Matiu 13:23 - Ibani New Testament

²³ Kụ́ma ibikiri ḅụ sóórókoro sịmgbọ́lụ ma anịị oku ma naapụ sị anị akanyaḅo: sịmgbọ́lụ sua, jẹa nyẹ sọ́nọ́ a si kiri, jẹa nyẹ tẹ́rẹ́ si kiri, jẹa nyẹ sue kiri.>>

Matiu 13:23 Iomraidhean Croise

Matiu 12:33

<

Matiu 13:8

Jẹa nyẹ pa ibikiri ḅụ sóóró kóróm, anị sọ́nọ́ a si kiri, tẹ́rẹ́ a si kiri anịgha sue kiri sua pághámaḅo ngaa n dipi nyẹ gonyẹ́ gonyẹ́ ḅụ.

Matiu 3:10

Ḅẹẹ mị́sa kumḅu ma nnị pá sị ma kune ḅụ wárịmam, ibi sịmgbọ́lụ suagha sịmgbọ́lụ gonyẹ́ gonyẹ́ nnị anị pẹlẹgbibẹm si anị gbi kọrịfịnị bie sua.

Matiu 3:8

Ọmịnị ibinyẹ mịẹ, diebẹnyẹ ḅẹ́ ọ sii ḅụ pịghịmam.

Ibi Oku Ma Mak Anị Gịẹ Ḅara 10:15

A karakárányẹ ma dugho ọ pịrịm, ḅẹ́ Tamuno Ásẹ́mẹ́kiri ma daákịghaḅọ kálátụwọ ḅara ine jẹ́ éné jẹ́ éné anị bie sọbịgha.>>

Ibi Oku Ma Mak Anị Gịẹ Ḅara 4:20

Kụ́ma jẹapụ fịnị ḅara anịị nnị ibikiri ḅụ dipi sịmgbọlụ. Nnị oku ma naam, anị daákịm warị mgbọ́lụ sua jẹa nyẹ sue, jẹa nyẹ tẹ́si, jẹa nyẹ sọ́nọ́ a si.>>

Ibi Oku Ma Luk Anị Gịẹ Ḅara 13:9

Anị ḅọ́rọ́ fịgị sịịmgbọlụ sua sua jẹ́ kụ́rá anịma kọkọ ibi bẹ, anị ine nyẹ suagha suagha i ine anị pẹ́lẹ́gbibẹm!> >>

Ibi Oku Ma Luk Anị Gịẹ Ḅara 8:15

Ibikiri ḅụ kóró sịmgbọlụ ma sẹ oku ma naapụ pịrịm sị ibi na pịghị bịpị osii tẹ́mẹ́bie pa anị kokom, anị warị ngịrịma nyáná wárii sị ḅo sịmgbọlụ suam.

Ibi Oku Ma Luk Anị Gịẹ Ḅara 8:8

Jẹa sịmgbọlụ warị ibikiri ḅụ sóórókoro. Anị warị sẹnị págháḅo sị sọ́nọ́ a si ḅara nẹ́ngị nyẹ pa sịmgbọlụ sua.>> Jizọs mịma dugho fama sa ọ warị ḅẹẹ: <>

Ibi Oku Ma Jọn Anị Gịẹ Ḅara 15:16

Ọ mịnị i sẹlẹakịgha, kụ́ma ịrị ọ sẹ́lẹ́akịm sị tọ́ọ ọ pịrị ḅẹ́ o muu sịịmgbọlụ sua, anịị fịnị bẹ sịịmgbọlụ. Anịsáa ọ Daḅọ ma ḅara binyẹ binyẹ gonyẹ́ gonyẹ́ iyẹ ẹrẹ ḅụ, ori anị pa ọ pịrịbẹm.

Ibi Oku Ma Jọn Anị Gịẹ Ḅara 8:47

Tamuno ju ḅọ ma, Tamuno dughonyẹ ma naánam. Ọmịnị Tamuno nyẹ́gha gosi anị o go ọ naagha nyẹ.>>

Fịrị Ḅara 16:14

Lidiya, Tiyatira ḅụ saghị ḅoḅọ anịị wa naáapụ ma ḅụ gbẹ́rẹ́ḅọ, opu igbii láa bịtẹ anịị a dẹrịarị nyẹ. Mịị ọ́rụ́ḅọ ma anịị susi Tamuno pịrịarị ọ́rụ́ḅọ, Kị́nị́nyánáḅọ warị a kúkúbie findi sị a birifama Pọl dugho pághámaarị oku ma pịrịm

Fịrị Ḅara 17:11

Mịnga fịnị túminị́ ma tẹ́mẹ́ sárásárá Tẹ́salonaika ḅụ fịnịapụ ma nẹngịm. Nnị birifama oku ma pughum éné gonyẹ́ gonyẹ́ ḅụ, nnị pịghị Tọ́ndiri ma dáwọm sị nimidọghu Pọl pa n dienyẹ́ ma ḅọ́rọ́ karakárá.

