Ibi Oku Ma Jọn Anị Gịẹ Ḅara 15:5 - Ibani New Testament

⁵ <

Ibi Oku Ma Jọn Anị Gịẹ Ḅara 15:5 Iomraidhean Croise

Matiu 13:21

Kụ́ma anị nna bie kune nyanagha, kálá sáá ngéré anịị anị pa fịnịarị nyẹ. Ḅụḅáláḅálá anịgha tọ́rụ́siarị ḅomaẹrẹ oku ma gosi, n ḅọ anị gbẹ́rẹ́kirikiri bịghị korom.

Ibi Oku Ma Jọn Anị Gịẹ Ḅara 12:24

A karakárányẹ ma dugho ọ pịrịm, n kiribie mbiakpa mgbọ́lụ dipi nyánam. Anị fịịgha fịịgha anị ọkọfịnịbẹm, gbẹ́rẹ́ sịmgbọlụ ma. Kụ́ma anị fịịfịị anị tọgha sịịmgbọlụ pághámaḅobẹm.

Ibi Oku Ma Jọn Anị Gịẹ Ḅara 15:16

Ọ mịnị i sẹlẹakịgha, kụ́ma ịrị ọ sẹ́lẹ́akịm sị tọ́ọ ọ pịrị ḅẹ́ o muu sịịmgbọlụ sua, anịị fịnị bẹ sịịmgbọlụ. Anịsáa ọ Daḅọ ma ḅara binyẹ binyẹ gonyẹ́ gonyẹ́ iyẹ ẹrẹ ḅụ, ori anị pa ọ pịrịbẹm.

Ibi Oku Ma Jọn Anị Gịẹ Ḅara 5:19

Jizọs nnị pagharam: <

Ibi Oku Ma Jọn Anị Gịẹ Ḅara 9:33

Ḅọ́rọ́ mịị owitụ́wọ ma Tamuno ḅara saghị ḅogha, ori ine bẹnyẹ bẹnyẹ mịẹbịgha.>>

Fịrị Ḅara 4:12

Ọ ḅụ ngéré anịị wa dụaḅọ́rọ́ma nyáná bẹnyẹ, tuminikiri gbọrụ ḅụ Tamuno na jụghọ pịrịgha wa ḅọ́rọ́ma bẹḅọ.>>

Romapụ 12:5

Anị gbẹ́rẹ́ ḅara ma, karakárányẹ ḅẹẹ, wamịnị mánámánáapụ, kụ́ma wamịnị gbẹ́rẹ́ ḅụ ḅụ imii Krais bie, wa jụghọ jụghọ na ḅolom, gbẹ́rẹ́ oju ma mụmbụ mụmbụ ḅụ.

Romapụ 6:22

Kụ́ma mị́sa n sii ḅárabie ọ duapághámaḅomam sị ọmịnị Tamuno ómóniapụ sọ. Ọmịna sọnyẹ anịị n gbẹ́rẹ́sa saghị ḅọrọma Tamuno pịrị duma, anị kunema anịị duma gbámásó.

Romapụ 7:4

Anịị anị pịghị ọ nana fịnị ḅara ị́yẹ́ amịnáapụ, anị ólóghó ma gboloma ḅara ḅụ ọmịnị so ọ fịịmam tegó ọmịnị ma anịị Krais ma oju bẹ gbẹ́rẹ́apụ; ọmịnị anị mị́sa n fịị ḅụ saghịma ḅọ ma nyẹẹ wa sọnyẹ sọ bẹ ḅara Tamuno ma fịrịkiri.

1 Kọrịntịapụ 10:16

Wamịnị iru ḅụ sá, n pa Tọ́ntọ́ fị́nyẹ pịrịarị ọmọngọ ma bie, warị imiẹḅa pa Tamuno ḅẹ́, wa diekiri nyánáarị Krais ọmbịnyẹ́ ma ḅụ. Wa pịghị fịtúrú ma puu fị sá, wa pịghị diekiri nyánáarị Krais oju ma ḅụ.

1 Kọrịntịapụ 12:12

Nganga ma gbẹ́rẹ́ oju ḅara ma kụ́ma nganga nyánam, ḅẹ́ oju mamgba karakárányẹ ḅẹ́ n dụḅam nnị pa gbẹ́rẹ́ oju ma, anịị Krais sọ fịnị ḅara.

