Ibi Oku Ma Luk Anị Gịẹ Ḅara 8:13 - Ibani New Testament

¹³ Dapịrị kiri ḅụ sóórókoro sịmgbọlụ ma sẹ oku ma naapụ ma pịrịm, bieḅẹlẹ ḅara pa anị akị kụ́ma anị kune nyanagha go, nna minini fịnị ḅọlọgha, kụ́ma daádighi ḅọ sáá n bịghị korom.

Ibi Oku Ma Luk Anị Gịẹ Ḅara 8:13 Iomraidhean Croise

Ibi Oku Ma Mak Anị Gịẹ Ḅara 6:20

Hẹrọd Jọn dighi ḅáláfaarị tegó, o nimim ḅẹ́ Jọn ibi tumḅọ pịghị tọ́ntọ́ tumḅọ anịgosi ori ibima o koko wárim. Sáá mamgba ori ọ náa dọghụ dọ́ghụm, tụ́manyẹ ḅẹ́, ori ọ náa sáá gonyẹ́ gonyẹ́ ọ tẹ́mẹ́bie opuma ḅụḅáláḅálá pa ọ pịrịpịrịm.

Ibi Oku Ma Luk Anị Gịẹ Ḅara 8:12

Asọogbo sóórókoro mgbọ́lụ ma, sẹ Tamuno ẹ́gẹ́rẹ́ ma naapụ pịrịm, kụ́ma ẹ́kpẹ́dua ḅo ḅom sị n náa oku ma sịakịm nna tẹ́mẹ́bie, n mininibịgha ḅara sị ḅọ́rọ́ma nyáná.

Ibi Oku Ma Luk Anị Gịẹ Ḅara 8:14

Nangi ḅụ sóórókoro sịmgbọlụ ma sẹ oku ma naáapụ pịrịm, kụ́ma tuminikiri ḅụḅáláḅálá, ngọ na tuminikiri ḅẹ́lẹ̄, ẹ́gẹ́rẹ ma kpepumam anịgo nna ẹ́gẹ́rẹ sẹnị sị kpọgha.

Ibi Oku Ma Jọn Anị Gịẹ Ḅara 15:2

Ịḅụ fịnị sịịmgbọ́lụ suagha sị ḅara gonyẹ́ gonyẹ́ ori anị pẹlẹsibẹm, sịịmgbọlụ sua sị ḅara gonyẹ́ gonyẹ́ ori anị pẹlẹ gbulumabẹm sị anị jẹ́ jẹ́ mgbọ́lụ sua bẹ ḅara.

Ibi Oku Ma Jọn Anị Gịẹ Ḅara 15:6

Iḅụbie fịnịgha ḅọ gonyẹ́ gonyẹ́, nḅọ fịnị ḅara anịị n gbii ḅuuma sị saghị sámụ́nọ́arị sị ḅara; ọkọfịnị sị ḅara n saghị fịnịbie gbi sua sị anị dọ́ghụm.

Ibi Oku Ma Jọn Anị Gịẹ Ḅara 5:35

Jọn ori anịị kọrị sị pịghị biarị tọndọ ma, ọ pịghị dọghụarị ḅẹ́ kálá sáá tụwọ ḅụ ọmịnị tọndọ ma ḅẹlẹ fị́ị.

1 Kọrịntịapụ 13:2

A ine ikiakoro dienyẹ ma nyánábẹm, a ine akanyaḅo nyánábẹm, sị ḅọghunyẹ gonyẹ́ gonyẹ́ akanyaḅo; a ine minini mamgba nyánábẹm a pa ine opu tụ́ndụ́ sumasi bẹnyẹ, kụ́ma a ḅẹlẹma nyanagha nyanagha, ịrị papanyẹ.

1 Kọrịntịapụ 15:2

Mịị ibi oku ma ḅụ ḅọ́rọ́ ọ dụaḅọ́rọ́ma nyánam, ọ ḅọ́rọ́ a dugho wásáma ọ pịrị ẹ́gẹ́rẹ́ ma ọ́lọ́ kụ́rọ́ma kụ́rọ́maá. Ọkọgha nḅẹḅẹ́, ọ pápá mininimam.

Galesiaapụ 3:1

Ọmịnị oḅorisọ Galesiaapụ, tụọ diri pa ọ mịẹ? Ọmịna tórúku, anị ọ ḅụ koro ḅẹ́ ḅara, n dugho ọ pịrịm Jizọs Krais ḅara warị fịị ḅara mgbẹsẹ sị́ ọgọnọ.

Galesiaapụ 3:4

Ọmịnị árị tọ́rụ́siarị mamgba ḅụ, ọ dawọḅo nyẹ ofori? Ọkọfịnị nyẹ ofori, ọ nyẹ dawọḅom.

