Matiu 13:19 - Ibani New Testament

¹⁹ Asọogbo sóórókoro sịmgbọ́lụ ma sẹ́pịrịnyẹ anịị ásẹ́mẹ́kiri ma ibi oku naapụ, kụma akanyaḅogha, sii tumḅọ ma warị ḅoo nna tẹ́mẹ́bie n dipi sịmgbọ́lụ ma pughọakị.

Matiu 13:19 Iomraidhean Croise

Matiu 12:26

Ḅọ́rọ́ Satanị, Satanị deesiarị ori ọḅụ die ogbo ogbo pịrịmam, ori ásẹ́mẹ́kiri tọ́rọ́ pa sẹ́ bẹ?

Matiu 13:20

Kpókpókiri ḅụ sóórókoro sịmgbọ́lụ ma anịị bieḅẹlẹ pa oku ma daakịapụ nnị anị náa gbẹ́rẹ́kirikiri.

Matiu 13:38

Duakiri ma anịị tuminikiri ma, ibi sịmgbọ́lụ ma anịị ásẹ́mẹ́kiri ma awọ, owi osuka ma anịị sii tumḅọ ma awọ,

Matiu 4:23

Jizọs Galili gbọrụ múm, nyẹ́diearị Juuapụ kobiri yọ yọ ḅụ, ásẹ́mẹ́kiri ma ibi oku ma dugho wásámaarị, tọ́rụ́kịrịkị́rị́ obi na ikúléapụ ma gwọọ túminị́ ma bie.

Matiu 5:37

Árị ḅẹ́ ị́yẹ́ innh, innh dighi ị́yẹ́ errnh errnh, errnh errnh mịma nẹ́ngịma nyẹ fịnịfịnị anịị anị ẹ́kpẹ́dua ma ḅara saghịḅom.

Ibi Oku Ma Mak Anị Gịẹ Ḅara 4:15

Jẹapụ fịnị ḅara anịị asọogbo sóórókoro sịmgbọlụ fịnị ḅara; nnị oku ma náa gbẹ́rẹ́kirikiri, Satanị ḅom sị anị saghị akị.

Ibi Oku Ma Luk Anị Gịẹ Ḅara 10:9

Anị ámá bie fịnị obiapụ gwọọ, dugho anị ngaa fịnịapụ ma pịrị ḅẹẹ,

Ibi Oku Ma Luk Anị Gịẹ Ḅara 9:2

Ọ warị n fịrịma ḅẹẹ, n muu Tamuno Ásẹ́mẹ́kiri ma gbólómanyẹ dugho wásámáa, sị pịghị obiapụ gwọọ.

Ibi Oku Ma Jọn Anị Gịẹ Ḅara 18:38

Paileti gbilam, <> Ọ mịma dugho fama sáá ọ sima pághá si muu Juuapụ ma ḅẹm, <

Ibi Oku Ma Jọn Anị Gịẹ Ḅara 8:43

O tẹ́ go a dughoarị nyẹ ma akanyaḅogha anịị ọmịnị ine a dughoarị nyẹ naagha gosi.

Fịrị Ḅara 17:32

Nnị náa sáá Pọl fịị ḅụ saghị gbólómanyẹ dugho sáá jẹapụ ọ kpọtim, kụ́ma jẹapụ ḅẹ́ẹ́m ḅẹẹ, <>

Fịrị Ḅara 18:15

Kụ́ma, mị́sa, anị ḅo nụnanyẹ sọmaá ḅara ẹ́gẹ́rẹ́ ḅụ, ẹ́rẹ́ ḅụ, na pịghị ọmịnị ólóghó, ọmịnị ọ ḅara na anị tẹ́lẹ́ma, a ọkọfịnịnyẹ ḅụ ḅẹ́rẹ́kọḅọ sọbịgha!>>

Fịrị Ḅara 20:25

<<Ọmịnị kị́nị́mamgba a bie ikelekelé Tamuno amadakiri oku ma dugho wásáma pịrịmáapụ mịnị jẹ́ pa i tórúku arịbịghaa.

