Ibi Oku Ma Jọn Anị Gịẹ Ḅara 17:8 - Ibani New Testament

⁸ I pa i pịrị ẹ́gẹ́rẹ ma a pa n pịrịm nnị pịghị anị daákịm. Nnị ibiḅara pa nimim ḅẹ́ a ị ḅara saghịḅom nnị pịghị mininim ḅẹẹ ịrị i fịrịmam.

Ibi Oku Ma Jọn Anị Gịẹ Ḅara 17:8 Iomraidhean Croise

Matiu 13:11

Ọ pagharam, <

Ibi Oku Ma Jọn Anị Gịẹ Ḅara 12:49

A ị́yẹ́ kụ́rọ pa ẹ́gẹ́rẹ́ kọgha, kụ́ma i fịrị ma Daḅọ ma tọ́ọ i pịrịmam a dugho bẹnyẹ na pịghị a dugho bẹ ḅara.

Ibi Oku Ma Jọn Anị Gịẹ Ḅara 14:10

I mininigha ḅẹ́ a Daḅọ ma bie imi, Daḅọ ma sọ ibie imi? A kọọ ọ pịrịarị ẹ́gẹ́rẹ́ ma ị́yẹ́ ẹ́gẹ́rẹ́gha. Tụ́ma i biebẹ ngáarị Daḅọ ma ori anịị ori fịrịnwangịarịḅọ.

Ibi Oku Ma Jọn Anị Gịẹ Ḅara 15:15

A mịnị fịrịnwangịapụ pa ọ sịgha, tegó fịrịnwangịapụ nimigha amịna nyánáḅọ mịẹarịnyẹ. Anịmanakaragha a nángwọ́apụ pa ọ sịmam, tegó i Daá ma ḅara a dawọḅo nyẹ mangba a pa o diemam.

Ibi Oku Ma Jọn Anị Gịẹ Ḅara 16:27

Daḅọ ma ọ ḅụgbọrụ opuma ọ ḅẹ́lẹ́mam tegó ọmịnị i ḅẹ́lẹ́mam pịghị mininim ḅẹ́ a Tamun ḅara saghịḅom.

Ibi Oku Ma Jọn Anị Gịẹ Ḅara 16:30

Mị́sa wamịnị arịḅom ḅẹ́ ị nyẹ gonyẹ́ gonyẹ́ nimim, ị biighaa kị́nị́ gbíla nyẹ pa i gbilaa. Mịma mịẹm wa minini ḅẹẹ ị Tamuno ḅara saghịḅom.>>

Ibi Oku Ma Jọn Anị Gịẹ Ḅara 17:14

A ị́yẹ́ ẹ́gẹ́rẹ́ ma pa nnị pịrịmam tuminikiri ma warị n pa tarịgháapụ sọmam tegó nnị mịnị mịị tuminikiri bẹapugha, irịsọ mịnị mịị tuminikiri bẹ ḅọgha ḅara.

Ibi Oku Ma Jọn Anị Gịẹ Ḅara 17:18

Ịrị i fịrịma tuminikiri ma ḅo ḅara anịị a n fịrịma tuminikiri ma ḅoo ḅara.

Ibi Oku Ma Jọn Anị Gịẹ Ḅara 17:21

Daa mịẹsị nnị kị́nị́mamgba gbẹ́rẹ́ ḅụ ḅụ fịnị, ịrị ibie fịnị ḅara, ịrị ma sọ ibie fịnị ḅara. Mịẹsị nnị wa bie fịnị, sị tuminikiri ma minini bẹ ḅara ḅẹ́ ịrị i fịrịmam.

Ibi Oku Ma Jọn Anị Gịẹ Ḅara 17:23

Ịrị ibie fịnị ḅara ịrị ma sọ nna bie fịnịbẹm. Mịẹsị nnị ḅoo káara ḅara ḅụ gbẹ́rẹ́ ḅụ ḅụ fịnị bẹ ḅara sị tuminikiri ma nimi bẹ ḅara bẹ ịrị i fịrịmam pịghị n ḅẹlẹmamam ịrị i ḅẹlẹmamaa ḅara.