Ẹ́fịsọsapụ 3:17

A pịghị tẹ́ghẹ̄arị ḅẹ́ minini ḅụ ḅọ́rọ́ Krais ọmịna tẹ́mẹ́bie ngábẹm sámámgba. A pa tẹ́ghẹ̄arị ḅẹ́ ọmiẹ bẹnyẹ gonyẹ́ gonyẹ́ ọ ḅẹlẹma ḅụ ḅọ́rọ́ anị mịẹ,

Kolosiapụ 1:23

Ọ ḅọ́rọ́ ọmịna minini ḅụ sẹ́kụrọ toruku mú, o gbisirigha ibi oku ma nyáná ọ pịrị tọ́rụ́ dighinyẹ ḅụ. Mịma anịị ọ náa ibi oku ma n dugho wásáma tuminikiri Tamuno tẹ́mẹ́apụ mamgba pịrịnyẹ anị ḅụ ḅọ́rọ́ ịrị, Pọl, ḅoo Tamuno fịrịnwangịḅọ sọm.

Kolosiapụ 2:7

Ọmịna kune ọ ḅụ sọtẹ́lẹ́máa, ọmịnị ọ ḅụ duma kọọ, sị sẹ kụ́rọ tẹ́lẹ́ma ọmịna minini ḅụ, nnị anị pa ọ die ḅárá. Si bieḅẹlẹ imiẹḅa ọmịna bie bii fụ́fụ́.

1 Tẹsalonaikaapụ 3:5

Anịị a go Timoti fịrịma nyẹ. A mịnị ine anị dagha sáá, a ọ fịrịmam ḅẹ́ o ḅo ọmịna minini gbolomanyẹ dọghụpágháma ḅoo. A ine ịḅụ ọlọgha, ḅụḅáláḅálá pa i tẹmẹ pịrịgha pa ḅẹ́ ẹ́kpẹ́dua ma ọ daádighim si wámịna fịrị mamgba sọ ḅo papanyẹ soarị.

1 Timoti 1:19

Pịghị ị́yẹ́ minini ọlọsẹma pịghị fíafía tẹ́mẹ́bie warị, jẹ́apụ jẹ́ sa nna tẹ́mẹ́bie pughugha anịgosi nnị nna minini gulugulumamam.

Hiburuapụ 10:39

Wamịnị pịghị ọḅụdada sị mú faá bẹ apụgha, tụ́ma wa minini nyánam si dụaḅọ́rọ́ma nyánáḅoo.

Jems 2:26

Anịgo tẹ́mẹ́ nyanagha ojumẹnị fịịmaá ḅara anị mịẹnyẹ nyanagha minini fịịmaá ḅara.

2 Pita 2:20

Ḅọ́rọ́ wámịna Dụaḅọ́rọ́maḅọ Jizọs Krais nimi ḅụ ḅọ́rọ́, túminị́ pịonị pághámam tuminikiri kị́nị́ pilemaarị nyẹ ma ḅárabie, mịná kụ́rọ ma sima n kuu pịghị n sọ́ḅa sọ́ḅa, anịapụ ma fịnị ḅára kunema siḅaá, nna fịnị ḅára nẹ́ngịbẹm parị sa.

2 Pita 2:22

Nna ḅụ pághányẹ dughoarị ḅẹ́ kaḅụ ma karakárányẹ: <> pịghị jẹ́, <>

1 Jọn 2:19

Mịnaapụ ma wámịna mịẹgbólóma kubiri ogboapugha, anị n go wa wáriso nyẹ; ḅọ́rọ́ nnị wámịna mịẹ gbolomaa kubiri ogboapụ, nnị wamịnị na fịnị dọghụbẹm. Kụ́ma nnị sọm kị́nị́mamgba árị bẹ ḅara ḅẹ́ karakáráma nnị wámịna ḅụ gbẹ́rẹ́apụgha.

Judu 1:12

Mịnaapụ ma fịnị ḅara sọ́ḅọ́rọ́ kpọ koro sị ọ pilemaarị ịlọ́lị ọ sọsị kubiri ogbo fị́nyẹ ma fịị gbólomaarị sáá. Nna ḅụ ngéré siḅearị ánáná siḅeapụ. Nnị anịị fọ́rụ dighiákị nwángịarị oḅuto kụ́ma iti kórómagha. Nnị fịnị ḅara anịị anịsáa ḅụ sọ ine sịmgbọlụ suagha sị, n kune ḅụ saghị sughu pághámaḅo sịmgbọlụ fịịfamamaa nyẹ fịnị ḅara anịị n fịnị ḅara.