Matiu 24:14 - Ibani New Testament

¹⁴ Ḅẹẹ mị ásẹ́mẹ́kiri ma ibi oku ma nnị anị dugho wásámabẹm tuminikiri gonyẹ́ gonyẹ́ ḅụ sị anị onyẹ́sẹ sẹ gonyẹ́ gonyẹ́ pịrị, anịsáa kunema ma ḅobẹm.

Matiu 24:14 Iomraidhean Croise

Matiu 10:7

Ọ muu sáá, dugho wásámáa ḅẹẹ,

Matiu 18:19

<

Matiu 24:3

Jizọs Olivu Tụ́ndụ́ ọ́gọ́nọ kpọrọfịnịarị sáá, ori ọḅụduaapụ ḅọghu ḅara pa ọ damaḅom. Nnị warị ọ ḅẹẹ, <>

Matiu 24:6

Ọmịnị ọ́mụ́ gboloma ḅẹ́rẹ́ naábẹm pịghị ọ́mụ́gbi ọwụ náa, kụ́ma omini ma si anị ḅáláfa dighi ọ pịrị ọkọfịnị nyẹ kiriakị nyánam, kụ́ma kunema ma na laagha.

Matiu 4:23

Jizọs Galili gbọrụ múm, nyẹ́diearị Juuapụ kobiri yọ yọ ḅụ, ásẹ́mẹ́kiri ma ibi oku ma dugho wásámaarị, tọ́rụ́kịrịkị́rị́ obi na ikúléapụ ma gwọọ túminị́ ma bie.

Matiu 9:35

Jizọs opu ámá na káláama gonyẹ́ gonyẹ́ múm nyẹ́diearị Juuapụ kobiri yọ yọ ma ḅụ, ásẹ́mẹ́kiri ibi oku ma dugho wásámaarị sị tọ́rụ́kịrịkị́rị́ obi na ikúléapụ ma gwọọ.

Ibi Oku Ma Mak Anị Gịẹ Ḅara 13:10

Kụ́ma ọ parị ibi oku ma dugho wásáma kị́nị́mamgba pịrịbẹm, anịsáa anịị kunema ma ḅo bẹnyẹ.

Ibi Oku Ma Luk Anị Gịẹ Ḅara 2:1

Anịsáa ma ḅụ, Siza ma, Ọgọstọs ólóghó pịrịm ḅẹẹ nnị kị́nị́mamgba ẹ́rẹ́ pa diri bie sua, anịị Rom sughubie fịnị sẹ mamgba.

Ibi Oku Ma Luk Anị Gịẹ Ḅara 24:47

ḅẹẹ ori ẹrẹ ḅụ sii ḅụ pịghị na siiḅụḅarasipịrị oku ma n dugho pághámabẹm sẹ́kiri mamgba ḅụ, Jerusalem ḅụ saghị.

Ibi Oku Ma Luk Anị Gịẹ Ḅara 4:5

Ẹ́kpẹ́dua ọ daa sóghóló yọ múm sị tuminikiri sẹ mamgba pa ó die anị gbẹ́rẹ́ kálá sáá.

Fịrị Ḅara 1:2

akị muu ori iwóo sobie muu sáá láa. Na nnị ọ pa iwomagha sáá Tọ́ntọ́ Tẹ́mẹ́ ḅụ ḅọ́rọ́ ọ bịpị pa ọ sẹlẹakịapụ ma pịrịm ḅẹ nnị anịị ọrẹ nfịrịmaapụ.

Fịrị Ḅara 11:28

Nna ḅụ gbẹ́rẹ́ḅọ Agabọs pa sịḅọ saghị sẹ́m sị Tẹ́mẹ́ ma kụrọ ḅụ dugho pághámam tuminikiriapụ ḅụ kóró bẹ opu ḅuru ḅá. Mịma kiriakịm Klaudiosi sẹ táarị sáá.

