Ibi Oku Ma Luk Anị Gịẹ Ḅara 8:43 - Ibani New Testament

⁴³ Nna bie gbẹ́rẹ́ ọ́rụ́ḅọ imi ḅọ́rọ́maa oyi mmẹẹ́ a kụ́rá ḅụ, ḅoo anịsáa ma la, ọmbịnyẹ́ opuma a ḅụ págháarị. Árị nyánányẹ mamgba a famamam bịrịapụ ḅarabie, kụ́ma gbẹ́rẹ́ḅọ so ine a gwọgha.

Ibi Oku Ma Luk Anị Gịẹ Ḅara 8:43 Iomraidhean Croise

Ibi Oku Ma Mak Anị Gịẹ Ḅara 12:44

Ḅẹẹ, isiapụ suam nna nyánányẹ ḅụ kọọ nyẹ; kụ́ma árị, árị ịgónyí láa ḅara ḅụ, a nyánányẹ mamgba anị a pịrịnyẹ. A fị sị pa duma bẹnyẹ mamgba anịị a pa pịrịnyẹ.>>

Ibi Oku Ma Mak Anị Gịẹ Ḅara 9:18

Sitẹ́mẹ́ ma okusáa okusáa anị ọ pa kiri gbigbim ọ́ kọ́kọ́ warị saghị ọ bịpị dari, ọ pịghị saghị aka túrú, ori oju gbọrụ warị ḅo kụ́rọ gịgị. A ị́yẹ́ ọḅụduaapụ ḅẹm ḅẹẹ, nnị sitẹ́mẹ́ ma deesi, kụ́ma nnị inegha.>>

Ibi Oku Ma Luk Anị Gịẹ Ḅara 13:11

gbẹ́rẹ́ ọ́rụ́ḅọ imi sitẹ́mẹ́ ḅụḅáláḅálá pa pị́rị́máaḅọ mị mmẹẹ́ faá sị kụ́rá ḅụ, anị mịẹmam sị árị ikoo sị ine tụ́ghụ́ sẹgha.

Ibi Oku Ma Luk Anị Gịẹ Ḅara 13:16

Mị́sa, mịị Ebraham furo tụwọ ẹ́kpẹ́dua mị mmẹẹ́ faá si kụ́rá ḅụ pa ịkóli bie suamaa ḅo, a tẹ́ go a pághámá ḅobịgha Ịnyọ́sárá Éné ma ḅụ?>>

Ibi Oku Ma Luk Anị Gịẹ Ḅara 8:27

Jizọs árụ́ ma bie koro ḅo sáá, gbẹ́rẹ́ owitụ́wọ ámá ma bie ḅo ori na donam, sitẹ́mẹ́ ḅụ fịnịḅọ, mị owitụ́wọ ma ḅọlọmaa sa mịnị bịtẹ sua suagha, ọ pịghị wárị fịnịbịgha, kụ́ma dupu yọ ḅụ anịị ọ fịnịarị nyẹ.

Ibi Oku Ma Luk Anị Gịẹ Ḅara 8:42

ḅẹ́ ori Kpọ́kpọ́ ọ́rụ́ḅọ tụwọ oyi mmẹẹ́ a kụ́rá findi lámaaḅọ fịịarị. Jizọs pa múuarị sa tọgha túminị́ warị o gbiriikélékélé ngámámgba ḅụ.

Ibi Oku Ma Luk Anị Gịẹ Ḅara 8:44

A warị túminị́ kpo ma ogbobie ḅọ́rọ́ mú Jizọs ọḅụju ḅara pa ọ suabịtẹ bịpị lama, anị gbẹ́rẹ́kirikiri ọmbịnyẹ́ ma sẹm mịnị saragha.

Ibi Oku Ma Jọn Anị Gịẹ Ḅara 9:1

Jizọs nwángịma muarị sáá, ọ gbẹ́rẹ́ owitụ́wọ arịm tọ́rụ́pụụḅọ nnị oyi sáá éné éné.

Ibi Oku Ma Jọn Anị Gịẹ Ḅara 9:21

Kụ́ma ọ ḅara warị mị́sa nyẹ árị ḅara anịgha ọ tọ́rụ findi ḅọ, wa nimigha o gbíla. Ori owitụ́wọ lámam; ori ọ bịpị na pághárabẹm.>>

Fịrị Ḅara 3:2

Anị ngaa Fíafía opu ḅụ́pọ́ ma ḅụ, nnị anị sị sị ḅara, gbẹ́rẹ́ owitụ́wọ imii ikúléḅọ saghị nnị oyi sa ene ene. Éné gbọ́rụ́ gbọ́rụ́ nnị o dighi anị ngaa mú muum sị o mú nyẹ́bi Tamunoopuwarị ma muarịapụ ḅara.

Fịrị Ḅara 4:22

Nnị ḅụ mịị ḅụ́gbérépuma fịrịma nwángịḅọ ma ọ kụ́rá a mmẹẹ́ si ḅọ́rọ́mam.