Matiu 2:11 - Ibani New Testament

¹¹ Nnị ḅoo wárị ma láa sáá, n tụ́wọ ma arịm ori na o nyingi Meri, nnị warị ẹkpẹrẹkị sị susi ọ pịrịị. Anịsáa n warị nna ngọ akpa findi sị nyẹ́ die tụwọ ma pịrị, odoḅala, kụ́nụ́ Insẹnsị na maya.

Matiu 2:11 Iomraidhean Croise

Matiu 1:18

Mịị anị n ḅara warị Jizọs Krais yii ḅara: o nyingi Meri nnị a pa yaa minini Josẹf pịrịmam, kụ́ma na nnị mmẹapụ ḅoo gbolomagha sáá ḅụ, nnị ḅoo arịḅom ḅẹ́ Tọ́ntọ́ Tẹ́mẹ́ ma bie ḅọ́rọ́ a fúrámam.

Matiu 12:46

Jizọs pa ẹ́gẹ́rẹ́kọ túminị́ kpo ma pịrịarị sáá, o nyingi na ori amịna owiapụ nụ́ngọbie sẹm kúruarị nnị ẹ́gẹ́rẹ́ kọ ọ pịrịbẹ ḅara.

Matiu 14:33

Anịsáa, árụ́ ma bie fịnịapụ warị susi ọ pịrị dughoarị ḅẹẹ, <>

Matiu 2:10

Nnị ḅálōló ma árị sáá nnị opuma bieḅẹlẹm.

Matiu 2:2

sị gbíla, <<Ọ tẹ́ angaá imi n yii maá Juuapụ ámányánáḅọ ma? Wamịnị ori ḅálōló arịm ịrụa ma saghị saghị ngaa ma ḅụ, wa pịghị ḅomam sị wa susi ọ pịrịị.>>

Ibi Oku Ma Luk Anị Gịẹ Ḅara 2:16

Nnị warị álála mú sị ḅoo Meri na Josẹf árị pịghị nnị ịwọma yii tụwọ ma árị ọ ḅụlọlọ fịnịarị angaá Ánánáfịnyẹ suanyẹ ma bie.

Ibi Oku Ma Luk Anị Gịẹ Ḅara 2:38

Anị gbẹ́rẹ́ sáá ma anịị a ḅo láanyẹ sị ịmịẹḅam pa Tamuno ḅẹẹ sị tụ́wọ ma gbólómanyẹ dugho tọ́rụ́ pa dighiarịapụ pịrị, Tamuno Jerusalem dụaḅọ́rọ́ma bẹ sáá.

Ibi Oku Ma Jọn Anị Gịẹ Ḅara 19:39

Dii bie Jizọs dámámuu owitụ́wọ ma Nikodimọs Josẹf na múm. Nikodimọs pulo ákịm nnị maya na alos pa mịẹnyẹ sị nnị pa ori duakii, anị iku kilogramu sue inifindi.

Puu Findi 19:10

A ọ ḅụọ sughu sóórókórom ḅẹẹ a susi ọ pịrị, kụ́ma ori i ḅẹm, <<Ọkọ mịẹma! Irị fịrịnwangịḅọ, ịrị na jẹ́ mininiapụ ma fịnị ḅara, Jizọs diepágháma karakárá ma ọlọapụ. Susi Tamuno pịrị!>> Jizọs diepágháma karakárá ma anịị ịnyọ pa ikiakoroapụ ma pịrịarịnyẹ.

Puu Findi 5:8

Ori ọkọ mịẹ sa, dumafịnị ínia nyẹ ma na si ínia sẹ́nịapụ ma sóórókórom, Ánáná Tụwọ ma tórúku. Ọ́rụ́ḅọ ọ́rụ́ḅọ hapụ pa sị núme suu nyẹ na odoḅala bọlị ọlọm Insẹnsị bie bii nyẹ, mịma anịị Tamuno túminị́ ma tẹ́ghẹ̄.