Matiu 11:22 - Ibani New Testament

²² Ḅẹẹ a dugho ọ pịrịm Tamuno tọ́rụ́kụrụkụ́rụ́ nyáná Taya na Sidọn pịrị ọ nẹ́ngịbẹm ḅẹ́rẹ́kọ éné ma ḅụ.

Matiu 11:22 Iomraidhean Croise

Matiu 10:15

A karakárányẹ ma dugho ọ pịrịm ḅẹ́ ḅẹ́rẹ́kọ éné ma ḅụ Tamuno tọ́rụ́kụrụkụ́rụ́ nyáná Sodom na Gomora amaapụ pịrị mịná amaapụ ma nẹ́ngịbẹm.

Matiu 11:21

Jizọs warị ḅẹ́, <

Matiu 11:24

Kụ́ma a dugho ọ pịrịm ḅẹ́ Tamuno tọ́rụ́kụrụkụrụụ́ nyáná Sodom pịrị ọ nẹ́ngịbẹm ḅẹ́rẹ́kọ éné ma ḅụ.>>

Matiu 12:36

Kuma a dugho ọ pịrịm ḅẹẹ ḅẹ́rẹ́kọ éné túminị́ dughobẹm nnị nwangikọ ḅara, n papa kọọ ẹ́gẹ́rẹ́ gonyẹ́ gonyẹ́ ḅụ.

Ibi Oku Ma Luk Anị Gịẹ Ḅara 10:14

Tamuno ḅẹ́rẹ́kọ éné ma ḅụ ọmịna tọ́rụ́siarị Taya na Sidọn nganyẹ nẹ́ngịbẹm.

Hiburuapụ 2:3

Anịsa, wa tọ́rọ́ pa fomḅarabie wa ḅụ ḅọ́rọ́ma ḅẹ́, ḅọ́rọ́ wamịnị mịị opu dụaḅọ́rọ́ma ma dighi tọ́rụ́sim? Wámịna Nyánáḅọ Jizọs anịị parị mịị oku ma dugho págháma ḅọ, ọ bịpị anị naapụ onyẹ́sẹ wa pịrịm ḅẹ́ oku ma karakárányẹ.

2 Pita 2:9

Mịnanyẹ mamgba diearị ḅẹ́ Kị́nị́nyánáḅọ ma so nimim ọ Tamuno dighi ḅáláfaapụ ma duaḅọ́rọ́maarị ḅara nna daádighi ḅụ, sị pịghị sii túminị́ ma pa tọ́rụ́siarị ḅụ kóróma ḅẹ́rẹ́kọọ éné la.

2 Pita 3:7

Kụ́ma mị́sa fịnị so ma na kiri ma, gbẹ́rẹ́ Tamuno ẹ́gẹ́rẹ́ ma anịị nnị pa anị ọlọ warị anị dọ́ghụ́ma bẹ fịnị pịrịnyẹ. Nnị nnị pa ḅẹ́rẹ́kọọ éné ma kuruarị, nnị Tamuno nímighaapụ ma sịbị ḅẹ́rẹ́kọ si pịghị n guluguluma.

1 Jọn 4:17

Mịị ḅara ma, ḅẹlẹma anị ḅụ mịẹ kpainmamam wámịna bie, wa pịghị ine tẹ́mẹ́kụ́rọ nyánábẹm ḅẹ́rẹ́kọ éné ma, tegó mị tuminikiri ma ḅụ, ọ fịnị ḅára anịị wa fịnị ḅara.

Puu Findi 20:11

Anịsáa a ḅoo opuma dụḅa pị́na imine arịm na pịghị anị ọ́gọ́nọ kpọrọfị́nị́ḅọ. Tuminikiri na so na mangịm ọ fịnị angaá n pịghị mịnị jẹ́ pa fịnịngaa nyanagha.

Puu Findi 20:12

A pịghị fịịapụ ma arịm, duḅaapụ na káláapụ na sẹ́fịnịarị imine ma tórúku. Nnị tọgha diri findim anịsáa n pịghị jẹ́ diri findim, duma diri. Fịịapụ ma nnị n sịbị ḅẹ́rẹ́kọm n mịẹmáa nyẹ ḅụ ḅọ́rọ́ diri mamgbabie n gịẹ kóróma ḅara.