Fịrị Ḅara 28:23

Nnị warị pịghị éné pẹ́lẹ́ ọ pịrị, nnị pẹ́lẹ́ éné ma ḅụ n pịghị ibiḅara pa ḅom ọ fịnịngaa ma ḅụ sị dedebie akị mú ḅupiri láa, ọ sanguma so amadakiri ẹ́gẹ́rẹ́ ma dughofindi n pịrịm, ọ pịghị asọ dọ́ghụm nnị Jizọs gbolomanyẹ akanyaḅo o Mosis ólóghó diri ma na ikiakoroapụ ma gịẹnyẹ goo n pịrị ḅara.

Romapụ 1:28

Mịná túminị́ ma Tamuno gboloma sị tumḅọ ine nimibẹnyẹ, nnị anị sịghịm gosi nna kóróma ḅụ, Tamuno nna ḅụ ḅárási mịnị tụghụgha kóróma pịrịmam, na nnị mịẹna ibighaa nyẹ ma mịẹ.

Romapụ 14:17

Tamuno ma kọnsịn ma fị na ḅụ na ḅụghaa, kụ́ma karakárá ibiamịẹnyẹ ḅụ, diin ḅụ, na bieḅẹlẹ ḅụ Tọ́ntọ́ Tẹ́mẹ́ ma pịrịarịnyẹ.

Romapụ 2:8

Kụ́ma nna ḅụ nna ḅụ balaarịapụ sị karakáráma sịghị sị nnị ine irima nyẹ ma mịẹbẹ ḅara, anịapụ ma Tamuno n dighi iganịbẹm sị nna sịbị ḅẹ́rẹ́kọ.

Ẹ́fịsọsapụ 3:8

Tamuno tọ́ntọ́apụ mamgba ḅụ irịị ịrụ́ḅam, anịsọ Tamuno pa mị opuma nyẹ́la fịrị ma pa i pịrịm ḅẹ́ a muu dugho wásáma Juughaapụ ma pịrị Krais ḅụ fịnị sị tumḅọ ine dọghụpágháma ḅofámábịghaa ngọ,

2 Tẹsalonaikaapụ 2:12

Tamuno mịma mịẹm sị náa karakáráma mininighaapụ, kụ́ma siiamịẹnyẹ ḅẹlẹma, Tamuno ḅẹ́rẹ́si pa n pịrịbẹm.

Hiburuapụ 2:1

Mịma go anị wa go ibiḅara pa wa namaa ẹ́gẹ́rẹ́ ma ọlọ bẹnyẹ, sị wa ḅụọ gbisiribịgha ḅara.

1 Jọn 3:12

Wa Keni fịnị ḅára fịnịbịgha; ori sii tumḅọ ma nyẹẹ, ori o numboru Ebẹl fomḅam. O tegó o fomḅáa? Tegó ori amịẹnyẹ karakáragha gosi kụ́ma o numboru owitụ́wọ mịẹnyẹ karakáram.

1 Jọn 5:18

Wa nimim ḅẹ́ Tamuno Tụwọ sọmaaḅọ gonyẹ́ gonyẹ́ sámámgba siinyẹ mịẹ mịẹbịgha, Tamuno Tụwọ ma n kokowarịarị, sii tumḅọ ma sọ ine nyẹ pa n lámábịgha.

1 Jọn 5:20

Wa pịghị nimim ḅẹ́ Tamuno Tụwọ ma ḅomam sị akanyaḅo pa wa pịrịmam, si wa karakárá Tamuno ma nimi, wa karakárá Tamuno ma na gbẹ́rẹ́ḅụ ḅụ imii ọ Tụwọ Jizọs Krais ma na gbẹ́rẹ́ḅụ ḅụ imi. Mịị karakárá Tamuno ma, mịị pịghị duma gbámásó.