Gbẹ́rẹ́ḅọ sọ jẹ́ éné na Tamuno arịgha. Kpọ́kpọ́ gbẹ́rẹ́ tụ́wọ ma, ori na Tamuno na gbẹ́rẹ́nyẹ ma, ori ma pịghị Daḅọ ma ngása imi, ori ma pịghị mịẹmam sị wamịnị o nimi.
Ọ mịnị ḅọ́rọ́ tuminikiriapụ ma ḅụ gbẹ́rẹ́ḅọ, nnị ọ ḅẹ́lẹ́mabẹm nna ḅụ ḅọ ḅara. Anị fịnị ḅara ọmịnị tuminikiri ma ḅụ gbẹ́rẹ́apụgha, kụ́ma tuminikiri ma bie a o sẹ́lẹ́akị pághámá ḅom. Anịị tuminikiri ma go ọ tarịgha nyẹ.
A nnị na fịnị sáá, a n koko wárim ị pa pịrị ị́yẹ́ ẹrẹ ma ḅụ. Gbẹ́rẹ́ḅọ sọ nna bie faghaa, nnị guluguluma tọ́ọ pịrịḅọ ma sima sị Tọ́ndiri ma dughonyẹ ḅoo kiriakịnyẹ sọ bẹ ḅara.
A ị́yẹ́ ẹ́gẹ́rẹ́ ma pa nnị pịrịmam tuminikiri ma warị n pa tarịgháapụ sọmam tegó nnị mịnị mịị tuminikiri bẹapugha, irịsọ mịnị mịị tuminikiri bẹ ḅọgha ḅara.
Tamuno na oria túminị́ sịghịgha ọ sẹlẹakịapụ sughúsaghị sa. O nimigha Elaija gboloma sị Tọ́ndiri ma bie n gịẹ kórómanyẹ ọ ḅẹ́rẹ́ dugho Tamuno suam Izirẹlịawọ gosi.
O wáriso sị Krais ẹ́gẹ́rẹ́ ma bifụfụụ́ ḅara pa ọmịna bie ngaa nyẹ pa jụghọ jụghọ die pịghị opu níminyẹ ḅụ jụghọ jụghọ birinụ́nụ́, ọ núme diri ma súu pịghị núme súu pịghị tẹ́mẹ́ju núme suu ọmịna tẹ́mẹ́bie ịmịẹḅam pa Tamuno ḅẹẹarị.
A pa ị die karakárá ẹ́gẹ́rẹ́ ma ibima anị ọlọọ kụ́rọ́ma sị anị ịrị arị sị duabe nyẹ sọọ, pịghị Krais Jizọs ḅụ wa nyána minini na wa nyáná ḅẹlẹma ḅụ fịnịị.
Kụ́ma Krais Tamuno Tụ́wọ, ọ sẹ kụrọm Tamuno wárị ma bie, ori anịị sịbịdáḅọ, wamịnị anịị wárị ma, wa ḅọ́rọ́ wámịna biekpọ na tẹ́mẹ́kụ́rọ ọlọsẹma nḅẹḅẹ́, wa pa ine bịpịkpọ ḅẹnyẹ.
Wa pịghị nimim ḅẹ́ Tamuno Tụwọ ma ḅomam sị akanyaḅo pa wa pịrịmam, si wa karakárá Tamuno ma nimi, wa karakárá Tamuno ma na gbẹ́rẹ́ḅụ ḅụ imii ọ Tụwọ Jizọs Krais ma na gbẹ́rẹ́ḅụ ḅụ imi. Mịị karakárá Tamuno ma, mịị pịghị duma gbámásó.
A nimim ọmịnị ngaa angaá, anịị Satanị ma ori imine nyáná ngaa. Anịsọ ọ pa sẹ́kụrọ ị́yẹ́ ẹrẹ ma pịrịm ọ pa ịḅụ mininim nnị Antipasi ị́yẹ́ karakárá onyésẹ̄ḅọ ma ḅá sa ọmịna opu ama bie anịị Satanị ma ngaa angaá.
Ọmịnị a sua ọ pịrị ólóghó ma kokomam gosi sị ngịrịma nyáná, irịsọ pịghị ọ koko warịbẹm tuminikiri ḅoarị ḅụḅáláḅálá sáá ma ḅụ, ḅoo tuminikiri fịnịapụ ma daádighi bẹnyẹ.
A ọ ọmịna mịẹnyẹ nimim, a ḅụ́pọ́ findi ọ pịrịmam gbẹ́rẹ́ḅọ sọ ine ikásịbịgha nyẹ. A nimim ḅẹẹ ọ kálá ịnyọ nyánam; ọmịnị ị́yẹ́ dienyẹ ma duamam, ọ pịghị sẹ kụrọ ị́yẹ́ ẹrẹ ma pịrịmam.