Fịrị Ḅara 17:31

Tegó ọ sáá pẹ́lẹ́mam o tuminikiri sịbị gbọrụ ori ọ ḅara na sẹlẹakịḅọ ma pa ḅẹ́rẹ́kọ bẹnyẹ karakárá ḅụ. Ọ mịma diepágháma kị́nị́mamgba pịrịm ọ fịị ḅụ ọ saghịma ḅara.>>

Fịrị Ḅara 17:6

Kụ́ma nnị ine nna arịgha ḅara ma, nnị warị Jasọn na jẹ́ mininiapụ fọ́nọ́ mú ámá sịbịdaapụ ma tórúku kóróma, sị ilúghuu ḅẹẹ, <

Fịrị Ḅara 19:27

Mị́sa fịnị ḅáláfama nyẹ, anị diearị ḅẹ́ wa pa wa furo dọghụarị fịrị ma si ẹ́rẹ́ nyánábẹm. Anịma ngéréghaa, kụma jẹ́ ḅáláfama nyẹ anị ḅẹ́ Atemas opu oru warị ma ḅo ḅẹnyẹ ḅẹnyẹ ḅụ sọbịgha, árị opu sọ pápá gulugulubẹm, Esiya na tuminikiri gbọrụ tẹ́ghẹ̄arị oruu!>>

Fịrị Ḅara 20:25

<<Ọmịnị kị́nị́mamgba a bie ikelekelé Tamuno amadakiri oku ma dugho wásáma pịrịmáapụ mịnị jẹ́ pa i tórúku arịbịghaa.

Romapụ 10:18

Kuma a gbilam: Anị tụ́manyẹ ḅẹ́ nnị oku ma naagha? Karakárányẹ dugho ḅụ n nam: Nnị gịẹ kóróma ḅara Tọ́ndiri ma bie ḅẹ: <>

Kolosiapụ 1:23

Ọ ḅọ́rọ́ ọmịna minini ḅụ sẹ́kụrọ toruku mú, o gbisirigha ibi oku ma nyáná ọ pịrị tọ́rụ́ dighinyẹ ḅụ. Mịma anịị ọ náa ibi oku ma n dugho wásáma tuminikiri Tamuno tẹ́mẹ́apụ mamgba pịrịnyẹ anị ḅụ ḅọ́rọ́ ịrị, Pọl, ḅoo Tamuno fịrịnwangịḅọ sọm.

Kolosiapụ 1:6

ọ pịrịmaá ma nyẹ. Tuminikiri gbọrụ ḅụ mịị ibi oku ma anị mgbọ́lụ suarị pịghị sẹnịarị, anị pịghị mịẹarị ḅara ma ọmịna ogboku bie ọ sághị anị náa sa éné éné pịghị Tamuno tọ́rụ́kụrụkụ́rụ́ ma akanyaḅo anị karakárá mamgba ḅụ.

Hiburuapụ 1:6

Kụ́ma Tamuno ori tarị yii Tụwọ fịrịma tuminikiri ḅoo dọghụ sa, o dughom ḅẹẹ, <

Hiburuapụ 2:5

Tamuno náa sookumuapụ ma pa ḅoarị ịwọ tuminikiri ma taa ḅẹapụ mịẹgha, anịị wa ḅẹarị tuminikiri ma.

Puu Findi 14:6

Anịsáa a warị jẹ́ sookumuḅọ arịị ọ́gọ́nọ ju fiighiarịḅo ori gbámásó ibi oku ma dugho wásáma tuminikiri fịnịapụ ma pịrịarị o dugho sẹ gonyẹ́ gonyẹ́, túminị́ ọrụ ọrụ ọrụ, túminị́ ḅẹ́lẹ̄ kịrịkị́rị́ na túminị́ tọ́rụ́kịrịkị́rị́ pịrịarị.

Puu Findi 16:14

Nnị anịị ḅụ́gbérépuma fịrị nwángịarị ẹ́kpẹ́dua tẹ́mẹ́. Mị tẹ́rẹ́ a tẹ́mẹ́ ma tuminikiri ámányánáapụ mamgba damamum, sị n kobiri pa ọ́mụ́gbi ma pịrị kiriakị bẹnyẹ Kụrọmamgba Nyáná Tamuno ma opu éné.

Puu Findi 3:10

Ọmịnị a sua ọ pịrị ólóghó ma kokomam gosi sị ngịrịma nyáná, irịsọ pịghị ọ koko warịbẹm tuminikiri ḅoarị ḅụḅáláḅálá sáá ma ḅụ, ḅoo tuminikiri fịnịapụ ma daádighi bẹnyẹ.