2 Kọrịntịapụ 9:10

Tamuno ori sịmgbọlụ pa dụadipiḅọ pịrịarịḅọ na pịghị fịtúrú pịrị fị́nyẹ ḅụ, pịghị pa ọ pịrịbẹm o bi sịmgbọlụ gonyẹ́ gonyẹ́, ọ mịẹbẹm anị sẹ́nị sị opuma nyẹsua ọ ḅara findi pịrịarị ḅara ma gosi.

Filipaiapụ 1:11

Anịsáa Jizọs Krais ngéré ine pághámaḅoarị karakárá ibiamịẹnyẹ ma anịị ọmịna duma bie bii fụ́fụ́ ḅẹnyẹ, mịma ọ́ pa Tamuno boma pịghị o túminị́.

Filipaiapụ 4:17

Ḅẹgha ḅẹ́ a diepịrịnyẹ daakị dọ́ghụm, tụ́ma túminị́ árị sị sọnyẹ sọ ọ pịrịbẹnyẹ.

Kolosiapụ 1:10

Wa mịị tẹ́ghẹ̄ ma kọọarị sị ọmịnị ine Kị́nị́nyánáḅọ bii ḅara pa duma kọọ, pịghị o bieḅẹlẹma asọ mamgba ḅụ: ọmịna duma pịghị mgbọ́lụ suarị ibifịrị gonyẹ́ gonyẹ́ ḅụ, pịghị sẹnịarị ọmịna Tamuno nimi ḅụ.

Kolosiapụ 1:6

ọ pịrịmaá ma nyẹ. Tuminikiri gbọrụ ḅụ mịị ibi oku ma anị mgbọ́lụ suarị pịghị sẹnịarị, anị pịghị mịẹarị ḅara ma ọmịna ogboku bie ọ sághị anị náa sa éné éné pịghị Tamuno tọ́rụ́kụrụkụ́rụ́ ma akanyaḅo anị karakárá mamgba ḅụ.

1 Tẹsalonaikaapụ 4:1

Kunemaá, wámịna Daa awọ, ọ wámịna ḅara dawọḅomam ọ duma kọọ bẹ ḅara sị anị Tamuno ḅụ ḅẹ́lẹ̄. Mị ḅara ma anịị o duma kọọarị ḅara. Mị́sa wamịnị ọ tẹ́ghẹ̄m opuma ḅẹ́ Kị́nị́nyánáḅọ Jizọs ẹrẹ ḅụ ọmịnị ibi mịma nẹ́ngị ḅara pa duma kọọ.

2 Tẹsalonaikaapụ 2:10

Pịghị tọ́rụ́kịrịkị́rị́ aka pa papa fịịfaa bẹapụ ti. Nnị papa fịị faabẹm tegó nnị karakárá ma ḅẹlẹmagha pịghị anị daakórómagha sị dụaḅọ́rọ́ma nyáná.

Hiburuapụ 4:2

Wamịnị ibi oku ma naamam, nnị sọ náaḅara. Nnị oku ma naam, kụ́ma anị pa nnị mịẹibi ofori, nnị anị náa sa nnị minini ḅụ ḅọ́rọ́ anị akịịghaa.

Hiburuapụ 6:7

Tamuno kiri ma boma bomam anị ḅụ koroarị iti ma menịarị nyẹ, pịghị mịẹsị dipinyẹ sẹnị págháḅo nyẹ dipiapụ pịrị.

Hiburuapụ 8:10

Kị́nị́nyánáḅọ ḅẹ́m ḅẹẹ mị́sa mị anị a Izirẹlịawọ na fị bẹ ọḅọọ, ḅoarị sáá, a ị́yẹ́ ólóghó pa nna kúkúbie suabẹm. A pịghị nna tẹ́mẹ́bie ḅụ gịẹ kórómabẹm. Ịrị nna Tamuno sọ́bẹm nnị pịghị ịyẹa túminị́ sọ́bẹm.

2 Pita 3:18

Kụ́ma ọ pa senị́ị́ Wányánáḅọ na wámịna Ḅọ́rọ́maḅọ Jizọs Krais tọ́rụ́kụrụkụ́rụ́ na ori níminyẹ ḅụ. Ipine fịnị ọ pịrị mị́sa akị mú ḅẹsá ḅẹsá la. Anị ọkọ fịnịị.

1 Jọn 5:20

Wa pịghị nimim ḅẹ́ Tamuno Tụwọ ma ḅomam sị akanyaḅo pa wa pịrịmam, si wa karakárá Tamuno ma nimi, wa karakárá Tamuno ma na gbẹ́rẹ́ḅụ ḅụ imii ọ Tụwọ Jizọs Krais ma na gbẹ́rẹ́ḅụ ḅụ imi. Mịị karakárá Tamuno ma, mịị pịghị duma gbámásó.