Ibi Oku Ma Jọn Anị Gịẹ Ḅara 17:3

Gbámásó duma ma nyáná bẹ ḅara, anịị ịnimii, ịrị ngéré karakárá Tamuno ma, na Jizọs Krais ị fịrịmaḅọ ma nimi.

Ibi Oku Ma Jọn Anị Gịẹ Ḅara 3:17

Tamuno ọ Tụ́wọ fịrịma tuminikiri ḅogha ḅẹ́ o ḅoo anị ḅẹ́rẹ́kọḅọ sọ, kụ́ma ọ ḅụ ḅọ́rọ́ tuminikiri ma dụaḅọ́rọ́ma.

Ibi Oku Ma Jọn Anị Gịẹ Ḅara 3:33

Kụ́ma anị daákịmáaḅọ gonyẹ́ gonyẹ́ ḅara pụ́nụ́ anị pịrịmam ḅẹẹ Tamuno ori ma karakáram.

Ibi Oku Ma Jọn Anị Gịẹ Ḅara 6:68

Saimọn Pita ọ pagharam, <

Ibi Oku Ma Jọn Anị Gịẹ Ḅara 8:42

Jizọs dugho n pịrịm, <<Ḅọ́rọ́ Tamuno anịị ọmịna Daá, ọmịnị i ḅẹ́lẹ́mabẹm, ḅẹẹ a Tamuno ḅara saghịḅom a mịnga ma ḅụ imi mị́sa. A ị́yẹ́ kụ́rọ ḅụ ḅogha; kụ́ma ori i fịrịmam.

1 Kọrịntịapụ 11:23

A Kị́nị́nyánáḅọ ḅara daaḅom, a pịghị ḅọ́rọ́ma ọ pịrịarị dienyẹ ma, ḅẹẹ Kị́nị́nyánáḅọ Jizọs nnị ọ dẹrịfị éné dii ma ḅụ, ọ fịturu mpara akịm.

1 Kọrịntịapụ 15:1

Mị́sa i jẹa mininiapụ, a pá o biekóróma, a dugho wásáma ọ́ pịrị ibi oku, ọ daákịnyẹ, anị ḅụ anịị ọmịna minini pịghị sẹ nyẹ.

1 Tẹsalonaikaapụ 2:13

Jẹ́nyẹ imi wa go sámámgba ịmịẹḅam pa Tamuno ḅẹ́arịnyẹ, wa Tamuno oku ma akuoo ọ pịrị sáá, ọmịnị anị naam pịghị anị daakị, o tumḅọ ḅara ḅo oku pa anị daákịgha kụ́ma Tamuno ḅara saghị ḅo oku, anịị pịghị anịị, ḅẹ́ Tamuno ọmịnị mininiapụ ma duma bie fịrịnwangịarị.

1 Tẹsalonaikaapụ 4:1

Kunemaá, wámịna Daa awọ, ọ wámịna ḅara dawọḅomam ọ duma kọọ bẹ ḅara sị anị Tamuno ḅụ ḅẹ́lẹ̄. Mị ḅara ma anịị o duma kọọarị ḅara. Mị́sa wamịnị ọ tẹ́ghẹ̄m opuma ḅẹ́ Kị́nị́nyánáḅọ Jizọs ẹrẹ ḅụ ọmịnị ibi mịma nẹ́ngị ḅara pa duma kọọ.

1 Jọn 4:14

Wa pịghị árịmam, pịghị dugho págháma ḅẹ́ Daḅọ ma ọ Tụwọ fịrịmamam ḅẹ́ o ḅo tuminikiri Dụaḅọ́rọ́maḅọ sọ.

Puu Findi 1:1

Mịị diri ma bie fịnịnyẹ anịị Jizọs Krais diepágháma nyẹ́. Tamuno mịị diepágháma nyẹ ma pa ọ pịrịm sị ọ pa ori fịrịnwangịapụ die pághá bẹnyẹ ḅọlọghaa sáá ḅụ. Krais mịẹm sị ori a fịrịnwangịḅọ Jọn mịnanyẹ ma nimii ori ọrẹ sookumuḅọ fịrịma ọ pịrị ḅara.