A mịnị fịrịnwangịapụ pa ọ sịgha, tegó fịrịnwangịapụ nimigha amịna nyánáḅọ mịẹarịnyẹ. Anịmanakaragha a nángwọ́apụ pa ọ sịmam, tegó i Daá ma ḅara a dawọḅo nyẹ mangba a pa o diemam.
Kụ́ma Tọ́ntọ́ Tẹ́mẹ́ ma, karakárá ma pa túminị́ diearịḅọ ma ḅoo sáá, ọ karakárányẹ mamgba pa o diebẹm. Ori ọrẹ kụ́rọ ḅụ ẹ́gẹ́rẹ́ kọbịgha; ọ náanyẹ ma ngéré anịị o dugho bẹnyẹ, ọ pịghị tórúku ḅoarị nyẹ dugho ọ pịrịbẹm.
Dii a mmẹẹ́ si, ọ fịịfama sáá, ori ọḅụ pa nnị diem tọgha sa, na pịghị asọ kịrịkị́rị́ ḅụ, diearịnyẹ tẹ́mẹ́ mmẹẹ́ mmẹẹ́ mịẹgha ḅụ ḅẹ́ o dumam. Nnị ori arịm ọ pịghị nnị ná Tamuno amadakiri ma gbólómanyẹ dughom.