1 Kọrịntịapụ 12:27

Ọmịnị kị́nị́mamgba anịị Krais oju ma, ọ́rụ́ḅọ ọ́rụ́ḅọ anịị gbẹ́rẹ́ angaá oju ma ḅụ.

2 Kọrịntịapụ 13:8

Tegó wamịnị ine gbẹ́rẹ́nyẹ sọ mịẹ karakárányẹ ma pụ́nụ́mabịgha, kụ́ma wa nyẹ mịẹ karakárányẹ ma pịrịbẹm.

2 Kọrịntịapụ 9:10

Tamuno ori sịmgbọlụ pa dụadipiḅọ pịrịarịḅọ na pịghị fịtúrú pịrị fị́nyẹ ḅụ, pịghị pa ọ pịrịbẹm o bi sịmgbọlụ gonyẹ́ gonyẹ́, ọ mịẹbẹm anị sẹ́nị sị opuma nyẹsua ọ ḅara findi pịrịarị ḅara ma gosi.

Galesiaapụ 5:22

Kụ́ma Tẹ́mẹ́ ma pághámaḅoarị sịmgbọlụ anịị, ḅẹlẹma, bieḅẹlẹ, diin, ngịrịma, ibitẹ́mẹ́ nyána jụghọ jụghọ pịrị ibinyẹ, tẹ́mẹ́ gbánā,

Ẹ́fịsọsapụ 5:9

Baá ma anịị ibinyẹ gonyẹ́ gonyẹ́ akuoarị nyẹ, karakárá ibiamịẹnyẹ mamgba na pịghị tụ́manyẹ mamgba,

Filipaiapụ 1:11

Anịsáa Jizọs Krais ngéré ine pághámaḅoarị karakárá ibiamịẹnyẹ ma anịị ọmịna duma bie bii fụ́fụ́ ḅẹnyẹ, mịma ọ́ pa Tamuno boma pịghị o túminị́.

Filipaiapụ 4:13

A ine nyẹ gonyẹ́ gonyẹ́ mịẹbẹm Krais ḅụ ḅọ́rọ́, ori ịnyọ pa i pịrịarịḅọ.

Filipaiapụ 4:17

Ḅẹgha ḅẹ́ a diepịrịnyẹ daakị dọ́ghụm, tụ́ma túminị́ árị sị sọnyẹ sọ ọ pịrịbẹnyẹ.

Kolosiapụ 1:10

Wa mịị tẹ́ghẹ̄ ma kọọarị sị ọmịnị ine Kị́nị́nyánáḅọ bii ḅara pa duma kọọ, pịghị o bieḅẹlẹma asọ mamgba ḅụ: ọmịna duma pịghị mgbọ́lụ suarị ibifịrị gonyẹ́ gonyẹ́ ḅụ, pịghị sẹnịarị ọmịna Tamuno nimi ḅụ.

Kolosiapụ 1:6

ọ pịrịmaá ma nyẹ. Tuminikiri gbọrụ ḅụ mịị ibi oku ma anị mgbọ́lụ suarị pịghị sẹnịarị, anị pịghị mịẹarị ḅara ma ọmịna ogboku bie ọ sághị anị náa sa éné éné pịghị Tamuno tọ́rụ́kụrụkụ́rụ́ ma akanyaḅo anị karakárá mamgba ḅụ.

Jems 1:17

Tamuno pịrịnyẹ gonyẹ́ gonyẹ́ ibim pịghị kpainm, sobie saghị ḅo nyẹ gonyẹ́ gonyẹ́ anị ibim pịghị kpainm Tamuno ḅara anịị anị saghị ḅoarị nyẹ.

1 Pita 2:4

Ọ Kị́nị́nyánáḅọ ma damaḅo, túminị́ dighisima ḅẹ́ nyẹ́ḅụoforị dumafịnị dapịrị, Kụ́ma Tamuno ọ ḅara na sẹlẹakị sị nyẹ́ḅụ sọ́nyẹ.

2 Pita 3:18

Kụ́ma ọ pa senị́ị́ Wányánáḅọ na wámịna Ḅọ́rọ́maḅọ Jizọs Krais tọ́rụ́kụrụkụ́rụ́ na ori níminyẹ ḅụ. Ipine fịnị ọ pịrị mị́sa akị mú ḅẹsá ḅẹsá la. Anị ọkọ fịnịị.