Ibi Oku Ma Luk Anị Gịẹ Ḅara 21:19 - Ibani New Testament

¹⁹ Sẹ́ kụ́rọ, anịsáa ị ịḅụ duaḅọ́rọ́mabẹm.

Ibi Oku Ma Luk Anị Gịẹ Ḅara 21:19 Iomraidhean Croise

Matiu 10:22

Túminị́ mamgba tarịgha ḅụ ọmịnị na fịnịbẹm i sịbị go, kụ́ma sẹ kụ́rọ muu kunema láa ḅo dụaḅọ́rọ́ma nyánábẹm.

Matiu 24:13

Kụ́ma sẹ kụrọ muu kunema láa ḅo dụaḅọ́rọ́ma nyánábẹm.

Ibi Oku Ma Luk Anị Gịẹ Ḅara 8:15

Ibikiri ḅụ kóró sịmgbọlụ ma sẹ oku ma naapụ pịrịm sị ibi na pịghị bịpị osii tẹ́mẹ́bie pa anị kokom, anị warị ngịrịma nyáná wárii sị ḅo sịmgbọlụ suam.

Romapụ 15:4

Ḅọ́rọ́maa sa n gịẹnyẹ ma gonyẹ́ gonyẹ́, n gịẹm pa nyẹ pa wa die bẹ ḅara, sị wamịnị tọ́ndiri ma bie saghị ḅo inema na tẹ́mẹ́kụ́rọ, wamịnị ine tọ́rụ́ dighinyẹ nyáná bẹ ḅara.

Romapụ 2:7

Jẹ́apụ ibinyẹ mịẹmịẹ tórúku mú ḅụ boma na kuu na gbámásó duma bim, nnị ma Tamuno duma gbámásó pa n pịrịbẹm.

Romapụ 5:3

Anị ḅara ma ngéréghaa kụ́ma wa pịghị dụrụkụ tọ́rụ́siarị pịrịm, tegó wa nimim ḅẹ́ tọ́rụ́siarị mịẹm tumḅọ ngịrịma nyáná,

Romapụ 5:4

ingịrịma mịẹm tumḅọ Tamuno ḅara pụ́nụ́ pịrịnyẹ mịẹḅara nyáná, Tamuno ḅara pụnụ pịrịnyẹ mịẹḅara tọ́rụ́ dighinyẹ akuom.

Romapụ 8:25

Kụ́ma ḅọ́rọ́ wa tọ́rụdighinyẹ nyáná wamịnị arịgha nyẹ ḅụ, wa ingịrịma nyáná sị anị kurubẹm.

1 Tẹsalonaikaapụ 1:3

Wa tẹ́ghẹ̄ Tamuno Daḅọ ma pịrị sa gonyẹ́ gonyẹ́, wamịnị ọ pa biekórómáarị pịghị dugho ọmịnị ọmịna míníni pa fịrị ḅụ sua ḅara. Ọmịna ḅẹlẹma mịẹsị ọmịnị ibima fịrịnwangị ḅara. Na pịghị ọmịna tọ́rụ́dighi Wányánáḅọ Jizọs Krais ḅụ kụ́rọ sẹ ḅara.

2 Tẹsalonaikaapụ 3:5

Kị́nị́nyánáḅọ o daa mú sị ọmịnị dụḅaḅá ḅara pa Tamuno ḅẹlẹma akanyaḅo na pịghị Krais pịrịarị ngịrịma.

Hiburuapụ 10:36

Í ingịrịma nyáná na ibim, si ị ine Tamuno tọ́nyẹ mịẹbẹ ḅara, si o minini nyẹ mamgba nyánáḅoo.

Hiburuapụ 6:11

Wamịnị opuma biarị nyẹ anịị ḅẹẹ ọmịnị ọmịna tẹ́mẹ́bie o binyẹ ma ọmịnị anị ḅụ sẹ́ mú kunema la si ọmịna tọ́rụ́ dighinyẹ ma ḅo karakárá nyẹ́sọ́beḅara.

Hiburuapụ 6:15

Ebraham inema nyanam anịgosi ori ine Tamuno minini o pịrịnyẹ ma nyánaḅom.

Jems 1:3

Ọmịna míníni ine mị daádighi ma sọ́ḅa sa ọ nimim ḅẹ́ ọmịnị ngịrịma nyánámam.

Jems 1:4

Ọmịnị árị ḅẹ́ ọmịna ngịrịma ọ dighi mú kunema lam, si, nyẹ gonyẹ́ gonyẹ́ ḅụ ọ́ káarábẹḅara, ibima sẹ, pịghị gbẹ́rẹ́nyẹ sọ bibịẹgha ḅara.

2 Pita 1:6

Ọmịna níminyẹ ḅụ, ḅụ ọlọ pa anị ḅụ sua, ḅụ ọlọ ḅụ ingịrịma pa anị ḅụ sua, ingịrịma ḅụ Tamuno dighi ḅáláfaa pa anị ḅụ sua.

Puu Findi 1:9

Irị anịị Jọn, ọmịna mịnaḅọ owitụ́wọ, pịghị Jizọs duaarị gbẹ́rẹ́ḅọ irị ọ́ḅụ gbẹ́rẹ́ḅọ ngịrịma pa ori ásẹ́mẹ́kiriapụ laarị tọ́rụ́siarị ma arịarịḅọ. Nnị i pa Patmọs ogbosúányẹ ḅụ kórómam a Tamuno ẹ́gẹ́rẹ́ ma dugho wásámam na pịghị Jizọs diepágháma karakárá gosi.

Puu Findi 13:10

<>

Puu Findi 14:12

Mịma biiarị ḅẹ́, Tamuno túminị́ inema nyánáa anịị Tamuno ologho ma kokoarịapụ na pịghị sẹ́kụrọ Jizọs pịrịapụ.

Puu Findi 3:10

Ọmịnị a sua ọ pịrị ólóghó ma kokomam gosi sị ngịrịma nyáná, irịsọ pịghị ọ koko warịbẹm tuminikiri ḅoarị ḅụḅáláḅálá sáá ma ḅụ, ḅoo tuminikiri fịnịapụ ma daádighi bẹnyẹ.