Ibi Oku Ma Luk Anị Gịẹ Ḅara 11:34 - Ibani New Testament

³⁴ Ọmịna tọ́rụ́ anịị ọmịna oju ma tọndọ, ị tọ́rụ ḅuruḅurugha nḅẹḅẹ́ ị́yẹ́ oju gbọrụ baá anị ḅụ bim, kụ́ma, ḅọ́rọ́ ị tọ́rụ́ ḅuruḅuru nḅẹḅẹ́ ị́yẹ́ oju gbọ́rụ́ kánákáná ḅụ fịnịbẹm.

Ibi Oku Ma Luk Anị Gịẹ Ḅara 11:34 Iomraidhean Croise

Ibi Oku Ma Mak Anị Gịẹ Ḅara 4:12

Anịgosi, << >>

Ibi Oku Ma Mak Anị Gịẹ Ḅara 7:22

amadọghụ, oputọrụ na pịghị tọ́rụ́kịrịkị́rị́ siinyẹ mịẹ, oḅori pa kị́nị́ sị, ịlọ́lị nyẹ mịẹ, jụghọ nyẹ mọnị kị́nị́ dughosima, opuamịẹnyẹ, na oḅorịsọọ,

Ibi Oku Ma Mak Anị Gịẹ Ḅara 8:18

Ọ tọ́rụ́ nyánam, ọmịnị ine nyẹ arịgha? O biri nyánam, ọmịnị ine nyẹ naagha? Ọ pịghị nyẹ pa biekórómaḅogha.

Ibi Oku Ma Luk Anị Gịẹ Ḅara 11:35

Árị ḅẹẹ ị́yẹ́ oju fịnị baá ma kánákáná sọgha.

Fịrị Ḅara 13:11

Kị́nị́nyánáḅọ ḅara ịḅụ kóróbẹm mị́sa, ị tọ́rụ pụụbẹm ị mịnị pịghị ịrụa baá ma arịbịgha mị kálá sáá tụwọ.>> Anị gbẹ́rẹ́kiri itita na kánákáná ọ tọ́rụ́ ma gbẹm, ọ warị saghị ikelekelé kị́nị́ dọghụarị ḅara ḅụ ori ọlọọ bẹḅọ.

Fịrị Ḅara 2:46

Éné éné bie anịị nnị donaarị nyẹ ogboapụ ḅara Tamuoopuwarị ma bie, nnị pịghị nna fị́nyẹ fị gbólómam jụghọ jụghọ wárịbie bieḅẹlẹ kúkúbie na ḅụ siminima nna ḅụ,

Fịrị Ḅara 26:18

Ịrị nna tọ́rụ findibẹm sị pịghị kánákánábie nna akuoo ḅo baá bie soo, pịghị Satanị kụrọ bie nna akuoo ḅo Tamuno bie sua, sị nnị siiḅụḅarasipịrị nyáná bẹ ḅara, sị nnị ịḅụ nyáná minini ḅụ ḅọ́rọ́, sị pịghị nna kiri nyáná Tamuno sẹlẹakịapụ ma ogbobie.>

2 Kọrịntịapụ 1:12

Wa bịpịkpọm ḅẹẹ wámịna tẹ́mẹ́bie kụ́rọ kúkúbie pa wa pịrịm ḅẹẹ wámịna duma mị tuminikiri wa pịghị ibima ó nana nyáná gboloma mịẹnyẹ ma, ọ́ Tamuno ḅara sághị ḅo karakárá, na gbụ́nụ́nụ́ na Tamuno tọ́rụ́kụrụkụ́rụ́ kụ́rọ ḅụ ḅọ́rọ́ tumḅọ nyẹ́nimi ḅụ ḅọ́rọ́gha pa.

2 Kọrịntịapụ 11:3

A ḅáláfa nyánam, ḅẹ́ ododó ma aka ḅara pa oḅori pa Ivu sị ḅara ọmịna kóróma gbisiribẹm ọmịna Krais ḅẹlẹma na pịghị ọmịnị ọ tẹ́ghẹ̄arị ḅara ḅụ.

2 Kọrịntịapụ 4:4

Mịị tuminikiri tamuno ma mininighaapụ ma kóróma tọ́rụ́pụ́mamam anịgo nnị ine baá ma arịgha anịị Krais ipine gboloma sị ibi oku ma ḅụ sághị ḅoarị baá, ori ma anị gbẹ́rẹ́sa Tamuno ma na kịkaḅọ.

Ẹ́fịsọsapụ 1:17

wámịna Nyánáḅọ Jizọs Krais Tamuno ḅara biiarị, ipine nyáná Daḅọ, ḅẹẹ ọ Tẹ́mẹ́ ma pa ọ pịrị, níminyẹ pa ọ pịrịbẹḅọ, sị Tamuno ma pa o die, sị ọmịnị ibima ọ nimi bẹ ḅara.

Ẹ́fịsọsapụ 6:5

Ómóniapụ ọ ḅáláfa na osigha pa tuminikiri ọmịna nyánáapụ dughonyẹ mịẹ, pịghị fíafía tẹ́mẹ́ pa anị mịẹ, sọ́ḅọ́rọ́ ọ fịrịnwangị Krais pịrịarị.

Kolosiapụ 3:22

Ómóniapụ, ọmịnị ọmịna nyánáapụ tuminikiri bịpị pughu nyẹ gonyẹ́ gonyẹ́ ḅụ, ọmịnị anị mịẹ nna tọ́rụ́ ọ ḅụ laarị sa ngéréghaa, ọmịnị nna ḅẹlẹma nyánáḅoo ḅẹ́ ḅara, kụ́ma ọmịnị anị mịẹ karakárá tẹ́mẹ́bie na pịghị osigha pa Kị́nị́nyánáḅọ ma pịrị ḅụ.