Matiu 23:14 - Ibani New Testament

¹⁴ Anị opuma sii ọ pịrịbẹm, Ólóghó nyẹ́dieapụ na Farisiiapụ oḅori pa kịnịsịapụ! Ḅẹẹ ọ fúrú ḅara pa dee fịịmáa ẹ́rẹ́ámáapụ wárị akịm sị epele ḅara ḅụ nangwọ tẹ́ghẹ̄ kọọ, mịma gosi ọmịna tọ́rụ́siarị ma siḅabẹm.]

Matiu 23:14 Iomraidhean Croise

Matiu 11:24

Kụ́ma a dugho ọ pịrịm ḅẹ́ Tamuno tọ́rụ́kụrụkụrụụ́ nyáná Sodom pịrị ọ nẹ́ngịbẹm ḅẹ́rẹ́kọ éné ma ḅụ.>>

Matiu 23:13

<

Matiu 23:33

<<Ọmịnị ododó na pịghị sii ododó awọ! Ọ tọ́rọ pa kóróma ḅẹẹ ọmịnị ẹ́kpẹ́duaama ma bie ọ sọbịgha?

Ibi Oku Ma Mak Anị Gịẹ Ḅara 12:40

Nnị deefịị ẹ́rẹ́ inomam warị nna warị fúrú n ḅarabie, oḅori pa kị́nị́ si ḅụ nángwọ tẹ́ghẹ̄ kọọ. Nna gbẹfịnyẹ kị́nị́mamgba nyẹ nẹ́ngịbẹm!>>

Ibi Oku Ma Luk Anị Gịẹ Ḅara 12:48

Kụ́ma nimigha ómóniḅọ ḅẹẹ mịị ọ nyanaḅọ dọghụ nyẹẹ sị ọ mịẹ, sị pịghị fomu ḅara gbẹ́ẹnyẹ mịẹ ḅọ́ ma, nnị kálá ḅara pa ọ fomubẹm. Nnị opunyẹ pa pịrị ḅo gonyẹ́ gonyẹ́ nnị anịḅọ ḅara opunyẹ biibẹm; nnị pịghị mánámāná nyẹ pa pịrịḅọ gonyẹ́ gonyẹ́ nnị anịḅọ ḅara mánámāná nyẹ biibẹm.

Ibi Oku Ma Luk Anị Gịẹ Ḅara 20:47

Nnị deefịị ẹ́rẹ mbásịm sị nna warị daakị n ḅarabie, sị oḅori pa kị́nị́ sị, sị nángwọ tẹ́ghẹ̄ kọọ! Nna gbẹ́ẹfịnyẹ siḅaabẹm.>>

2 Timoti 3:6

Nna ḅụ jẹ́apụ epele ḅara pa túminị́ wárị sọsọm sị nna epele dienyẹ ma pa ḅẹrẹtọ amịna minini kụrọgha ẹ́rẹ́maawọ ma pụ́nụ́ma. Mịná ẹ́rẹ́ámáapụ ma anịị nna sii n tẹ́mẹ́bie ḅẹ́rẹ́si pa n pịrịapụ ofori ofori sị nyẹ pịghị pụghọ tarịarịapụ.

Taitọs 1:10

Ḅẹ́ tọghaapụ imi osigha nyáná kụrọnyanáapụ pịrịghaapụ, sị ofori ofori nyẹ dughoarịapụ pịghị mịẹsị jẹ́apụ n minini. Mịma anị jẹa Juuapụ Krais ḅụ ḅo mininimáapụ mịẹarịnyẹ.

Jems 3:1

Iyẹa mịnaapụ, ọmịna ḅụ tọghaapụ nyẹ́dieapụ sọ ma. O nimiḅara ma ḅẹ́, wamịnị nyẹ́dieapụ kụ́rọḅa ḅẹ́rẹ́kọ nyánábẹm.

2 Pita 2:14

Nnị ọ́rụ́ḅọ árị sa gonyẹ́ gonyẹ́ nnị ánáná gboloma dọ́ghụm, nna siiamịẹnyẹ pụghọ ma jẹ́ éné jẹ́ éné bibịẹgha, nnị ine ḅụ ọlọghaapụ daa mú diabie suaarị, nnị nna tẹ́mẹ́bie nnị n diemam ḅẹ́ nnị opu tọ́rụ́ nyánam. Tamuno si fị́lā nna sịbị ọgọnọ imim.

2 Pita 2:3

Nna opu pụghọ gosi, mị iruo nyẹ́dieapụ ma ọ ḅụ sọ́nyẹ mịẹbẹm n gba ọ pịrịbẹ ofori ofori lụghụ gosi. Ḅọlọmaa sa ḅụ, nna ḅẹ́rẹ́pẹ́lẹ́ tẹ́lẹ́ma wárịmam, n ḅa bẹḅọ ma so tọ́rụ́ findi fịnịarị.