị dii laagha. Anịgosi ḅụḅáláḅálá anịgha kị́nị́ pa tọ́rụ́siarịma, ḅo gbẹ́rẹ́kiri oku ma gosi nnị sáá ngúmágha pa bịghị korom.
Amịna duma dụapághámaḅo dọghụḅọ anị famabẹm, kụ́ma ḅọ́rọ́ ị ị́yẹ́ duma fama i sịbị goo na ibi oku ma goo, ị anị dụapághámaḅobẹm.
Kị́nị́mamgba, o dighi ḅụ akụbẹm i sịbị go.
Karịiḅi fịnị ọ pịrị túminị́ ọ dighi tọ́rụ́akụ sáá, sị o kịẹ sị, pịghị okombo pịghị o wiri ḅẹẹ, ọmịnị sii túminị́ tegó ọmịnị Tumḅọ yii Tụwọ ma duam gosi.
Amịna duma dua bẹḅọ gonyẹ́ gonyẹ́ anị ḅuumabẹm, kụ́ma amịna duma ḅuumaḅọ i sịbị gosi anị dụapághámaḅobẹm.
Mịị ḅara ma anịị n pa ọ mịẹbẹnyẹ ị́yẹ́ ẹrẹ ma gosi, tegó nnị i fịrịma ḅọ ma nimigha.
Nnị warị wirinumo pa o wiri sị ḅẹ́, Ịrị anịị mịị owitụ́wọ ma ọḅụduaḅọ. Wamịnị Mosis ọḅụduaapụ!
Ịrị pịghị pa o diebẹm ori árị bẹ tọ́rụ́siarị i sịbị goo.>>
Tọ́n diri ma bie n gịẹ kóróma ḅara ḅẹẹ, <<Ọ sịbị go wa fịị na tọ́rụ́donam éné mamgba ḅụ; nnị wamịnị ákịm sọ́ḅọ́rọ́ n kọngọ pẹlẹ bẹ ánáná.>>
Krais goo, wamịnị oḅoriapụ sọọm; kụ́ma ọmịnị nyẹ́nimiapụ sọọm Krais ḅụ! Wamịnị ịnyọ wa ḅụ ofori, kụ́ma ọmịnị ọ kụrọm! Nnị wa dighisimam kụ́ma nnị o dighi sóghólomam!
Wámịna duma éné mamgba fịị wamịnị na imi Jizọs gosi, sị túminị́ ori duma árị bẹ ḅara wámịna mẹnị oju ma ḅụ.
Nnị mị tọ́rụ́kụrụkụ́rụ́ ma pa i pịrịmam ọ ḅụ ngéré minini ngéréghaa kụ́ma pịghị tọ́rụ́siarị ọ pịrị.
Nnị o wiri sa, ori jẹ́ wirinumo pa n pagharagha, ọ tọ́rụ́siarị sa, o kam kórógha, kụ́ma ọ ḅụ saghị Tamuno ma ḅárásua, karakárá ḅẹ́rẹ́kọḅọ ma.
Bieḅẹlẹ ọmịnị a nyẹ, n ḅọ́rọ́ ọ dughosima ḅẹ́ ọmịnị Krais asọduaapụ ẹrẹ́sị, mịma dughoarị ḅẹ́ ipine Tẹ́mẹ́ ma anịị Tamuno Tẹ́mẹ́ ma ọmịna ḅụbie ngáarị.
Ọmịnị ngịrịma nyánam, ori ẹrẹ go tọ́rụ́siarịmam ọ pịghị minigha ịnyọ ọ́ḅụ faá.
